Unicode
ဇမ်းအခန်းထဲကထွက်ပြီးခနလောက်ကြာမှ ညွှန်းအနောက်ကလိုက်သွားမိ၏။ မိမိက ချက်ချင်းလာမပြောရကောင်းလားဆိုပြီး ပြောသွားတဲ့သူ့ကြောင့် မှန်တာဆိုရပါလျှင် ညွှန်းနည်းနည်းတော့ အောင့်သက်သက် ဖြစ်ရသည်။ ဒီကောင်လေးအကြောင်းဆို ချက်ချင်း အချိန်နဲ့တပြေးညီသိမှ ဖြစ်မယ့်အထိ ဒီကောင်လေးက အရေးပါနေသည်လား။
တွေးရင်းနဲ့မှ ရှင်းလေးပုံစံကို ပြန်တွေးမိပြန်တော့ ရှင်းလေးက ညွှန်းနဲ့မတူ နုနယ်ကာ ဖြူစင်ဟန်ပေါ်လှသည်။ ကာကွယ်ပေးချင်စရာပုံရိပ်၊ သနားချင့်စဖွယ်ပုံတို့က ထင်ဟပ်လျက်။
ဧည့်ခန်းထဲရောက်တော့ ရှင်းကဇမ်းကိုမြင်တာနဲ့ထိုင်နေရာကနေထကာ ဇမ်းရှိရာသို့မပြေးရုံတမယ်ခပ်သွက်သွက်လျှောက်လာပြီး ဇမ်းဘေးမှာခပ်ကပ်ကပ်လေးရပ်လိုက်၏။
"ဘာဖြစ်လို့လဲ"
ဇမ်းက သူ့ဘေးမှာလာရပ်နေသည့်ရှင်းကို မေးဆတ်ရင်းမေးလိုက်ပေမယ့် တွန့်ချိုးထားသည့်မျက်ခုံးတွေကတော့ပြေလျော့သွားခြင်းမရှိပေ။ ဇမ်းမေးတော့ ရှင်းကသူ့လက်လေးတွေနဲ့ အင်္ကျီအနားစတွေကိုလုံးချေလိုက်ရင်း
"ရှင်းအခန်းက ရေပိုက်ခေါင်းကလေ ရေကျနေလို့အကို အဲ့တာလေးလိုက်ကြည့်ပေးပါလားဟင်"
"ရေကဘယ်ကတည်းကကျတာလဲ"
"ရှင်းလည်းတစ်နေ့လုံးအလုပ်ရှုပ်နေတော့လေ အခုအိပ်ခါနီးမှသိတာ...၊ ရေကတစတောက်တောက်ကျနေတော့လေ ရေကျသံက နည်းနည်း ကျောချမ်းလို့ အကို"
ဇမ်းကိုကြည့်ရင်းခပ်မဲ့မဲ့ပြောနေသည့်ရှင်းပုံစံလေးကအခုပဲငိုချတော့မဲ့ကလေးလိုဖြစ်နေလေသည်။ရှင်းပုံစံလေးကဝတ်ပုံစားပုံနဲ့ အပြုအမူလေးတွေကြောင့်သာကလေးလေးလိုထင်ရပေမယ့် အရပ်က၆ပေနီးနီးလောက်ကိုရှိကာ ဇမ်းနဲ့ကအရမ်းအကွာကြီးဖြစ်မနေပါ။သေချာယှဥ်ကြည့်ရင် ရှင်းကညွှန်းထက်တောင်ပိုအရပ်ရှည်ပြီးထွားနေအုန်းမည်။
"သွားရမယ်ဆိုလည်းစောစောစီးစီးသွားပြီးလုပ်လိုက်လေ အချိန်ကနောက်ကျနေပြီ ရှင်းလေးလဲအိပ်ချင်ရောပေါ့"
YOU ARE READING
You are My Bone
Romanceလူတိုင်းပါးစပ်ဖျားမှ ဇမ်းဆိုတဲ့ကောင်က အပေအတေကောင်လို့သမုတ်လဲ သူတို့သတ်မှတ်ချက်အတိုင်းသွားပါစေ.....ကိုယ့်ထမင်းကိုယ်စားပြီး သူများစကားတွေကိုထိုင်ခံစားနေဖို့ အဲ့လောက်ထိ ကျုပ်မှာအချိန်တွေအားလပ်မနေဘူး! ____________ လူတိုင္းပါးစပ္ဖ်ားမွ ဇမ္းဆိုတဲ့ေကာင္က အ...
