ﻭﺗﺤﺎﻭﻝ ﺗﻔﻠﺖ ﻣﻨﻪ ﻭﺍﺟﺘﻬﺎ ﻫﺴﺘﺮﻳﺎ ﻭﻓﻘﺪﺕ ﺍﻋﺼﺎﺑﻬﺎ ﻭﻓﻠﺘﺖ ﺍﻳﺪﻩ ﻋﻨﻬﺎ ﻭﺗﺼﺮﺥ ﺍﺗﺮﻛﻨﻲ ﻭﻳﺮﺟﻊ ﻳﻠﺰﻡ ﺣﻠﻜﻬﺎ ﻭﻳﻜﻠﻬﺎ ﺍﻫﺪﻱ ﺍﺣﺎﺟﻴﺞ .. ﻭﻛﻌﺪ ﺑﻴﻬﺎ ﻋﺎﻟﺴﺮﻳﺮ ﻭﻫﻲ ﻋﻠﻰ ﺭﺟﻠﻪ ﻭﻻﺯﻣﻬﺎ ﻭﺧﺎﻧﻚ ﺻﻮﺗﻬﺎ ...
ﻭﻳﻜﻠﻬﺎ ﻻ ﺗﺘﺨﺒﻠﻴﻦ ﻋﻠﻴﻪ ﺍﻫﺪﻱ ... ﻭﺣﺘﻰ ﻳﻬﺪﻳﻬﺎ ﺑﺎﺱ ﺷﻌﺮﻫﺎ ﻭﻳﻜﻠﻬﺎ ﺍﺫﺍ ﻣﺎﺗﻬﺪﻳﻦ ﻣﺎ ﺍﺗﺮﻛﺞ .. ﻭﻫﻲ ﻇﻠﺖ ﺗﺒﺠﻲ ﻭﺑﻌﺪﻩ ﻻﺯﻡ ﺣﻠﻜﻬﺎ ﻭﻻﺯﻣﻬﺎ ...
ﻭﻋﻠﻰ ﺻﺮﻳﺨﻬﺎ ﺍﺟﻮ ﻛﻠﻬﻢ ﻣﺨﺘﺮﻋﻴﻦ ﻭﻓﺎﺭﺱ ﺩﻙ ﺍﻟﺒﺎﺏ ﻭﻛﻠﻪ ﻧﻮﺭ ﺑﻴﻜﻢ ﺷﻲ ... ﺻﺎﺡ ﻭﻛﻠﻪ ﻭﻫﻮ ﻻﺯﻣﻬﺎ ﻣﺎﻛﻮ ﺷﻲ ﻟﺘﺨﺎﻑ ... ﻭﻛﻠﻬﻢ ﻓﺎﺭﺱ ﺭﻭﺣﻮ ﻣﺎﻛﻮ ﺷﻲ ﻫﺎﻟﺸﻲ ﺑﻴﻨﻬﻢ ....
ﻭﻣﺎﺗﺮﻛﻬﺎ ﻟﻤﻦ ﻫﺪﺕ ﻭﺑﺲ ﺗﺮﻛﻬﺎ ﻛﺎﻣﺖ ﻋﻨﻪ ﻭﺩﺧﻠﺖ ﺟﻮﻯ ﺍﻟﺒﻄﺎﻧﻴﺔ ﻭﺳﻜﺘﺖ ﺑﻼ ﺣﺮﺍﻙ .. ﻭﻫﻮ ﻋﺎﻓﻬﺎ ﺑﺮﺍﺣﺘﻬﺎ ... ﻭﻟﺰﻡ ﺭﺍﺳﻪ ﺑﺄﻟﻢ ...
ﻭﻛﺎﻡ ﺭﺍﺡ ﻃﻠﻊ .. ﻭﻫﻲ ﺑﻘﺖ ﺟﻮﻯ ﺍﻟﺒﻄﺎﻧﻴﺔ ﻫﻴﺞ ﺑﻼ ﺣﺮﺍﻙ ﻭﺷﻜﺜﺮ ﻧﺰﻟﺖ ﺩﻣﻮﻋﻬﺎ .. ﻭﺗﺬﻛﺮ ﻛﻞ ﺫﻛﺮﻳﺎﺗﻬﺎ ﻭﻳﺎﻩ ﻭﺗﺒﺠﻲ ﺍﻛﺜﺮ .. ﺻﺎﺭﻟﻬﺎ ﺳﻨﺔ ﻭﻳﺎﻩ ﻭﻣﺘﺤﻤﻠﺔ ﺍﻧﻮ ﻫﻮ ﻣﻴﺮﻳﺪﻫﺎ ﻛﺰﻭﺟﺔ ﻭﻣﺘﻤﺴﻚ ﺑﻜﺮﺍﻣﺘﻪ ﻋﻨﻬﺎ ....
ﺗﻤﻨﺖ ﻟﻮ ﻫﺴﺔ ﺍﺑﻮﻫﺎ ﻫﻨﺎ ﻭﻳﺠﻲ ﻳﺤﻀﻨﻬﺎ ﻭﻳﻤﺴﺢ ﺩﻣﻮﻋﻬﺎ .. ﻭﺑﺠﺖ ﺑﺼﻮﺕ ﻋﻠﻰ ﺍﺑﻮﻫﺎ ﻭﺭﻓﻌﺖ ﺍﻟﻐﻄﻪ ﻭﻛﺎﻣﺖ ﺗﻜﻮﻝ ﺑﺎﺑﺎ ﺗﻌﺎﻝ ﺍﺭﻳﺪﻙ .. ﺁﻩ ﺑﺎﺑﺎ ﻟﻴﺶ ﺗﺮﻛﺘﻨﻲ .. ﻭﺗﺒﺠﻲ ﺑﺼﻮﺕ ...
ﻓﺰﺕ ﺍﻟﻔﺠﺮ ﺣﻠﻤﺎﻧﺔ ﺑﻲ ﻭﺩﻋﻬﺎ ﻭﺭﺍﺡ ﺑﻌﻴﺪ ... ﻭﻣﺎﺷﺎﻓﺘﻪ ﺑﺎﻟﻐﺮﻓﺔ .. ﻭﻛﻠﺒﻬﺎ ﺣﺲ ﺑﻲ ﺷﻲ ﻣﺎﺗﻌﺮﻑ ﻟﻴﺶ ﻫﻴﺞ ﺣﺴﺖ .. ﻭﻛﺎﻣﺖ ﻭﻟﺒﺴﺖ ﺣﺠﺎﺑﻬﺎ ﻭﻧﺰﻟﺖ ﺑﺨﻮﻑ ﻋﻠﻰ ﻧﻮﺭ ...
ﻭﺍﻭﻝ ﻣﺎ ﺍﺗﺠﻬﺖ ﻟﻠﺪﻳﻮﺍﻥ .. ﻭﺷﺎﻓﺘﻪ ﺑﻴﺪﻩ ﻛﺘﺎﺏ ﺍﻟﻠﻪ ﻭﻳﻘﺮﺍ .. ﻭﺣﺘﻰ ﻭﻫﻲ ﺗﺸﻮﻓﻪ ﻫﻴﺞ ﻣﺎﻃﻤﻨﺖ ﻭﻻ ﺣﺴﺖ ﺑﺎﻷﻣﺎﻥ ... ﻭﻛﻌﺪﺕ ﻭﺭﺍﻩ ﺑﺴﻜﻮﺕ ﻭﻫﻲ ﺣﺎﺿﻨﺔ ﺭﺟﻠﻴﻬﺎ .. ﻭﺍﻧﺘﻈﺮﺗﻪ ﻳﺨﻠﺺ ... ﻭﻛﻠﺒﻬﺎ ﻳﻮﺟﻌﻬﺎ ...
ﻭﺍﻟﺘﻔﺖ ﺍﻟﻬﺎ ﻭﺷﺎﻑ ﻭﺟﻬﻬﺎ ﺍﺣﻤﺮ ﻣﻦ ﺍﻟﺒﺠﻲ ﻭﻛﺎﻋﺪﺓ ﻫﺎﻟﻜﻌﺪﺓ ﺍﻧﻘﻬﺮ ﻋﻠﻴﻬﺎ .. ﻭﺑﻘﻪ ﺛﻮﺍﻧﻲ ﻳﺒﺎﻭﻉ ﻋﻠﻴﻬﺎ .. ﻭﺩﻧﻜﺖ ﺭﺍﺳﻬﺎ ﻋﻨﻪ ...
ﻛﺎﻡ ﺣﻂ ﺍﻟﻘﺮﺁﻥ ﺑﻤﻜﺎﻧﻪ ﻭﻛﻌﺪ ﺑﺼﻔﻬﺎ ﻭﺍﺧﺬ ﺭﺍﺳﻬﺎ ﺣﻄﺎﻩ ﻋﻠﻰ ﺻﺪﺭﻩ .. ﻭﻛﻠﻬﺎ ﻋﺼﺒﺖ ﻋﻠﻴﺞ ﻭﻗﻬﺮﺗﺞ ﻋﻠﻰ ﺳﺒﺐ ﻣﺎﻳﺴﻮﻩ ﺍﻋﺘﺬﺭ ﺑﻮﻳﻪ ...
ﻭﻫﻞ ﺍﻟﻜﻼﻡ ﻃﻠﻊ ﻣﻦ ﻛﻠﺒﻪ ﻷﻥ ﻣﺘﺄﻛﺪ ﻭﻣﺸﺎﻑ ﺷﻲ ﻋﻠﻴﻬﺎ ﻃﻮﻝ ﻫﺎﻟﻔﺘﺮﺓ ﻭﻳﺎﻩ .. ﺣﺘﻰ ﻟﻮ ﺷﺎﻓﻬﺎ ﺑﻬﺬﺍﻙ ﺍﻟﺒﻴﺖ ﻫﺎﻱ ﻗﺒﻞ ﺳﻨﺘﻴﻦ ﻭﻃﻮﻝ ﻫﺎﻟﻔﺘﺮﺓ ﻣﺎﺷﺎﻑ ﻋﻠﻴﻬﺎ ﺷﻲ ﻭﻣﺎﻳﺨﻠﻴﻬﺎ ﺗﻄﻠﻊ ﻭﺣﺘﻰ ﻟﻮ ﺗﻄﻠﻊ ﻭﻳﻪ ﺧﻮﺍﺗﻪ ﻟﻮ ﻭﻳﻪ ﻧﺴﻮﺍﻥ ﻋﻤﺎﻣﻪ ...
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
