...
وهي شكد حبت فارس وظال حسرة بنفسها ليهسة..عدها 3 بنات هسة....وهو فارس بنية وحدة مايريد طفل..بسبب المشاكل البينه وبين مرته...
وهو كلها قبل لا يتزوجها كلبي لبنية ثانية بس هي كالت مايهمني المهم انه احبك..وقبلت بي وتعرف مايحبها..وبعد فترة من زواجهم ظلت تحس بأهمال وصارت مشاكل بينها وبينه...
صار عدهم طفلة شوي تحسنت علاقتهم..بس هي هواي تشكي وتعبته..وكل كلمة والثانية تكله انته تحب غيري وماتحبني..وعندك علاقة وياها ويتعاركون...
فارس:خويلد ابوكم وينه
خالد:بالديوان غير
نواف:ولكم هسة توه جنت يم جدي وابوي اجتهم مرة تستنجد بجدي ولكم شلون مرة وزوجها وياها وشلون زلمة تفلة مايسوة هي تحجي وهو ساكت يتفرج عبالك هي الزلمة ههههههه
مشتاق:خررب شكد اضوج من هيج مرة طاح حظه من زلمة
خالد:اي والله هاي شنو هذا زلمة خريي
فارس:اخذتو الرجال مشراع ومجداف على كيفكم صايرين نسوان شو وتحشون بالناس هههههه
هيثم:ههههههههه لا عمي المشكلة المرة زغيرة وحلوة ورجلها شايب
نواف:اخررب واتكهرب هسة الشيخ نور ينحرف لعد
فارس:اكل تبن نويف ابوك عاقل شهل الحجي
مشتاق:ولك هو ابوك هسة عاطل صارله سنين ههههههه
نواف:والله اقسم بالله هو بس يشوف بنية يشت....وشاف ابوه دخل سكت وماكمل وظل يكول..ابوي ابوي..بصوت ناصي..
فارس:ههههههه اجاكم صكاركم
نور وكف فوك راس نواف:اي بويه كمل اذا شاف ابوك بنية شيسوي
نواف تورط:اي يابه يدنك وحقك
نور:يدنك هاااا...وصاح..زهراء بويه جيبي حزام عمج الا ادبك واتوبك من لسانك الوصخ هذا
نواف نص صوته اختفه:وحق شواربك يابه يدنك والله يدنك
مشتاق يريد يشرد يعرف هسة تلوحه الرزايل همين:انه استأذن عندي تدريب
نور لزمه:تعال تعال لا تفلت عود انته الجبير وعمهم ولازم تصير قدوتهم
مشتاق:اي شسوي لولدك سرسرية خصوص هالنويف
خالد:يابه ليش تنتظر الحزام عندك عكالك خخخخخ مو خبيث ابد
نور:جنك على عكال بويه
خالد:والله ماحجيت شي يابه مو ياهم انه
نواف:بويه انته من يمته تجلدنه شو اليوم تريد الحزام..انه ازوجك احسن لي حتى تشوفك شكلك معوز حنان واطلعه بيه يابه
نور:شسويلك بالله شون اربيك بعد شواربك واصلة لركبك..شكد اعلمكم انتم ولد شيوخ تعبت على تربيتكم وتبقون نفسكم..والله عيب اضربكم كل واحد صاير بطولي...وباوع للطاولة..واليوم شني حاطين طاولة وتلعبون بالعادة مكابلين تلفوناكم وكل واحد فاصل عن الدنيا وعايفين الكتب
نواف:والله احتارينه وياك يابه لزمنه تلفوناتنه كلت لازمين التلفون 25 ساعة عفناهن كلت ليش عايفينهن
نور:انه اكول شعجب عايفينهن مو ليش عايفينهن هاي تختلف وذيج تختلف
نواف:اي يابه حقك حقك نقص الحنان مأثر عليك..أ أ اقصد الديوان متعبك يابه
نور:والله راح اجلدك انته بالذات سرسري ومابيك خير لنفسك ولا فايدة ولاعايدة كالو عطلة مو تكعدون عالتلفونات لو تلعبون..انه بالديوان تعوفوني واطلعون تسختون نواف جم مرة كايلك من يجيني احد تبقه بالديوان يمي وجدك يريدك..وصاح..زهراء وينج
زهراء:هلا بابا آمر
نور:حزام عمج
زهراء ضحكت:صار تدلل..وراحت تجيبه..ونواف كام وكال يابه الله وياك تشرفت بمعرفتك...ولحكه خويلد ومشتاق ولحكهم هيثم....
وفارس ميت ضحك عليهم دوم ابوهم يلكفهم بحجيهم الطايح الحظ ويطيح حظهم بالرزايل بس مايضربهم شكد يشلعون كلبه مايضرب يكول عيب عليه شنو اضرب زلمي واخرب شخصيتهم....
همه هاي الفترة جايتهم امتحانات اخر السنة..نواف كلية والولد والبنات مدارس...
فارس:خير نور شكو منو جان عندنه بالديوان
نور:رجال وحرمته..ناس بطرانه مشكلتهم ابنهم الزغير يكدر يحلها والحرمة وكأنها هي الزلمة ذاك ساكت حرمته تحجي عنه
فارس:هههههه كالو الولد توه جانو يمك من اجوك..الله يهديهم..صدك نور اليوم يجي عمي من ألمانيا هو وعائلته
نور:اي بس ماعتقد اليوم باجر يالله يجون
فارس:انه ماذكر عدل على عمي تصدك ناسي شكله
نور:الله يستر من رجعت عمك لهنا..تعرف عمامك ماناسين ليهسة اتزوج الألمانية وعافهم
فارس:ليش مو همه عمامي كلوله تعال ارجع يمنه
نور:من جان هنا ورجعلهم..اعتبرو جهاله كفار وهو هم كلوله كافر تزوجت كافرة بالرغم الحرمة اسلمت..عمي تركهم ورجع لذيج البلد بسبب حجيهم على عائلته ماعتقد عمي ينسه هالسالفة ويبقه هنا
فارس:الله كريم يمكن يشوف اخوانه ويبقه..ولو الي تعود بمكان مستحيل يتأقلم بغيره
نور:هسة اولاده اكيد تربو ببلد غريب وتخلقو بأخلاق الاجانب..الله كريم المهم نشوفه صار سنين طوال اذكر من جان هنا هو عائلته وتعب من الحجي والعشيرة الي تركته كلها
فارس:اي ماكو اكرم من الله..عن اذنك ياخوي..وراح لغرفته..شاف بته جاي تشوف بالتاب..وامها عاقدة حواجبها كالعادة وماتحاجي...
مل من هالحال وياها كله زعلانة وكله محاربته حتى من حقه تمنعه لو اجاها..وبعدين تكله انته تكرهني وماتحبني وهاجرني...
وهو احتار وياها وصار ميتقرب عليها بسبب رفضها لقربه..وبنفس الوقت تتعارك وياه يوم ثاني لو
आप पढ़ रहे हैं
قصة الشيخ نور التميمي
सामान्य साहित्यهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
