عدت شهور ولا عدا الشعور

1

~1998~

"لندن"
جواد: خلصت من الاجراءات وبينقلون جثته بعد رحلتنا خذ اغراضك كلها ماعاد لنا رجعه مره ثانيه هنا والخسيس حمد خله يعفن بالسجن مالنا به بد
تحرك حاتم وهو يجمع اغراضه بحزن مو مصدق ان صديقه مات ما تحمل هو الخبر اجل كيف زوجته واطفاله؟ دخل في دوامت التفكير وعزم على امر ما ليكون هو الحل الانسب له
رجعو الى الوطن اثنين بعد ماكانو اربعه يضرب بهم الامثال وتهتز المجالس لذكر اسمائهم وبدل من ان يحملو شهادات التخرج حملو شهادة وفاة صديقهم كيف لهم نقل الخبر للبقيه؟ هل من السهل عليهم قوله؟
وصل الخبر للجميع وكانت صدمه كيف صار كذا

~بعد اربع اشهر من ذاك الوقت~
حاتم:يبه وصيه محمد اتعبتني وصارت هم على كاهلي حتى النوم استثقله صعبه علي والله
ابو حاتم:قل خلني اشوف وش الصعب فيها
حاتم:يبيني اتزوج زوجته عشان اربي عياله ومايكونو تحت رحمة زوج ام بعدين
ابو حاتم:طيب مو صعب طلبه ودامها وصيه نفذها
حاتم: اجل خلاص اليوم نروح لعمي واقول له
ابو حاتم: دق عليه اول علمه
حاتم: تامر بشي قبل امشي للدوام
ابو حاتم: الله يحفظك

في نفس ذا اليوم لكن ببيت ثاني كانت ام تركي تحاول انها تقنع بنتها تطلع وتغير جو وتبعد عن الكأبه اللي عايشتها بعد موت زوجها
مشاعل: يا امي لو اني ابي اطلع كان طلعت من زمان
ام تركي:اصلا ماجيت اشاورك جيت احط عندك علم البسي عباتك وانزلي مع اخوانك بيروحون يتمشون وقد اخذو اولادك... وطلعت بدون ماتعير راي مشاعل اهتمام نزلت مجبره وركبت السياره حرك اخوها وراح لحديقه قريبه عندهم

جود: مشاعل فكي الكشره وشوفي كيف عيالك مستانسين
مهرة: اقول احنا ماجينا هنا عشان نجلس قومو معي نمشي
تركي: روحو انتم بجلس مع مشاعل ابيها بشي

جود:مهرة شوفي هذي هههههه
مهرة: هههههه تفشل ياربي
جود:خليك عند التوأم وانا بروح الحمام ماراح اطول خلك هنا
مهرة:بسرعه
شافت مهرة سيارة ايسكريم قامت وهي بس بتاخذ وحده لها ولجود وبترجع رجعت وهي مستانسه انصدمت وهي تشوف ان سُكره مو موجوده تلفتت تدورها رجعت جود وراحو يدورون عنها بس مالها اثر كأنها فص ملح وذاب قررو يقولون لمشاعل واللي فيها فيها

كان تركي يتكلم لكن مشاعل مو معه ابد كل تفكيرها باللي تحس فيه
تركي: وشوفي تراه وصيه ابو عيالك ومافيه مجال للرفض وقفت مشاعل تحس بشي صار لاولادها مسك تركي يد مشاعل بس هي فلتت يده وراحت تركض لمكان جود ومهرة
مشاعل: وينننن عياليييييي ويننننن راحوووووو وينن سُكره؟ تكلمو وين راحت
مهرة: شوفي مشاعل يعني كنت رايحه ثواني ورجعت بس مالقيتها مدري وينها
نظرت مشاعل لجود بنظره راجيه ان جود تعرف
هزت جود راسها معلنه الرفض خابت ضنون مشاعل واجهشت بالبكاء كما هي عادتها في الفتره الاخيره مر اسبوع على اختفى سُكره وتلاشى امل رجوعها وتم زواج مشاعل وحاتم على حسب وصية زوجها الراحل وكانت حفله عقد قِران بسيطه وعلى رغم بساطتها الا ان حاتم اصر ان تكون فخمه لدرجه المبالغه بعد عقد قِرانهم راحو للبيت وقبل تجي مشاعل كان تركي يوصي حاتم على اخته:شوف ياحاتم والله لو هلت عيونها الدمع ولو شكت مشاعل بس انك ضاربها او ضارب واحد من عيالها والله لاذبحك واعلقك على مدخل الرياض وتعرفني اسويها
حاتم: اعوذ بالله منك ومن يزعل مشاعل ولا تخاف عيال مشاعل مثل عيالي ماراح اسوي لهم شي لكن قبلها اقدر اطلب منك طلب؟
تركي: وش بغيت؟
حاتم: ابي تخلي العيال عندك بس اسبوع لما نجي
رفضت مشاعل تترك اولادها لان اللي مابي اولادها من اول يوم يعلن رفضه مدى الحياة

~حاليا~
مسحت مشاعل دموعها بعد ماشافت ولدها المقبل عليها
راشد: افا ياام راشد تبكين وانا عادني حي قولي ايش اللي مضايق خلقك؟
مشاعل: ولا شي بس تذكرت اشياء مالها باقي ودمعت
راشد: تضحكين علي ياامي انتي مو بس دمعتي انتي بكيتي ايش رايك اخذك لخالتي وتجلسين عندها لما يطيب خاطرك ونرجع للبيت بعدها
مشاعل: روح قل لاختك مانيب مخليتها لحالها بالبيت علمها اننا بنطول هناك خل تحسب حسابها
راشد: وابوي؟ ماراح يزعل مثل دايم؟ مابي اسوي مشكله بينكم
مشاعل: شفت اذ ركبنا السياره وقتها ندق عليه ونعلمه وخله يزعل تعبنا واحنا مغير نداريه ونمشي على رايه
راشد: الله يستر من تاليها
مشاعل: رح لاختك بسس
راح راشد لغرفة الهام وصار يضرب الباب بقوه: افتحييي الباب لييي
إلهام: وجعع خيررر ايش بغيت
راشد: بسرعه خذي لك اغراض بنروح لخالتي بس احسبي حساب اننا بنطول
الهام: واخيررر مابغينا
دخلت إلهام تخاذ لها شاور على السريع وطلعت وصارت ترتب شنطتها وتشوف ايش تحتاج

: غُند يابنت تعالي
طلعت غُند من الصاله وشافت جدتها جالسه في الساحه: هلااا
الجده: قومي جهزي القهوه بيجن عندي ام عابد ومزنه
غُند: بزين لكم القهوه واروح لاديم مانيب جالسه عندكم
الجده: زين ماتسوين
خلصت غُند من شغلها وطلعت لبيت ام ناصر طقت الباب بخفه وفتح لها ناصر بعدت شوي عن المدخل عشان يطلع: اصبحنا واصبح الملك لله وش بغيت يالغثيثه؟
غُند: مايخصك وبعد عن الباب بدخل لاديم
ناصر: اديم مو فاضيه لك قاعده تنظف خالتي بتجي وارجعي مكان ماجيتي فهمتي
غُند: مافهم كلامك وبعد بدخل
ناصر: عادي برجع أعيد كلامي ارجعي مكان ماجيتي منه وسكر الباب بوجهها رجعت غُند للبيت ودخلت وهي تشوف اللي جالسات بالصاله عدت بدون ماتتكلم معهن او تسلم عليهن
ام عابد: العرب تدخل تسلم لكن مقيوله بنت كافره مانشره عليها
غُند: والعرب اللي مو متربيه ماتكف لسانها عن الناس واحترمي اهل المكان اللي انتي فيه وحدك عاد الا امي
مزنه: يرضيك ياام عبد المحسن ضيوفك ينهانون ببيتك
الجده: ايه يرضيني لو الضيف ذا ماحشم اهل البيت اللي هو فيه وقل ادبه معنا
ام عابد: والله مالي جلسه هنا بعد ما انهنت قومي يامزنه ولاعاد نرجع ذا المكان وطلعو
غُند: فكهه مابغت
الجده: علامك رجعتي للبيت مو كنتي رايحه لاديم!
غُند: الا بس نويصر طردني عشان خالتهم جت
الجده: اجل اجلسي هنا واذ خلصتي غدا انكبيه وتعالي ولا تتأخرين علينا

~اول بارت وبأذن الله راح نختار يوم ننزل فيه بس بعد مايكون فيه تفاعل~

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّـلَأّةّ)