قصة الشيخ نور التميمي

بارت 48

بسيطة وحلوة عليها..رطبت وجهها ورتبت حواجبها وسوت ايلاينر بس وحطت مسكرة بس...وحمرة لون احمر فاتح....

وهاي كله كدام عيون زهراء الي فاتحتهن عالنص لا البارحة نايمة ولا اليوم..وراسبة هالسنة وراح تعيد السنة...
وراحت نورسين طلعت الفستان ولبسته وطلعت تخبل بي ويجنن على جسمها..ظلت تباوع لنفسها ولاحظت زهراء ايدها على خدها وتباوعلها...
شهد والبنات وكلهم جوى وهوسة بيتهم وشهد لاهية وزهراء مريضة ماتخليها تسوي شي...

نورسين اتجهت الها:حبيبتي زهورة شنو مو حابة تلبسين شي..انتي حزينة لأن ابوج راح يرتبط بيه

زهراء:لا ابد بالعكس تستاهلين كل خير وتستاهلين بابا طيب وحنون..ويستاهلج وطيبة كلبج وهالجمال...وابتسمت الها...

نورسين لزمت وجهها:فديت الأبتسامة شكثر جميلة..وتصيرين اميرة من تبتسمين..يالله لعد بدلي ولبسي الفستان الاخذته الج ويالله ننزل سوى

زهراء:ماشي..وكامت بتثاقل لخاطر ابوها تريد تفرحله وراحت بدلت ونورسين سوت شعرها بالكوة قابلة تكول خلي عادي...

وزهراء شعرها اسود طوووويل كلش ويخبل ولبست فستان ماروني طوخ بس مستور هي وايناس..وفتحت شعرها على اخره وبرغم نحافتها الا انها طلعت تجنن وحطت مكياج قليل وفاتح...

ونزلتها نورسين وياها وكل البنات سلمو على نورسين بس الحجو عليها ماجو ولا وحدة ولا خوات بدور..نسوان عمامها بوسوها ويصلن على محمد من جمالها بهالفستان...

بس ام نور كالت شدعوة هيج مفصخ ملابسج يمه حتى لو الحضور بس بنات بس هم حرام هيج مفاتنج نصها ظاهرة..تقصد صدرها وظهرها...

وصاحت لزهراء وكلتلها كفي شعرج وشدي مو ناقصج عين كسروج بالعين راح يموتوج يمه لفي شعرج..وزهراء فقيرة ومطيعة ولفت شعرها...

جيرانهم صويحبات ام نور اجنها..وام الشيخ محمد باقر هم جاية هي وياها ايهال بتها هاي عدها بنية مازوجة...

وهل أيهال مصيبة سودة اطكع من نويف تحجي تفشيخ ولا تخجل ابد وتشاقه وتضحك...وهو الشيخ كلهم امشو وياي الشيخ نور وكفاته وياي هواي...

وشهد خطية طاحت صفح من التعب ماي وعصير ومدري شنو كله هي وياها بنات عمها بس هم كلشي تسوي وتودي...

اجه نواف يتحمحم..وكلهم خلي تلبس عباية نورسين والنسوان كلكهم خلي يتغطون راح يدخل السيد هنا بغرفة جدي يتممون العقد...
شهد كلتلها امشي لبسي عباتج وكعدي بغرفة ابوي..ولبست عباية واجت وياها صباح..وباوعت يسار ويمين وهمست لنفسها...

نورسين:بابا حبيبي تمنيت الي يكعد يمي هسة انته وانته تكون حاضر بيوم الأتزوج..ادريس وينك انته الوحيد بقيتلي..ماما تمنيت اليوم ايدج هي سوت شعري..وعيوني انتي ترسميهن...