قصة الشيخ نور التميمي

بارت 13

خجولية..وعمرها 6 اشهر..شلون راح تعيش بدوني...

كعدت بنص الحمام وظلت تبجي بحسرات وتشهك بصوت حتى خوفت بتها..وتسمعها تكول ماما شبيج تبجين...ولو شي مو جديد عالبنات يشوفن امهم تنضرب وتبجي...

وادك البنية عالباب وحتى البنية الجبيرة ظلت تبجي وادك الباب على امها..وهي تعلي الصوت كلما تسمع صوت بناتها...

وتكول وين اروح وين اخذهم هذول الي طلعت بيهم بهالدنيا..لا عندي أب ولا عندي عمام يحتوني..ياربي انقذني...

شمرت الموس بسلة الزبالة الي كسرت مكينة الحلاقة وطلعته منها...وكامت مسحت دموعها وغسلت وتسمع بناتها يبجن ويدكن الباب..والزغيرة بيد اختها الجبيرة..وميته بجي...

طلعت وابتسمت رغم الألم الي يعصر كل كلبها..وحتى تجر الحسرات من داخل بطنها وتوصل بلعومها وتلزمهن..بيها صرخات جبال...

حضنت بناتها وبوستهم وتكلهم مابيه شي ماما لا تبجون..وشالت الزغيرة وحضنتها حيل..ورجعت حسراتها تطلع وتوصل بلعومها وتلزمهن شلون واحد تطلع روحه وترجع....

فارس ماكدر يغمض ويدك عليها ويرسللها رسايل ماكو ماترد..هي انطته حظر من الأتصال كلش ومسحت الرقم نهائياً...وتندمت دكت على فارس...

وبقه مجطول على الحشيش ويباوع للسمه وللنجوم..ويكول..ياربي شرجع زينب عليه جنت متناسيها شوي..من غير شي تعبان من حياتي...

صار الفجر كعد نور وطلع يتوضه ويكعد ولده للصلاة...وابوه هم كاعد قبله للصلاة...وطلع من الباب...

نور شاف فارس غافي بمخدته على الحشيش بنص الحديقة..استغربه ليش نايم هنا...

نور يكعده:فارس نايم هنا بيك شي

فارس كعد:هااا نور شكلت

نور:ليش نايم هنا ياخوي

فارس بنعاس:مابيه شي

نور:كوم صلي..وراح عافه نور ورجع فارس وكال هسة اكوم بس شوي...وغفه بمكانه..وشم ريحة عطر غريبة وشاف طيف زينب..وفز وفتح عيونه وكال زينب...وسكت من شاف نورسين واكفة على راسه...

نورسين ضحكت ببراءة:منو هاي زينب شكلها عزيزة على قلبك ابن عمي

فارس كام وكف:احم هلا بت عمي صباح الخير

نورسين:امممم تضيع السالفة..المهم صباح الخير..اكول فارس شفتك نايم هنا كلت اسألك اسفة كعدتك..اريد اروح لمكان اكدر اركض بي

فارس:شتركضين يمعودة توه فجر..وليش تركضين ههههه

نورسين:ماعرف متعودة كل يوم الصبح اركض اسوي رياضة..وهنا ماكدر بالبيت ادوخ
فارس باوع لبسها تراك رياضي طويل بطويل بس منحيات جسمها كلها مبينة وشعرها مسويته ذيل حصان...ماعجبه كلش..

فارس:يمعودة كولي غيرها..وين تركضين هنا بهل المنطقة راح تكونين محط الانظار وراح يكولون هاي منين اجتي هههه خليج هسة اليوم نروح بيت عمنه بهاء وتكدرين تسوين رياضة ببستانهم

نورسين:يااي راح نروح للبساتين شوكت

فارس:انتي يمته لحكتي نمتي كاعدة بهل النشاط هههههه

نورسين:مانمت اصلاً سولفت ويه البنات وبعدها التهيت اكتب..وكتبت جم صفحة

فارس:تكتبين؟؟

نورسين:اي مؤلفة وكذا يعني..يالله اروح ازعجتك اعتذر

فارس:لا ابد ماكو ازعاج....

ابتسمت وراحت دخلت جوى وراحت تنام شوي..وطلعت الشمس وكعدوهم كلهم من الصبح..كلولهم اليوم الكل معزومين بيت عمكم...

البنات كاعدات وهنه مغمضات خصوص شهد..بدور كالت ماروح انه..ورجعت نامت..لجين كالت اروح ويه عمه كلتلها روحي...

شوي ودخل فارس للغرفة بعصبية..وكلها كومي كافي نوم..بدلي وامشي ولي ويانه وعن الدلع الماصخ...

كامت بدون حجي غسلت ولبست ملابسها وحظرت عبايتها..وتشوف فارس كشخ عالآخر والعطر والشماغ والعكال...

بدور تهمس لنفسها:شيصير لو هاي كله الي..كافي احلام بدور فارس ميحبج ولا راح يجي يوم يحبج...طلع من الغرفة وراح كعد يم نور كاعد بالصالة يمه الولد يتريكون بالماي مكعدهم نور....

والبنات جاي يحضرن نفسهن فوك ونورسين مبدلة ومخلصة...

شهد:نورسين عيونج تجنن لو تحطين شويه كحل جوزي يجنن عليهن

نورسين:لا ماحب المكياج

زهراء:يمعودة شنو مكياج هو انتي متحتاجين ذرة مكياج..لو بجمالج انه اصير عارضة ازياء لو منج

ايناس:اي والشيخ نور يفصلج الفستان وتلبسينه وتعرضينه يم تواليت البره وترجعين

شهد ماتت ضحك وتكول لنورسين هاي مثل اخوانها تصنيف بس...وزهراء ضربتها على راسها حيل...

نورسين ضحكت:وليييج ليش تهبطين احلامها صيري مناصرة لأختج بكلشي..شوفي اني شكد احب ادريس احنه اصدقاء مو بس اخوان..وفقدنه امنا بس واحد يعتني بالثاني

زهراء:الله يرحمها..لاء انه اقرا رواية الكل يحجي عليه عيونج راحت وعيونج راحت درسي بدل الروايات..كومي اشتغلي بدل الروايات روحي شوفي اخوانج سوي هاي ودي ذاك..وآخر شي حتى شكراً ما حصل وانه ونواف فارة وبزونه وين اصدقاء شما يعصب يكتلني وبالكوة حاطلنه تلفونات ابوي..نواف مايقبل

نورسين:اني ضد الضرب مايصير شنو هالتصرف..امممم بس يمكن يخاف عليكم..والله حلو هيج اخو..اني اخوي عادي عنده لو يشوفني ويه ولد يسلم علينه ويروح..بس لا تفهموني غلط اقصد مثلاً ..بابا علمني كلشي وماسوي هيج ابداً
شهد:لا ولج ابد شون نحجي على بتنه انتي من عدنه تميمية حتى لو جنسيتج المانية بس تبقي