قصة الشيخ نور التميمي

بارت 34

وكال مالحكتكم وكفت ابوي تعب معدته وهسة جايكم..ونورسين ضاجت والغربة تسللت لكلبها مشافته وكف وياهم...

عشر دقايق وصلو الهم ونزلو..والنسوان بكتر والزلم بكتر ثاني..ونورسين لابسة شال بس ولابسة بنطرون وبدي طويل جوى الركبة شوي...

صلو وجابو غده من مطعم يم هالاستراحة..نورسين كلت شوي منه بس وبعدها كامو وكالو يالله ننطلق..وطلعو وعيونها ادور عليه...

وماشافته..صاعد سيارته وداير وجهه ومنزل الجامه وحاط ايده على باب السيارة وعلى راسه..وعكسه مبين بس من السيارة وشماغه...وشافت ابوها توه يصعد...ونواف واكف يخابر...

وبحجة تروح تشوف ابوها مايريد شي راحت تريد تشوف نور..وبس شافها اجت لأبوها..دار وجهه للجامة وكل لنواف يالله ماتصعد...

وباست خد ابوها..وكلتله بابا حبيبي انته دير بالك على نفسك..وراحت صعدت السيارة...وكلهم صعد وانطلقو سويه...

وابو نور كلش تعب ماياخذونه للزيارة دوم لأن يتعب من الطريق..بعد هو رجال جبير بالعمر...

وصلو للنجف بعد هالطريق المتعب..ودخلو يصلون بالامام ويزورون..والبنات انطن نورسين عباية كلولها ممنوع ادخلين للأمام هيج...
كالت من نوصل لهناك ونريد ندخل الحضرة انطوني اياها..وتوضو الكل وراحو يزورون...ونورسين اول مرة تجي هنا وكلش حبت المكان...

المرة الي بالتفتيش كلتلها لبسي جواريب ماتفوتين..وكلتلها مسحي المكياج الي بوجهج..كلتلها ماحاطه مكياج وماخلتها تفوت لمن لبست جواريب...وماتعرف تمشي بالعباية كل شوي تتعثر...

ودخلت ويه البنات وبدور صايرة ماتنطاق وشادة وياها وتكرهها بالرغم بت عمها بس ماتحبها وتظنها تريد فارس ويريدها مو مرات تسولف وياه كدامهم...

دخلت للحضرة وحست جسمها قشعر..وهي تشوف حضرة مقام الامام علي عليه السلام..وشنو الهالة الي تحيط بي والنور...وريحة العطر برغم تجمع الناس بأزدحام...

هذا الامام العظيم الي حجت عنه الكتب والفلاسفة والعلماء..الامام الماسجد لصنم قط..ويعبد الله مو خوفاً بس شافه اهل للعبادة...

دموعها نزلت هاي اول مرة تدخل هيج مكان مقدس..وكفت بعيد عن الشباك شوي ونسوان هواي والي رايحة وجاية وتدعم بيها وهي دموعها كامت تنزل....

نورسين وجها مبلل بدموعها:السلام عليك ايها الأمير..سمعت عنك انك ماترد طلب ولا تخيب احد..واني اليوم على عتبة بابك وضيفة يمك..واول مرة ادخل لبيتك وعندي طلب يمك ماريد تردني ايها الأمير...

وغمضت عيونها وقبضت ايدها وفتحتها ورفعتها يم وجهها..وهي مغمضة رددت طلبها يمه....وكالت هو طلبي الوحيد وكلش حاير بي كلبي....

اول مرة تحس بكل هاي الراحة وكمية الحب هاي..وظلت تباوع لكل هاي الناس الي قاصدة الأمير علي...والعطر حيرها...