#البارت 74الاخيرررررر
القسم ١
خالد:خويه اعتذر دكيت الباب بهل الوكت..بس اصدقائي شقاهم مثل وجههم..وشمرو تلفوني وطاح بنص بيتكم..بلا زحمة بلكي تشوفونه اليه...
راحت البنية ادوره ومالكته..ودورت عدل لكت تلفون طايح بنص شجرة رمان وزين مطايح بالأرض..خذته وفتحت الباب عالنص ومدت ايدها بس وكالت هذا الجهاز الك....
خالد وهو ياخذه:اي شكراً اختي..وبنفس اللحظة الي مد ايده ياخذ المبايل اجه اخوها للبنية..واخوها شراني وشكوكي..وكل خواته ماعدهن تلفون ويشبعن كتل اذا يفتحن الباب.....
وصار هالمنظر كباله عباله اخته جايها واحد وانطاها مبايل..وصعدن عيونه براسه..واتجه اله غضبان...وبدون مقدمات لزمه وضربه بوكس...
خالد مو فتهم شي هذا هجم عليه ويضربه ويدافع عن نفسه والبنية شردت وراحت داخل..وترجف ميته خوف...
صارت صيحة ومكاتل وهذا يصيح اليوم اموتك تجاوز على عرضي...وخالد يكله ياخي فاهم غلط..خلي افهمك..ماكو مايفهم...
شوه وجه خويلد بالضرب بجية ابو الولد شاف الهوسة ولازمين مهيمن اخو البنية عن خالد ويريد يهجم لازمينه وخالد مدمم وحتى دشداشته غركت....
وبالجهة الثانية..انشغل باله دك على ابنه ومارد عليه..وخابره..واجاه صوته...
نور عصبي:وينك مو اخابرلك وين تلفونك ماترد
خالد يتنفس حيل:يابه ماعرف شكلك..واحد هجم عليه بالضرب ويتهمني متحارش بأخته تعالي يابه
نور كام على حيله:ولك شتكول انته شهل الحجي
خالد:يابه تعال واشرحلك بحدي مافاهم..هذا فاهمني غلط وضربني
نور:وين انته..شهالطركاعة كل يوم مشكلة وعركة شكل شوكت تريحوني...وخالد كله بيا مكان..وراح نور بسرعة لهناك....
وشاف التجمع ومن بينهم ابنه مدمم..واتجهله..وطبعاً نور معروف بهالمنطقة وكلهم عرفو هاي ابنه..والولد عصبي بعده لازمينه ويريد يهجم على خالد....
وابوه عصب عليه وكله اهدا طايش وفهمني شبيك ويه ابن الشيخ...وهذاك يكول تحارش بأختي السزز....
نور ماقبل وكال ابني ميسوي هيج..لابد فاهم غلط ولدي مو مال هالسوالف مايقبلون على اعراضهم شلون يقبلون على اعراض الناس....
والحجي اخذ نور وكعدو داخل بيتهم وهذا ابوه طرده من الديوان مايحترم..واذا يغلط عالشيخ نور مو حلوة تصير....
راح طلعها بأخته وخطية شبعها كتل ويكلها اعترفي عندج علاقة وياه ولا ظل امام لا قرآن مادكت ماعندي شي وياه ماعرفه وتلفونه طاح ابيتنه....
وخالد سولفلهم..وخابر اصدقاءه يجون يشهدوله ونور متأكد خالد مايسويها همه لسانهم متبري منهم بس مو سواية تحرش ببنات العالم....
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
