تحبينه؟؟ عن حب ازوجتي....
هسة هاجر صدفة سمعت ابو نور جاي يحجي وياه عن سالفة الزواج وهي سمعت اشياء تلخبطت عليها...
ابو نور:اي يبوك خل نستعجل بهالحل ونخلص سالفة الزواج..نحاجي عمامها بالهدوء..ويابه خلي الموضوع يمي وانه اخلصها..هي صدك زغيرة بس تكبر يمنه ونعلمها
نور:الله كريم..خلي تصف ويه البنات وتتعلم منهم..بت المانيا خوش تعلم البنات
ابو نور:ههههههه يبوك بعدك تكل لمريتك بت ألمانيا كول ام فلان ام فلانة..لو اجاك طفل شتسمي بويه
نور ابتسم:تذكر بويه جنت اكلك اريد بعد بنية واسميها فرقان..واختفت أبتسامته..بس لو باقية امهم ماجان ردت لا فرقان ولا غيرها..ولا صار هيج لزهراء
ابو نور:الله يرحمها بويه وبنيتك هيج صارلها وبعد ميفيد الحجي ولا يرجع الراح...تجيك فرقان ان شاء الله...وكام وكف الحجي بصعوبة ولزم عكازته ومشه...
وهاجر عبالها جانو يحجون عنها لنور وعبالها نور يريد يزوجها هيج صورلها عقلها لأنها انعجبت بي هواي...وطارت فرحة مراهقة واحلامها.....
كله بسبب العاشته من قبل اي شخص يصير زين وياها تملي فراغها الحاسة بي وتظل تحب شخص حتى لو تعرف هو مو الها تظل تخدع عقلها ونفسها انو هي تكدر تحصل عليه وانو هو يلتفت الها....
من اجه مشتاق وفارس بالديوان جمعهم نور يحجي وياهم بخصوص زواج مشتاق كبر ولازم يزوج وهم يردون ياخذوله هاجر ونور قابل بهالشي....
نور:مشتاق انته تعرف كبرت ولازم تزوج ميصير هيج باقي بلا زواج
مشتاق باوع لفارس وابوه وباوع لنواف...وعقد حواجبه...
مشتاق يحرك ايده بتسائل:انته منو دازك عليه اليوم..هاي سوالفك نويف انته وزيت ابوك عليه
نواف رفع ايديه وكتافه:مالي علاقة ماحجيت وشعلي ان شاء الله تصير طرشي شعليه
نور ابتسم:محد وازاني عليك بس عندي الك عروسة وكلت لازم تزوج بعد كافي تطارد منا ومناك..واعرف ماعندك سوالف حرام بس لازم تستقر بعد
مشتاق:عمي اني شكيتلكم الحال منو كال اريد اتزوج يمعودين غيرو بدلو زوج ابنك نواف اول
نواف:هههههه لا بعده وقت للمرة اما انته راح اطك الثلاثين مو عدل لو طكيته الثلاثون ياعمي العزيز
مشتاق:هسة شجلبتو بزواجي..هااا من هسة اكلكم ماريد جهال لعد يضغط عليه.....
كلهم ضحكو وهاي صار فترة محد يضحك كله مقفلين وكلمن بصوب كله بسبب سالفة زهراء....
نور:توه يكول مايريد يتزوج هسة كام يتشرط..حسسني جاي اخطبه للبنية مو راح اروح اخطبله..يعني ماتريد جاهل حلو زغيرون ويشبه نواف
مشتاق:قل اعوذ برب الفلق من هسة شبهته بنواف..اعوذ بالله اقرا المعوذات قبل لا اشوف امه..بالله اول اوكفو لحظة..نور وفارس شلونه الزواج
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
