يالشوفة حسنها عذاب الروح
لا ارضى صوبي تصير لا ارضى تروح
وياشعرها خيوط الذهب ومنه العبير يفوح
وانه الهايم بيها ومدري وين اروح......
نور باوع لنورسين وشعرها مهلس بالارض وجها احمر من ضربت بدور..وهي معصبة على بدور وتكلها انتي اتفه انسانة قابلتها بحياتي منو انتي حتى تمدين ايدج عليه وتريد تضرب بدور وفارس صاير بينهم وبدور مو هامها يصيح عليها ولازم نفسه مايكتلها...
بدور بقهر وعصبية:عمي تعال الحك وشوف بت اخوك الألمانية شفتها تبوسه..اي تبوس رجلي بكل عين صلفة الماتستحي الكح....
سكتها نور بصيحة كلها الفاظج..وهي سكتت.. ونور باوع لفارس يريده يكول جذب ماصار هيج...
نورسين حطت شالها على راسها ولزمت كلبها بيدها هسة نور يفهما غلط اكثر..وتكول لا يهمج المهم جوازج وتسافرين من هنا...
فارس:مو هيج مو مثل ماتكول هالحيوانة..واعدتها اساعدها وهي..وسكت..نور تعرفني انته ماعندي شي وياها والله وغلاتك ياخوي
بدور بصياح:جذاابين شفتها هي باسته شنو وين....ماكملت...
نور بعصبية:لسانج بلعي ولا اسمع صوتج..وباوع للبنات..امشو منا..فارس احجي..البنات خافن وراحن...
راد يحجي فارس كاطعته...
نورسين:هو ماله ذنب واعدني يساعدني واني بسته بخده هو مثل اخوي مابينه شي وهو مثل ادريس بالنسبة اليه ومو مثل مافهمت هاي التافهة
فارس:وحق الله مابقصدها شي...كاطعه نور وكله لتبرر كافي...
ابو نور:مصار شي سدو السالفة وانتي بدور لسانج ولا تتجاوزين بوجودي ترا لسانج اكصه..روحي من كدامي...بدور مشت وهي مفورة...
نور شعل نار لزم وجهه بيده ومسح على وجهه:وتعترفين ماتستحين ولا عندج خجل ماكو شي هنا اسمه مثل اخوي..رجال مايحل عليج.. حرررام حتى لمست ايدج..ولو انتي ماتعرفين الحررام..وصاح..امشي ولي لا اشوف شكلج
نورسين:والله مو مشكلتي اذا كلشي تاخذونه بقصد الحراام..وماروح شراح تسوي راح تضربني مثل هذيج المرة عادي تعال اضررب..وشفت شلون افسد ببيتك اني انطيني جوازي وتخلص مني وهذا هو
نور يريد يروح الها لزم ايده ابوه:ولج لو ماوصية عمي وانتي بأمانتي جان افصل راسج عن جسمج..لسانج هذا اكصه قبل كلشي
ابو نور:اهدأ نور شصارلك عود انته الفاهم والجبير..مصار شي والبنية بنيتنه ماتسوي شي غلط وابن عمها مثل اخوها وهي مرة وماراح تتكرر.. وباوع لنورسين..صح بويه
نورسين هزت راسها:صار عمو..بس فدوة احجي وياه خل يرجعلي اوراقي والله كلشي ماريد منكم ولا اريد اكلفكم بمسؤليتي اكثر اريد ارجع لحياتي ويه اخوي
ابو نور:شنو هذا الحجي بنيتي انتي بتنه وشلون نشمرج ونخليج ترجعين لهناك بالغربة واحنه مانعرف شصيرلج مايصير..هنا بيتج وبيت ابوج الله يرحمه
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
