عايشة بره وزغيرة وراح تركضك ويه خيل الحمزة ماتفيدك اتزوج بت عمك مهره
نواف يقلد المصريين ويسوي صوته مال نسوان: اي حتى فترة وتكلك طلئني طلئني انا مش عيزاك عيزه حنان وحليمة وجنان
نور طردهم ويكلهم كومو كلمن لفراشه لا انه اركضكم ويه خيل الحمزة....
ويكول اول مرة اشوف ولد يردون يزوجون ابوهم...
وماراحو من يمه لمن كام على حيله وهمه فلتو بره يم ادريس..وكعدو يمه شوي ودخلو يباتون بالديوان ونور بغرفته...والعم ابو ادريس حطو بغرفة الولد....
وبغرفة فارس وبدور..لجين توها نايمة هواي سهرت ويه البنات وكل شوي ابوها يكلها نامي بابا تكله ماريد اريد يم عمه شهد...
فارس داير وجهه عنها وحاضن اللحاف..وهي نايمة بصفه وكاعدة تنتظره بس يلتفت عليها...وهسة يجي بس يحضنها....
بس اجتها صفعة على وجهها ونزلت على كلبها وجعته...ابتسمت بحزن للفراغ بظهره...
بدور:فارس
فارس بدون مايلتفت:نعم شعندج
بدور:لو مرة جاوبني عدل شبيك انه مرتك مو عدوتك
فارس:راح تبدين اسطوانتج..وكام وخذه مخدته ويريد يطلع كامت لزمته قبل لا يطلع....
بدور بقهر:فارس شبيك عليه ماراح احجي شي يضوجك والله..بس ردت اكلك احتاج جم شغلة ضرورية لبتك واليه واريد اروح ويه امي السوك
فارس:وانه مانعج عود..هذاك الدرب روحي وين ماتردين
بدور:لاء بس غير اكلك خوما اروح وبعدين تصيح عليه
فارس واكف ولازم الباب:بدور اكو حجي بكلبج اليوم ممطلعته طلعي من كلبج يصير بيج جلطة اذا ماتحجين
بدور عصبت:آهووو فارس انته شكد نكدي
فارس ركع الباب قوي:انه النكدي لو حظرت جنابج..كرهتيني حتى بملابسي ..كل يوم نفس الحجي والنكد فارس انته اناني..انته بارد انته جاف انته هاجرني..انته ماتحبني انته تكرهني..انته تقهرني انته وانته وانته..كمت اتمنه فد عبوة فوكي حتى ارتاح من نقج..واخر شي ترحين تحجين لأبوج ويجي يرزلني كدام ابوي واخواني وانه ساكت احترام لشيبات ابوج ولأنه عمي..والله العظيم وحق بتي الي وصلة من روحي لو ما ابوي جان انتي مطلكه بالثلاث وحق النزل القرآن اذا ماتتغيرين اطلكج بالثلاث والعباس لأن بزعت روحي منج
بدور بعصبية:اي انته ماتصدك يجي هاليوم حتى تروحلها والله ولا يلزمك زوجها ولا غيره
فارس عصب كلش وضربها كف:هاي حذرتج مرة ثانية ورقتج بيدج وبنتج تحلمين تشوفينها..وخذه تلفونه وطلع وركع الباب...
وهي ظلت تبجي ولجين عجيب نايمة ماتحركت ماسمعت النقاش الحاد..هي مرات تنام يم البنات تحبهم بنات عمها وعمتها شهد...
فارس راح للحديقة شمر مخدته ونام عليها: والله العظيم انام بالشارع مشرد ولا العيشة ويه هالسم بدور..الله يسامحك بويه ظلمتني وظلمتها....حاول ينام عالحشيش ماينام.. بارد ورطب...كام يريد يروح للديوان...دك تلفونه...
باوعله رقم غريب..وهسة الوقت متأخر..كال يا ستار منو داك..ورد وبصوته الجهوري..كال الوو منو...
زينب نزلت دموعها:فارس
فارس عرف صوتها:زينب..انتي زينب
زينب بدموع وبجي:اي زينب
فارس مايعرف شيكول وهو يسمع صوتها الي عذبه سنين طوال..ولا راضي ينساه بقت راسخة براسه وكلبه...
زينب ببجي:فارس مشتاقتلك مووت والله العظيم
فارس:وشذكرج بفارس كل هالسنين..مو انتي مرة متزوجة وانه رجال متزوج
زينب ببجي:ولا يوم نسيتك ولا دقيقة ولا ثانية..فارس الي بقه حسرة بكلبي ليهسة..وياريت ميته ولا شفتك تزوجت ورفضني ابوك
فارس:هو انتي شتختلفين يعني هم انتي رحتي ازوجتي بس درت وجهي
زينب:انته اكثر شخص تعرف ليش اضطريت ازوج..حتى افك نفسي من الفضايح وعار امي الي لبسني وحتى لو نظيفة امي لطختني
فارس نزلت دمعته بقهر:زينب شنو داكه عليه بهالساعة تردين تشعلين نار بكلبي لو شنو
زينب:لا ابد عساها تشعل بيه نار ولا اشعل بكلبك نار..دكيت حتى اودعك واكلك سامحني ازوجت وسامحني لأني ليهسة اتحسر عليك..لا تنسه اذكرني حتى لو بالسنة مرة..مع السلامة
فارس:لحظة لحظة شنو تودعيني وشنو سامحني..انتي شتقصدين...ماكمل وسمع طوط طوط...سدته بوجهه...
حضنت التلفون ودموعها تنزل بحركة..باوعت لوجها بالمراية ازرك وشفتها مكسومة نصين من الضرب والأهانة الي تتلكاها كل يوم...
كاتبة رسالة لبناتها الثلاثة..حطتها ويه التلفون..وتسمعه يدك فارس يدك عليها..ويدك ويدك..سوته صامت..ومسحت دموعها..وكالت هذا هو حسمت قراري...
طلعت موس ورادت تكص وريدها وتحطه وترجف ايدها ومرتين تحطه وتوخره وماتشوف من دموعها..وتردد سامحني ربي سامحني جزعت والله جزعت..هالنفس امانتك وانته التاخذها شوكت ماتشاء...بس جزعت انه...سامحوني بناتي...
سمعت صوت بتها الوسطية تصيحلها وتكلها ماما الزغيرونة تبجي ماتسكت وينج يمكن جوعانة...
ظلت تبجي اكثر وتكول يعيشن بناتي اي يعيشن شنو عليهن..وتكول لا راح يعيشن بعار امهم الي جانت عار كدام الناس وهنوب تنتحر..اويلي وابوهم مو انسان وحش..وراح يشبعن ذل وتجيهم مرت ابو زينة مو زينة تبقه مرت ابو...
لا بناتي مايكدرون بدوني..وتذكرت ابتسامة بتها الزغيرونة ومن تظم وجهها من تبتسم
YOU ARE READING
قصة الشيخ نور التميمي
General Fictionهو هذا الي يفز الكلب لو صار كبالي..هو وهيبة شخصيته انته انته يلي ابالي..بيش اوصف هذا الشعور الي هسة منك اجالي..فهمني علمني شلون اعشك يلي غيرك ماصفالي....
