قصة الشيخ نور التميمي

بارت 38

ها نفس اخلاق الاولى...وجابتله مرته الاولى تؤم بس بعد ماجابت ولا طفل صار سنين...اصلاً من يروح يمها بالليل يكول استغفر الله اللهم اني صائم...

بس هسة من شاف شهد كلبه فرفح عليها ومن سمع اخت نور فرفح اكثر..شكد يحب هالأنسان ويحترمه ويعرف تربيتهم...

شهد راحت داخل وكالت يماي هسة يجي نواف يدوخني وصدك اجه وراها وكلها مو كتلج وجهج غطي شبيج صنمتي بوجه الرجال...

شهد:عابت يمته صنمت بوجهه ماشفتني مالحكت اغطي وجهي

نواف يشاقه:لا تفرحين مايخطبج هههههه عنده مرة وجهال

شهد:تف عليك كايله خل يجي يخطبني شنو شايفني عانس

نواف:هههههههههه لا بس محمضة عدنه..شنو حاطه مكياج تعاي اشوف

شهد بثقة:لا انه حلوة..مكياج وفاتحة وبجي واسود لابسين يا مكياج

نواف:اي وانه طالع على عمتي حلو

شهد:اي عفية شفت بس ماطالع على عمتك بالأحترام

نواف:انتي مال احترام مال كفخة على راسج.. الليلة الشيخ يطلك مرته على هالخلقه عبالي حاطه حمرة بوجهج..امشي ولي لا اشوفج تجين للديوان مرة ثانية

شهد:طاح حظك عمتك انه شوية احترام مو بفلوس ترا..وشنو شفتني شادة خصر واركص بالديوان غير رحت انطي ابوي الأبرة

نواف:امشي ولي داخل هل مرة من صخام الجدر تلطخين جهرتج واطلعين..امشي روحي صيحيلي زهراء..وراحت شهد وغمته وهي تضحك..وهو يكول نسوان اخر زمن مايجن الا بالصخام.....

نورسين ساكته وصافنة ودموعها خلصن..وجهها احمر من جوى عيونها لحد حنكها وخشمها احمر دم...وكلما تشوف ادريس تحضنه وتبجي بصوت وهو همين ويوخروهم واحد عن الثاني بالكوة...
صارو كل خميس يسون اله ثواب طبخ وذبح..وهاي طول الفاتحة نور مخله الوادم ينطون ولا فلس كلها عليه هو والعمام...

واجت يوم الأربعينية وراحو زيارته وهناك نورسين شبكت القبر وبجت عليه شكثر وحتى كلهم تكطع كلبهم عليها...

واخر يوم من زيارتهم تمرضت بطنها ومعدتها وماتلحك تنطق كلمة تتقيأ.. وصارت خردة ونامت بالفراش ومتغطية بالبطانية وترجف صخونة...

جابولها حبوب وكلو للزلم نورسين مريضة لا نطلع اليوم كالو لا لازم نطلع...كلولهم النسوان الكبار البنية مريضة لا نروح اليوم..ماهتمو كالو ماعليها شي..وطلعو يرجعون...

ونص الطريق نورسين كلش تخربطت وكفو وبالجولة نزلنها النسوان تغسل وترجف..وصعدت وكضته الطريق تنام عالنص...

وصلو للبيت بس هي صارت كلش..بقت يومين نايمة بالفراش وماتكوم حزن على مرض على كآبة..فقدت ابوها حبيبها...