تكملة البارت الاخير
القسم ٢
__________________________________________
هاي شبيكم بكه كتلتها ماكو شي مجاي احرس الباب افوتو فوتو ماريد اطردكم هي نوسي شرت الشيخ عالحبال )
سمع تلفونها يرن بأشعارات..واخذه ويكول اريد اشوف منو المزعج هذا الي يراسل مرتي هل الوكت وهي تعبانة....
نورسين ضحكت:ياهو غير شهودة المزعجة..وكامت عنه وراحت للحمام..وشافت شكلها بالمراية..الوشم مايبين من الاثار...
ضحكت..ويكول مايحبه هو ولا يوم شفته رجع طبيعي بدون خربشاته وتضحك بخفة...وباوعت حتى بطنها مخربشة.....
فتح الرسايل وشافهن صورتين....وفتح وحدة صورة نورسين ويه شاب غريب..لابس تشيرت نص ردن..والصورة الثانية مغطية وجهها ودايرة عالنص...وهو الشاب الماخذ السيلفي...وشعرها مفتوح ولابس جينز وتشيرت نص ردان..........
لو يذبحونه قطرة دم مابقه بجسمه تبخر من حرارته الصعدت..طلعت من الحمام وشافته بيده مبايلها..وبس طلعت رفعه بوجهها....
نور بهدوء:هاي انتي لو انه اتخيل شكلج بكل وحدة
نورسين شافت صورتها ويه رياض واول مرة تخاف هيج..وضربات كلبها وصلت لذانها من الخوفة..وتريد تطلع كلماتها بلسانها ماتعرف شتكول....
نور عصب:مو احاجيج جاوبي..ماريد احكم واتسرع احجيلي شنو هالصورة
نورسين بكلام متكطع:ماكنت اعرف وصورها وياي اجه فجأة وكال سيلفي وماعرف لحد هسة محتفظ بيها مسحتها من جهازه وصار 7 سنوات عالصورة
نور بعصبية:ومنو هذا احجي
نورسين سكتت من سمعت صيحته عليها فزعت وحضنت نفسها..وخافت يكعد زهراء....يكلها مو احاجيج احجي منو هذا المصورة وياه ولازمة جهازه....
نورسين:هذا صديقي بالكلية وهو زميلي وبينه تبادل محاظرات...ماكملت سمعت عصبيته....
نور بعصبية:وزميل تصورين وياه..وتكولها بكل عين وقحة صديقي..وشمر المبايل وانركع بالارض...وهي خافت اول مرة تخاف من نور...
وظنت راح يضربها خذت ملابسها تلبسهن وهو عصبي ويصيح عليها شلون تصورين ويه رجال غريب وشنو صديق ابوج كلش جان مرخيلج الحبل....
نورسين تريد تبررله: مابيني وبينه شي مجرد اصدقاء وهو من اعترفلي بحبه حظرته ومخليته يتماده بعد
نور كاطعها بعصبية:بعد وهاي جديدة..ومحتفظ بصورتج طول هالسنين..تعرفين صورتج عنده كل يوم يباوعلها يعني....
وظل يصيح عليها وهي سكتت وصدك خافت منه بهاللحظة لأن نور من يعصب مايشوف كدامه....
زهراء كعدت وكامت تبجي..ويكلها سكتيها وهي راحتلها وشالتها...وبطنها وجعتها...وتكول بكلبها...شهالحظ العندي الله يلعنك يارياض..هسة شينسي...
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
