..
وطلعت لابتوبها وفتحته..وطكطكت اصابعها ايد بأيد..ولزمت الكيبورد...ودخلت لقصة الملك ادريان...كعدت وهي متمللة مالها نفس تكتب..وهالقصة الأخيرة مو راضية تكمل...
من حبت نور مشاعرها كلها تغيرت عالكتابة..وكلما تكتب تلكه نفسها تكتب شخصية الملك (ادريان) نفس شخصية نور....ومسحتها ورجعت صاغتها من جديد...
وهي تريد شخصية الملك ظالم وشرير...والملكة مالته قوية وصلبة وما توكع بحبه مهما يصير...بس اشو طلعت الملكة عن سيطرتها بالكتابة وحبت الملك الشرير....
سدت الابتوب وكامت فتحت الكنتور وماتعرف شتسوي وتوه نور عصبها..تنهدت وكفت بنص الغرفة وبحركة سريعة نزلت وكفت على ايديها على الأرض...
ورجليها صارن فوك..تشيرتها الابسته نزل على صدرها وطلعت بطنها..هي تحب هالحركة تخليها تفكر عدل...وحركت رجليها يمين ويسار...
غمضت عيونها وتحاول توازن نفسها..بس اجه ابالها نور..وكلما تذكر ذكرى وياه جسمها يكزبر ويرجف كلبها ودكاته تعله...بالرغم حتى بوست خد مبايسها...
وسمعت الباب انفتح وفتحت عيونها وطاحت تكومت..هو اخفى ابتسامته عليها اول مادخل ماشاف غير رجليها ليفوك وبطنها الطالعة من التشيرت...
نورسين عقدت حواجبها:اكو شي اسمه دك الباب قبل ميفوتون
نور رفع تك حاجب:واكو عقد قريبا يكمل ويصير ورقة مكتوب عليها اسمي واسمج ومكتوب فوكها عقد زواج
نورسين تعدل شعرها:جاي تكول ورقة..ورقة بس لا اكثر..يمكن جاي ابدل غير ادك الباب
نور:يعني لازم ادك باب غرفتي وعلى مرتي حلالي
نورسين فهت على كلمة مرته..وتكول اي انه مرته..اووف هاي شبيه ملهوكة على نور ولا كأنه يكابر بمشاعره اليه...
صحاها من تفكيرها صوته الرجولي الي يذوب كلبها من يحجي...
نور:توه جنتي ترطنين عليه الماني..شكلتي هااا
نورسين عضت شفتها السفلية:مكلت شي بس عبرتلك عن مشاعري..وابتسمت...
نور اقترب منها ودنك وجهه بوجهها:مرة ثانية ان سمعتج ترطنين الماني يمي اشعل اهل ألمانيا كلهم
نورسين ابتسمت وحجت الماني:احبك..تفهم معنى الكلمة الكلتها جم مرة اكولها الك بالألماني وماتعرف كلما اكعد يمكم اكولها ومتفهمها وحتى من يكونون ولد عمي كاعدين اكولها الك وانته متفهم....
نور سكت وعرفها بدون مترجم..ورفع ايده راد يحطها بشعرها بس رجع ايده ودار وجهه عنها...
نور:نزلي يمهم بس ديري بالج تقللين احترامي مرة ثانية سمعتي..نواف ومشتاق من يشاقون وياج حلكج يتخيط ماشي
نورسين:شلون يعني اسكت من اكعد يمهم
نور دار وجهه وهو عاقد حواجبه:ماااشي يابت ألمانيا
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
