نورسين حست بنفسها هي استسلمت وعت على نفسها:مو تكول اني مو كد مقامك شلون تنزل نفسك لمستوى وحدة باعت نفسها هااا..ابتعد عني....
ماهتم لكلامها ورجع تملكها ببوساته وهي تستسلم من جديد..وروضها وصارت بين ايديه....
وتكول بكلبها راح اسمحلك تكتشف براءتي يانور بس ماراح اسامحك ابداً..كتلك اذا ما تقتنع ببراءتي بعقلك وقلبك مستحيل اسمحلك تلمسني....
اتجه لركبتها الحرير وهاي اول مرة يطبع بوساته بيها..وشوي تقاوم وتسمحله ومحتارة بين حبه وكلامه الجارح وراح يكتشف براءتها هسة...
(اطردكم هسة واخلي طشاركم ماله والي 😂 لا لا كملو كملو عزاز كلبي 👇👇
بس حس بيها بنية وخر عنها..وطبكت رجليها من الألم..وشاف الدم..حس الدنيا تفتر بي..طول هالفترة وهو يعتقد بيها مو بنية وانها باعت نفسها....
ندم وشعور مؤلم تملكه من راسه لساسه..تراجع ليورى وغطه نفسه وكعد يم السرير ويباوعلها بندم وشلون لملمت وحضنت نفسها...
حط قبضة ايده على شفته..والكلام الجارح والظن السيء وهالفترة كلها الي عافها ولا حتى فكر يلمسها سنة ونص عنده وهي بريئة وهو اول انسان بحياتها....
كامت من مكانها وتريد تستر نفسها كام لزمها وهي صرخت عليه اتركني..وعافته وراحت للحمام وسدت الباب عليها...
نزلت دموعها..وهي تلعن وتسب الحظ..وهو دخل عليها للحمام وشافها تنزل دموعها...وكاعدة وحاظنة رجليها...
نور بهدوء:تأذيتي
نورسين هزت راسها بلا:الي تأذه كلبي نور مو جسدي..كلامك الي تحملته وظنك بيه وتحملت انك تشمئز مني وامك الي كل يوم تذكرني انك ماتريدني وتعاملني مثل عاهرة ببيتهم وتعاملك هيجي جان وياي..وحتى هسة لمن قبلت بوضعي مو لأنك تحبني بس جانت مجرد نار مشتعلة داخلك وردت اطفيها ببت المانيا الباعت نفسها
نور غمض عيونه:لو هيج جان بهذيج الليلة الي ابني انطاني حبوب طفيتها هالنار..وحق الله مو هيج..قبلت بيج لأني اعشكج ونسيت الي راح وذبيته وره ظهري كلت المضه راح ومايهمني..واي شخص بمثل وضعي ماراح يصدكج حتى لو يحبج ومستحيل يزوجج بس اتزوجتج لأن اعشكج يابت ألمانيا واعرف انانية اخليج كبالي بس صورة..ماكدرت اشوفج تاخذين شخص ثاني وانه متفرج وخصوص اخوي
نورسين:نور اتركني لوحدي..اني هواي معصبة منك..الله يخليك اتركني..روووح..روووح اتركني بحالي...
سكت وتركها وطلع وهو شعوره ماينوصف..بس بنفس الوقت هم انزاح عنه عرف انو هو اول شخص بحياتها...بقه منتظرها تطلع من الحمام....
كعد اتكه عالكنتور يدخن من قهره...طلعت من الحمام وشعرها مبلل..وبالبرنص..وراحت سحبت الفراش وحس بعصبيتها وهي تسحب فراشات السرير وشمرتهن عالأرض....
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
