🔥جَـــحِــــيـــم الـــمــــشْــــرمل🔥
بأنامل: رباب نجمة🖋️🌺
الجزء السادس:
فتحات عينيها على وجه نغم لي كانت لايحة يديها على وجها......بعدات يديها ناطقة بحدة.......
ميرال: نغم نوضي أصاحبتي ماخليتي مادرتيلي هاد الليلة شبعتيني ركيل وضرب........
جلسات نغم على السرير كاتحك عينيها حاسة بالدوخة........ناطقة بعدم فهم.......
نغم: أشنو جابني لبيتك........
وقفات ميرال متجهة للحمام ناطقة بنبرة حادة.....
ميرال: نوضي وجدي راسك ولبسي من حوايجي حيت الكسوة دالبارح خانزة بريحة السجائر والخمر وإلا شافك بيها خويا ثيقي بيا غايندمك......يكفي أنه تعامل معك مزيان البارح وطلعك لبيتي......
اتسعت أعين نغم ناطقة بحماس......
نغم: واش بصح عصام هزني........
غمزاتها ميرال ناطقة بنبرة لعوبة.....
ميرال: آه ولكن غير مسحي الأفكار لي طاحت في بالك دبا حيت نتي عارفة علاش........
دخلات ميرال للحمام في حين نغم بقات كاتفكر والفراشات كايتراقصوا داخل بطنها.........معجبة بفكرة أنه لمس جسدها واستنشق عطرها وقرب منها وحس بأنفاسها........
نزلات ميرال للأسفل من بعدما تجهزات......ابتسمات بلطافة فاش لاحظات تواجد نازلي الفتاة الشقراء على طاولة الفطور بجنب خوها......
ميرال: نازلي نتي هنا مفاجأة زوينة هادي.....
ابتسمت نازلي حاضنة ميرال بحب ناطقة بنبرة رقيقة.......
نازلي: جيت اليوم وماصبرتش وجيت لهنا قبل مانمشي لداري حيت توحشتكم بزاف.....
ابتسمت ميرال متكلمة بمشاكسة....
ميرال: امم قولي توحشتي خويا عصام......
ابتسمت نازلي لكن سرعان ماتخطفات ابتسامتها فاش لمحات نغم نازلة مع الدروج لابسة فستان قصير باللون الأزرق هو نفسه اللون المفضل عند عصام مخلية سيقانها يبانو بإغراء....
لقات التحية وجلسات بجنب عصام في حين التحقات نازلي وميرال بطاولة الأكل.....قدمات الخادمة الفطور....وتكلم عصام كاسر الصمت لي عم فجأة فور ماجات نغم......
عصام: نغم غير تسالي فطورك خصنا نهضروا بخصوص البارح.......
ابتسمت نغم برشى وعينيها لمعات بنجوم خفية........
نغم: معلوم نهضروا.......
تكلمات نازلي بحدة......
نازلي: نغم واش نعستي هنا.....
خدات نغم وقتها باش تجاوب راسمة إبتسامة لعوبة......
نغم: أه أحبيبة نعست هنا وبصراحة أنا كنت بغيت نمشي ولكن ميرال ما خلاتنيش وأصرات عليا نبقى معها.....
شافت في عصام ناطقة بنبرة رقيقة.....
نغم: وحتى عصام رحب بيا لدرجة مخلانيش نتمشى على رجلي هزني حتى لغرفة ميرال.....
ابتسمت نازلي إبتسامة مزيفة حاسة بالغضب مدات يديها باش توضعها على يد عصام ناطقة بنبرة مستفزة.....
نازلي: حبيبي عصام قلبو كبير وكايعاملك بحال ختو الصغيرة مانتي بحالك بحال ميرال ماكاين حتى فرق ياك أحياتي.....
اكتفى عصام بالإيماء........في حين أن نغم حسات بغصة في قلبها انسحبات بسرعة من الطبلة متجهة للمكتب ديال عصام كاتسناه باش يهضروا.......
جلسات نغم وسمحات لدموعها ينزلوا في نفس الوقت دخل عصام لقاها كتبكي مشا لعندها بسرعة وتكلم بتساؤل......
عصام: نغم مالك علاش كاتبكي.....
وضع عصام أصابعو على ذقنها متحسسو بحنان ورقة رافع وجها للأعلى باش يتقابل مع وجهو......
عصام: تكلمي.....
تكلمات نغم ببراءة مدققة النظر في عينيه....
نغم: محتاجة لعناق ماحاساش براسي مزيان........
جرها لحضنو وهي زيرات على قميجتو كاتستنشق رائحته وقلبها كايضرب بسرعة.....
مرر أصابعه على شعرها ناطق بنبرة خافتة مخليها تعض شفايفها بفقصة.....
عصام: أنا بحال خوك أنغم عاوديلي أشنو عندك......
#يتبع....بأنامل: رباب نجمة🌺أراؤكم حبيباتي خليوهم لابغيتوني نكمل ليكم🖋️خليو هنا 10 Votes باش نحط غدا تصبحوا على خير🦋🍒❤️
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
