وصلو للمستشفى..وتشوفهم كلهم جاين واكفين بره وما تميز بين الوجوه..لابسة الحجاب وشوي راخي بس كل شعرها مغطه...
نزلو واتجهو للغرفة النايم بيها ابو ادريس..وكلهم الدكتور مو كلكم ادخلون مابي يحجي..ودخلت نورسين ومن شافته هيج صاحت بابا...
وراحتله بدموع..وتبوس بوجهه وايده والدموع تنزل بغزارة..وابتسم بوجهها حتى ماتحزن...
وكعدت يمه شوي وتحجي وياه وتكله ودموعها تنزل..وادريس دخل يمهم..ولزم نورسين وحضنها بيد وحده ويكلها ابويه راح يكون بخير...
وهي تبجي اكثر..ابو ادريس كال صيح نور واخوي علي...وصاحلهم ودخلو يمه..نور باس راسه وكله سلامات ياعمي وكلبه تكطع عليه...
وماباوع للعيونها حمرة من الدموع..وكله آمر يعمي...
ابو نور:خويه عمرك طويل ان شاء الله يالله شد حيلك حتى تكوم وتطلع متلوكلك هاي النومة
ابو ادريس بالكوة يحجي:بس...عندي...وصية..الكم ياخوي..اولادي..امانة يمكم..نور..بنيتي بسترك..لا تسافر ويه اخوها يضيعها..ادريس طايش
نورسين ببجي:لاء بابا لتكول هالكلام راح تكون بخير ونسافر سوى اني وياك وادريس
ابو نور:لا يخوي اولادك يبقون تحت فيك كول يالله وشد حيلك
ادريس دموعه نزلن:يابه لتكول هيجي راح تكون بخير متأكد وراح تروح ويانه
نور سكت ومايعرف شيكول وشكله عمه راح يحط بركبته وصية ثكيلة ومايكدر ينفذها حس بالهشي من كال بنيتي بسترك...
ابو ادريس كلماته متكطعة:اريد اشوف كل اخوتي..اريد اشوف الكل..اخوي علي..اشكرك..واسف عفتكم..وغمض عيونه وجهه كلامه لأبوه..بويه سامحني ماجيت ودعتك..ودموعه يطيحن..نور بنتي اعتبرها الك اذا قبلت..محد راح يحفظها بكدك..بنيتي نورسين ماكو من نور اثنين..وموحزين راح اتركم متأكد راح تكونين بأمان وياه....
كاطعته نورسين حطت ايدها على شفته وبدموع كلتله ماقبل بهالكلام انته راح تكون بخير...
ونور افترت براسه الدنيا انحطت بركبته امانة جبيرة..وكله عمه لا تسافر نورسين وخليها تبقه يمكم..وظل يشدد على هالكلمة...انو ماتسافر بته ويه اخوها...
شوي وكلهم الدكتور المريض تعبان مايكدر يحجي..وطلعو وماقبلت نورسين تطلع ولازمة بعمها حيل تكله خليني يمه...
ابو ادريس كل للدكتور اريد اشوف كل اخوتي كله اي بس بلا كلام...
بالبيت بالليل نورسين كلش تعبانة وماتكدر تنام وحالتها حالة ابوها موت كلبها...شافت زهراء اجت للغرفة واجت يمها...
زهراء:نورسين جدو يريدج يكول خل تجي يمي تاكل
نورسين:والله ماشتهي اكل..بابا شاغل بالي وموجع كلبي..وبدت دموعها تنزل..هي ماتنزل دموع لأحد غير ابوها وحاسة راح يموت وتبجي....
زهراء:كولي يالله اندعيله ان شاء الله يكوم بالسلامة..خطية حتى ادريس يبجي على ابوه
CITEȘTI
قصة الشيخ نور التميمي
Ficțiune generalăهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
