تبقين عراقية وبتنه
نورسين:اي والله وربي حبيتكم بس البارحة يمكم وحبيتكم حيل..بس اكو ناس احسهم ماحبوني
(تقصد نور😁👌)
زهراء:ياااا منو هذول ماعدهم ذوق اكو واحد ميعرفج من اول لقاء يعشكج وعلي
نورسين: فدوة للحلوة الكيوت الي تجنن بجمالها
زهراء:ههههههه اي صاكه..تباً للتواضع شلوني خخخخ صرت نويف
نورسين:صدك تعالن شنو صاك مرة سمعت هاي صديقتي البصراوية تكول صاك يموت..مافهمت ههههه وسألتها وانكطع بينه الأتصال وماكو صارلها جم يوم..والبارحة سمعت اخوج يكولها..صاك..اريد اعرف كل مصطلحات الماعرفها عدكم
زهراء:صاك يعني حلو..وسيم جمييل...فالعراقين يكولون صاك يعني كامل من كل ناحية..وصلت لو اشرحلج بعد هههههه
نورسين:لا والله هههههه بس حلو..اممم الصراحة هذا فارس اشوفه صاك ومشتاق..ونواف وعمي الاصغر ماشاء الله يجنن هههه
زهراء:وباباتي مكلتي عنه صاك..ترا هو يخبل ابويه بعيونه الكحيلة وين اكو عدكم بألمانيا مثله..بعيونهم الزرك كلهم ميلحكون عيون بابا
شهد:ههههههه على كيفج ولج وصلتي للكمر ابوج وكليتي البنية بكشورها
نورسين:هههههه لا هو هم صاك بس شكله خجول شوي سلمت عليه مارفع راسه اليه ابداً
ايناس:عزززااا تكول خجول عن ابوي هههههه خل يسمعج طكيتي الهيبة طراك..هذا مو خجل بس بابا ميباوع عليج جي شافج بلا حجاب وبت عمه ميقبل
نورسين:عادي يعني اصير بنت عمه ومثل اخوان نعتبر والله حسيته محباني ابد وده اليوم اروح المانية قبل باجر بسبب سفوري
شهد:لاء ولج نور ابد مو هيج..ماعلينه هسة خلي احطلج شوي كحل مو اسود جوزي شوي
نورسين:اوك نجرب....وحطتلها كحلة بس سودة وتجنن عليها...زهراء نزلت تريد تكل لأبوها يرحون للبستان بعدين لأن بعد ماتشوفه هناك وشلون تكله....
سلمت وصبحت على جدها وبيبتها وعمامها وابو ادريس...
والولد كلهم كايمين للغرفة بس نواف كاعد يمهم وبيده تلفونه....وابو نور كام هو واخوه للديوان علمى يمشون الكل...
والحجية كامت وراحت تاخذ ادويتها..بيها سكر وضغط وعدها رجلها كلش توجعها تمشي بالكوة منها...ومابقه دكتور ماراحت مايفيد العلاج....
زهراء شبكت ايد ابوها:بابا فدوة انروح وياكم بستان بيت عمي مو راح ترحون بعدين..نريد نودي نورسين هناك تشوف البستان
نواف باوعلها:ماكو روحة للبستان كلها راح تروح ولد عمامي وعمامي..وانتي شكبرج تصيرين وتدلعين على ابوي
نور وايده بلحيته والسبحة بيها وأبتسم:وانتي شعرفج راح نروح..مدت بوزها بزعل وهو ضحك..اي ليش لا روحو ونواف ياخذكم..لو خالد ياخذكم
زهراء تحرك بحواجبها لنواف:موت بغيضك..اتدلع على ابوي مو عليك شضاغطك انته
نواف سد تلفونه وكام:خالد يوديهم ماعليه انه..وطلع..وفارس كاعدة بته بحظنه وبيدها التاب وجاي تلعب لعبة وهو يعلمها....وبدور صبتلها جاي بس شربت..وتباوع لفارس بحضنه بته...
زهراء كامت:انه أكول للبنات يتجهزون..بابا هو وينه خالد
نور:راح اخذو ادريس وطلعو...روحي انتي كليلهم وانه اكله يجي ياخذكم اذا ماجه عمج مشتاق يوديكم
زهراء باست خده:ماشي اروحلك فدوة باباتي..وراحت..
فارس:صدك نور شنو رديت على بيت ابو سلمان الي خطب بتك
نور:ماعندي بنات للزواج..هو هذا هم زلمة وازوجه زهراء ماشمر بناتي وين ماجان مثل شهد لو ما امي واصرارها هم ازوجها لابن خالك
فارس:هاي قسمتها بعد شنسوي
نور:ابن عمك مسلم طلبها بس هم مايستاهلها ماعيد نفس الغلط وازوجها حيا الله
فارس:بس شبي مسلم ماشايف عليه شي
الشيخ نور:زلمة مخربط ومايعرف يتصرف وحتى حجي مايعرف يحجي ومو مال واحد يزوجه..شايف عليه وماريدها تنكسر مرة ثانية
فارس:بكيفك يابو نواف هو ابوي هم شكله مايقبل...
اجن البنات وياهن نورسين..ولابسة تنورة فيزون طالعات سيقانها منها...يردن يرحن بيت عمهم بصفهم كلش والبنات ماخذات نورسين وياهم..يردن نورسين تشوف بيتهم قبل لا يرحون بيت عمهم بهاء الي عدهم بستان..هو نفسه اب... وخير من الله ولد عنده...
نورسين:صباح الخير
الكل:صباح الخير...
ونور مدنك راسه مايرفعه ولاهي بسبحته...كلما تصير بنفس المكان ولا يرفع راسه ابد لأنها سافرة بلا حجاب...
نورسين تثاقلت من اسلوب نور وهدوءه حسته يكرهها مايرفع راسه من تكون موجودة يرد السلام وهو مدنك بس فارس لا يسلم عادي...
وتذكر همه مايحبون البنية الي تكشف شعرها..باوعت لملابسها وتكول لهسبب مايباوع من يحاجيني نور...هي
زهراء:يالله امشن بنات
فارس:وين رايحات
شهد:بيت عمي هنا..نودي نورسين الهم تشوف بيتهم
نور وهو مدنك ولاهي بسبحته:شهد يابه انتي لا ترحين
شهد ضاجت كله هيج محبوسة واذا تطلع لازم اذن ابوها واذن نور يالله تطلع ويه امها..مايردون يحجون عليها الناس وهي مطلقة ومارحموها بالحجي من اطلكت لأن هي اربعين يوم بس بقت يمه...
وهمين بت عمها ذبت براسها تهمة انو هي مصاحبة واحد ويجي يشوفها بالباب وهي بريئة بس ذيج تغار منها وخبثت عليها...
شهد:ليش نور هو بيت عمي هنا شبيكم عليه ترا كلهم يطلعون الا انه..اذا هل كثر
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
