فكرت انو جاي اعرض بجسمي والحرام...
كاطعتها شهد:ولج هذا احلى قرار..تخيلي هالقرار لو سمعو بي راح يطيرون فرحة الج..وخصوص نور راح يطير كلبه بهالقرار
نورسين:بس كتلج ماريد اتحجب علموده..بس لأني شفته الخيار الصح والي يأمر بي الله..وهو نور بكل الأحوال يكرهني ويكش مني فعادي
شهد:والله والله يموت بيج واشوف هالشي بعيونه..كلما يجي ميشوفج يفقدج حتى كل البيت كامو يلاحظون حبه الج بس يكابر شوي
نورسين بنص عين:شوي بس..الا مغرور ومتكبر واناني وقاسي مثل الحجر والي جوى ضلوعه مو قلب حجر..واكيد من يسأل..وتقلد عليه..وين بت الألمانية..مو هيج
شهد خربت ضحك:ولج خل يسمعج نور تقلدين عليه اريد اشوفه شيكول
نورسين عضت شفتها السفلية:مشتاقتله بس بعدني حاقدة عليه على الكف..مسويتله عقده بت الألمانية
شهد:غير تخبل بت الألمانية..ولج نور كلبه طيب بس هو فاهمج غلط بس لا اكثر ولذلك هيج يتصرف وياج
نورسين كامت تسويلها زلاطة(سلطة)وطلعت جم نوع خضروات ويسولفن هي وشهد...وكصصت الخضروات نورسين وحطت ليمون وزيت زيتون بالزعتر وعليها ملح وكعدت تاكل...
شهد:هسة بس هاي اكلج..مرات اشوفج تاكلين اكل بخبال ومرات مال بلابل
نورسين:من اعصب ماعرف شيصرلي اطلع قهري بالأكل بس يزيد وزني ارجع اسوي رجيم ورياضة..وهسة صار جم يوم كله كاعدة بالغرفة بعد اسبوعين ابقه بيها اصير فيل ماطلع من الباب
شهد:هههههه ولج وين ماطلعين من الباب غير لو يصير وتسمنين صدك انه امشي بالشارع بلا حجاب
نورسين:ليغرج بسرعة اسمن..اكول شهد هسة لو احتاجيت فلوس المفروض اطلب من منو
شهد سوت شنوفه:الحب..وابتسمت..من نور..وغمزت الها...
نورسين:على كولتكم خررررب... لازم اروح لنور اكله رايده فلوس وينفتح محضر التحقيق..عباله انوب رايحة اشرب لو اجيبلي رجال...هههههههههههههاي...وغصت وظلت تكح وتضحك...
شهد:ولج اسم الله على كيفج..ونطتها ماي..ولج شهالحجي عاد مو هيج يوصل يشك بهالطريقة...
نورسين:هي شبقت وهو يكلي رخيصة وبعتي نفسج هسة عباله اشرب واروح ويه رجال مختلفة
شهد:ولج اشاقه وياج تكدرين تاخذين من ابوي همين وفارس موجود ومشتاق كلهم بس ادللي
نورسين:الله يحفظهم..بس نور ماروحله حتى يظن بيه اسوي بيهن الغلط...اني صديقي اعترفلي بحبه وكام يتماده بالكلام حظرته
شهد:عززززااا عندج صديق
نورسين:اي صديق بس صداقة مو الي ابالج..وهلا هلا لو عرف نور شكد يفهمني هو ههههههه راح تكمل
شهد:ولج لا يجي عابر ويسمعج سدي السالفة..هاي صوت الولد اجو للصالة
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
