نور رايح يم ابوه بالغرفة تعبان اليوم ودوخة براسه امه كلتله ابوك تعبان اخذه للمستشفى...
نور:خير يابه الحجية كالت مريض..سلامتك
ابو نور مجطول والنفس بالكوة يصعد وينزل:مابيه شي بويه امك تكبر السالفة
نور:بويه شكلك مو طبيعي وانته مريض..كوم اساعدك واخذك للطبيب
ابو نور:يابه والله مابيه شي شوية تعب ويهون
نور:بويه لا تعاند كوم خاف سكرك صاعد..وين الجهاز..وكام صاح لشهد..واجت بسرعة وكلها وين جهاز السكر شوفي لأبوي...
وقاست سكره صاعد..كومه نور على حيله ياخذه للمستشفى.وبلل فراشه وهو واكف مايلحك على نفسه..ويريد يروح الحمام مالحك...
نور كل لشهد طلعيله ملابس نضيفه..وراحت طلعت وكله بويه تعال للحمام تغسل وتبدل ماقبل يروح وياه كله اروح بنفسي..كله لاتخجل مني بويه انته مريض قابل بيدك...
وخذاه للحمام سبحه وبدل واخذه للمستشفى وماطلع غير وجه العصر..وشهد ضاجت وكلهم عبالهم بي شي حيصيرله شي...
رجع واستقبلوه بالأحضان وشهد تبجي وكلهم مابيه شي بويه شويه تعب..وايناس تشبك بي وتبوسه وتكله جدو فدوة لاتمرض ماحب من تمرض...
نور كل للبنات سو عشه عمامي ونسوانهم يجون كلهم...بعدين كلهم اجو يم ابو نور واجو بالليل اخوانه ولدهم يشوفونه ونسوانهم كلهم وجهال وهوسة جناينهم وبناتهم...
ونواف تغير اسلوبه ويه زهراء من شافها هيج مريضة صار اكثر لطف ومايعصب عليها ابداً...وكل العائلة يكولون زهراء هاي شصاير بيج هاي كلما يشوفونها يكولن شصاير بيج خيوط....
وخالاتها يموتن عليهن هنه والولد نواف وهيثم وخالد.. ودوم هنه يشترن ويجيبن الهن وعدهن خالة كل مناسبة تجيبلهن ذيج الملابس..بالرغم مدللات ومامقصر عليهن ابوهن بس خالاتهن يحبن يدللنهن لان من ريحة اختهم الماتت...
مهرة بت عمهم همين جاية..واصلاً كل العائلة جاين لأخر زعطوط وهوسة وشهد خطية تعبت وتشتغل وتغسل وبدور كاعدة يم خواتها ودك سوالف...
نورسين ساعدت شهد والبنات هواي ماشاء الله همه يشيلن هواي شغل وهاي بيت عمهم الجبير وهنه متعودين دوم عالشغل هنا دوم تصير عزايم فواتح وعزاء محرم...
وهسة مسوين جاي ويصبون..نورسين كاعدة يمهم بس ماتحجي هواي يسألنها البنات عالوصية مالت ابوها وكلما يشوفنها يحجن بالسالفة...
وهي تكول بكلبها يا وصية هو بابا مايدري نور يعتقد اني مو بنت وشررف ماعندي...وماناوي يرتبط بيه ابداً وحاجرني هنا...
مهرة:اكلج شهد زهراء بت نور شبيها هيج تضعف وكلما اجالها تسومر وهي تخبل جانت..شوفي باقية بس عيون
VOCÊ ESTÁ LENDO
قصة الشيخ نور التميمي
Ficção Geralهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
