احسها تمثل نورسين
__________________
بلسان نورسين:يابه على كولت نور عيناي منو التريده خل تجي تاخذه ههههههه..وللي يسألون ليش ماناشرة كتاباتي..عشاقي تركت الكتابة من كتبت قصتنه اني ونور وحتى هواي ناقصة اشياء وابنة عمي لم تقصر..وقصة ادريان راح اترجمها عربي فصيح واسلمها لبنت عمي الكاتبة وتنشرها فد يوم الكم بوساتي الكم عود لتكولون للمتحكم بليييز اخذو راحتكم ماراح اخلي يقرا التعليقات..بالحقيقة ميدور هيجي اشياء ومايعرف عن رومنسيات القصة كان كاومني وشيخلصج يابنت الألمانية هههههه بوساتي....
وهاي شبيهة زهوره الزغيرونة بس بالحقيقة رموشها اثخن من هاي طلعت على عيون ابوها..وطبعا هالشبه من كانت صغيرة هسة مختلفة
انسدح عالسرير وباوعلها..وهي تباوع للفراغ..وابتسمت من بحدها..وهي من عمرها 3 ايام وتبتسم...
نور:لتحاولين تغريني..وسكت وهو يباوعلها وجهها كمر ضاوي..ورجعت ابتسمت..من كثر عشكي لأمج طلعتي نسختها
تقرب عليها..وحط اصبعه بشفتها وحركها وهي ابتسمت..وابتسم على ابتسامتها...وكام..وهي ظلت تبجي...
وسكت عنها..وسمع نورسين بالحمام تكول اومايكاد غداره كلما ادخل للحمام تبجي..وفتحت الباب شوي وشافته راحلها....
حط سبابته على حلكها ويكلها اششش..وماتسكت..شافته حط ايدينه جواها ورفعها..ويسكتها...ابتسمت نورسين عليهم...
حط خشمه بركبتها وشماها قوي..بي عطر مميز طفل الاربعين...ظل يشم بيها..وابتسم بوجهها...
واذكر سوالف نواف خفاش وظل يضحك..وحط شفته على خدها الترف وبوسها..واخذ نفس قوي...
نور:يابويه العطر يموت..اسف يبويه لاهي عنج..والله يدري شكد احبنج
بس جنت اعزي النفس بجيتج..وتطلعين نسخة من اخيتج..صح رحلت من دنيانه..بس روحها بقت ويانه
ونورسين تراقبهم وعاضة شفتها عليهم ثنينهم سويه وهي بيده شايلها واكف ومن كلها هالكلام..كلبها دك حيل الها واله....
يباوع بعيونها الزرق..ويحاجيها ويكلها سبحان الخالق شلون ربي ابدع بخلقج..وحطاها عالسرير وانسدح بصفها...وكلها زهراء بنيتي الزغيرونة..اسمج راح يكون زهراء بويه وماي عيني انتي....
نورسين ماصدكت كلها زهراء كله يكلها فرقان.....
كامت تبجي الزغيرونة وماتسكت وطلعت نورسين الهم وهي بالبرنص ولافة شعرها بالمنشفة..وخذتها وتبوسها وتباوعله مبتسمة....
نور:عود ليش ماتكمطيها ليش هيج مفتحة لا تتعور ايديها الزغيرونات
نورسين:ماحب هذا الكماط..يقيدها خليها بحريتها..باست شفته بخفة..ونامت على ايده وبصفها بتها..وحضنها وهي ترضعها...
نور وجهه بركبتها:شكلها راح تاخذ مكانج وراح اعشكها بدالج
نورسين التفت وصار وجهها بوجهه بأبتسامة:يابعد كل عمري اعرف مكاني ومحد ياخذه وهي بنتك مستحيل اغار منها
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
