ونور كله بشكل واضح...
بتي زغيرة ومو مال زواج هسة..انته كمل دراستك وارجع والله كريم هذيج الساعة الله يحلها...
ادريس كلش انكسر وانقهر جان متوقع يعقد عليها اليوم ويروح عالأقل يحسها اله..بس نور رفضه وشكله مايريد ينطي بته ويكول اذا ارجع الكاها مزوجة الا احركها هي وزوجها...
وعاف نور وطلع هو دمه يغلي طلع من البيت ومارجع غير المغرب وكل لنورسين حضرتي اشياءج مانسيتي شي..كلها واذا ابن عمج منعج تسافرين وماكلتي لعمي ليش....
كلتله اكلهم اليوم ومحد يكدر يمنعني هناك بيتنه ورايحة وياك مالهم حق يمنعوني اسافر لبيتنه..اريد ارجع هناك ذكرياتنه ويه بابا اريد اشتم هواه هناك...
وفارس صاير ميطيق بدور ولا معبرها بنظرة وتلبسله وتكشخ وتحاجي وهو يضحك عليها يكلها ماتتغيرين ابد.. بعد مالي نفس بيج لو تصيرين مدري شنو...
وهي تموت قهر وهم رجعت تسوي مشاكل وهو كلها تموتين بعد ماتطخج ايدي..وكلها الا اتزوج عليج واكسر خشمج وخشم ابوج...
ادريس كاعد عالسطح..ودز رسالة لزهراء..كلها اخر مرة اكلج صعدي السطح اشوفج..قرت الرسالة وماردت..وهو نزل من السطح...
شافها كاعدة يم اخته بالهول الي فوك ونورسين جاي تنطيها دروس بالانكليزي..وهي شافت ادريس واكف يمهم...
نورسين:ادريس شبيك
ادريس:ماتردين ماشي..الا احرك ابوج وغروره هذا..وعافها ونزل..وهي خافت كلش من تهديده تحسه انقلب مجنون ...
بعد وفاة ابوه تحسه تغير وصاير واحد مجنون..وهسة خافت على نفسها منه وعلى ابوها..وتكول ابوي ماينخاف عليه...بس تكول هو راح يسافر بس خل تهده الامور نشوف شراح يصير...
وصعبانة عليها تفاركه وحزينة بس تخاف من ابوها شتسويله..اذا هاي بدايتها رفضه وتخاف منه حتى لو مدللة عنده ماعودها يضربها او ينقص عليها شي بس بنفس الوقت كلشي ولا الغلط عنده...
بالليل كلهم مجمعين بالصالة والفجر يطلعون نورسين وادريس لأن طيارتهم الصبح..البنات يدرن نورسين راح تسافر ويه ادريس لأن جمعت اشياءها اليوم بس سكتن ماحجن مالهن علاقة ميفتنن ويحجن...
نورسين نزلت تكعد يمهم اخر مرة حتى تودعهم..وباوعت نور مو موجود يمهم..وتكول ليش ياكلبي كل الكاعدين مو بعينك الا هو...
وتكول لازم كلبي يودعه الليلة اخر ليلة هنا وهاي اخر مرة تشوفه عيوني..حتى صورة ماعندي اله..وفتحت تلفونها تفتش بي وتكول يمكن عندي صورة اله...
بس خاب ظنها ماكو غير وحدة ادريس دازها الها ويه الولد مصورها ونور طالع بس مدنك وبيده سبحته مطالع غير هيئة جسمه وشماغه...
صاحت على ادريس صافن..كلتله انطيني مبايلك..كلها شكو شتردين بي..كلتله اريد شغلة منه..ونطاه الها وتعرف رمزه...وفتحته...
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
