وبيوم العقد ماكدرت نورسين تبقه زعلانة من شهد وباركتلها من كل كلبها..وماسوو حفلة لأن ابنهم مصار هواي ميت...
وامه ومرته شلون يباوعون عليها وكأنهم ماقابلين وشهد طلعت تخبل بفستان احمر وهيج جان موديلهن بذاك الوقت...
وصوروهم سويه..وهي كلش خجولة..وهو طبيعته جريء يعني مو يكول حجي ماصخ لا بس مو من اليخجلون وماعرف شنو بس زلمة شخصية...
وعلمى صورو كلبه طلع من مكانه على جمال شهد هو شافها مرة بلا مكياج وخذت عقله وهسة بهالفستان شطالعة...
وسعيد صارت اله ومن نصيبه مو لجمالها بس بعد كلبه شيسويله صارلها سنتين بباله باقية...
(ودك دك دك كليبي دك ومن شافك بلش يعشك)
وايهال تشاقيهم وتضحك وشقاها ماصخ نفس مشتاق ونواف وخويلد...يمكن اخس منهم كلامها تفصيخ لحم...وتتعرفونها بالجاي...
وبنات عمه سخيفات يكلله بوسها وهي ودها كل وحدة كف وتسكتهن..وهو يشاقه ويضحك ويكول حتى يجينه الشيخ يفرغ شاجور علينه...
وسخيفات كامن يصيحن بوسها ولتخاف من اخوها وبوسها ولتخاف من امها...باسها بجبينها..وهي صارت طماطة من الخجل...
ام الولد المات مجاية وتكول هذول ماريد اشوفهم وهمه خذو ابني مني...هي مجانت هيج ايهال تكول شكثر طيبة بس من لجمة كلبها هيج صارت حقودة...
نورسين بعد ماراحو صعدتهم لغرفة البنات شغلتلها بيت كطيو وتضحك وتكلها لأن ماسولج حفلة وركص..اصلاً لويش لبستي الفستان والتسريحة...
وتركص على هالأغنية وكومت شهد والبنات وياها..والبنات الزغار ميتات ضحك ويركصن وزينب تكول صايرات ركاصات بناتي...
نورسين تكلها خربتهم نورسين بت المانيا كوليها كوليها وهي تخرب ضحك تكلها لا وين اكو منج انتي هواي جاي تعلميهم وادرسيهم همين...
ولجين هم اتعلمت هالسوالف وتكلها ماما لا تنزعين الفستان يشوفه بابا..وزينب تفاجئت بكلمة ماما لجين تكلها خالة بس هسة كلتلها ماما...
ابتسمت الها وبوستها وكلتلها منين الج هالسوالف....
نورسين تكلها هاي كله سوالف عمتها شهودة كلما وحدة لبست فستان بمناسبة كالت لا تنزعينه خلي يشوفه رجلج عليج....
وشهد تنقزها بكوعها وتكلها انه هااا حقيرة هسة سويت بديه اريد ازواجكم يشوفونكم بالفستاتين الي تلبسنها بلكي يحبونكم وتضحك...
نورسين:لتخافين عليه اني مو احرك اعصابه بس الا اخلي يتكلب وهو نايم واطير النومة من عينه..اخلي حتى يحلم بيه ههههههههه
شهد:يمه منج انتي بعد بت المانيا خبلتي اخوي..مدري شمسويتله يم ام عباس
هاجر:ههههههه اما انه ماكو حلم كله واقع حتى من اقرا قصة وياي وعلي بكلشي وشكو شي يصير بالقصة يطبقه بيه
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
