خجلانين بيه مطلكه شمروني لياهو ماجان وخلصو مني
نور:شهل الحجي بويه..لو اريد اشمرج شون ماجان جان زوجتج لأبن عمج من زمان.. ترا الناس ماترحم ولمصلحتج..وبيت عمج هنا ماريدج ترحين الهم
فارس:شسالفة نور لا تكسر بخاطرها خليها تروح ويه البنات
نور:انته ماتفهم الناس مترحم ونسيت بت عمك المصونة شنو تهمة اتهمتها..وسكت شوي يفكر..يالله روحو بسرعة وتعالو عشر دقايق الكم بس...
نورسين دارت وجهها تريد تروح..وفارس ماعجبه بت عمه هيج..وتحمحم..وكال نورسين سترج بت عمي...
نورسين خجلت منهم وسكتت..وكالت اسفة..راح ابدلهن...التفتت تروح فوك تبدل..
لجين:اروح وياكم..ولزمت اطراف التنورة مالت نورسين عساس تكول حلوة لا تبدلينها... ومانتبهت نورسين ومشت وانسحبت التنورة وهي فيزون..ورجعت عليها وطلعت كل سيقانها الوردية من الاول للآخر
لجين:اروح وياكم..ولزمت اطراف التنورة مالت نورسين عساس تكول حلوة لا تبدلينها... ومانتبهت نورسين ومشت وانسحبت التنورة وهي فيزون..ورجعت عليها وطلعت كل سيقانها الوردية من الاول للآخر.....
فارس دار وجهه بسرعة وطاح من الضحك..ونور ماشاف شي لأنه مدنك من الأول..وملتهي بسبحته...
نورسين صارن خدودها حمر من الخجل بس هي لابسة سروال داخلي طويل للركب هاي تلبسهن جوى تنانير الكصيرة...
تباوع لفارس يضحك ولازم عيونه بيديه ويضحك من كل كلبه...وبدور ضاجت حتى وياها ماضاحك هيج...والبنات مافاهمات شي...
نورسين خجلانة:شنو هاي فارس كافي تضحك
فارس وجهه احمر من الضحك وبعده يضحك:وروح جدي ماشفت شي..بس اتذكرت لجين سوت بخالتها هيج موقف محرج..وصارلها شهرين ماتراويني وجهها هههههه
بدور:اي عادي حبيبتي مستورة انتي هههه..وباوعت لفارس بعده يضحك...
تتمنه ابتسامته وضحكته وياها ويضحك ويه الكل الا وياها..وكامت ولبست عبايتها..وكالت شنو ماراح نروح بيت عمي...
نور كام واستأذن وراح للديوان هو وفارس..ونورسين مابدلت ماخلنها البنات وكلولها هسة راح نروح هناك وين يشوفوج الولد...
راحن بيت عمهن الي يمهم..وشوي ورجعو للبيت وهنوب راحو بيت عمهم بهاء..وكل العائلة معزومة هناك وهوسة وجهال ونسوان....
والعصر كلش زهراء دكت على خالد يجي وياهم للبستان ميقبلون يطلعن ابحدهن وتثاكل خالد وكلها غير مرة اجيبكم انتي والبنات...
زهراء الا شوي تبجي وهو خبيث يلعب بأعصابها يكلها باجر وعكبه وينرفزها..وسدته منه وخابرت لأبوها وكلتله خالد مايقبل يجي ويانه للبستان...
كللها هسة اخلي يجيج ركض..بس باوعله ابوه وكله كوم..وهو فهم زهراء كلتله...وكال الا افرك خشمها بالتبليط اليوم...
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
