عدت شهور ولا عدا الشعور

19

~بالمزرعه~
الجده: انتن من بناته وراكم جايات من الصبح
افنان: نحنا ياعمه نشتغل على الضيافه تقديم بالاعراس والمناسبات ومن ذا الكلام انتم طالبينا وعطيتونا الموقع واحنا جينا
جواهر بشك: بس احنا ماطلبنا احد
افنان: الطلب مقدم باسم سعد الجابر للمزرعه هذي وطلب مننا نمسك العزيمه
راشد مسك عصى الجده: يمه سعد هو اللي طالبهم خليه يجي ونتفاهم معه هو وش ذنب بنات الناس تطقينهم وسعد السبب
الجده حطت يدينها على راسها: ياويلي من سعد ذا انجن الولد انجن ماعاد بقى براسه عقل وش مهبب الماخوذ ذا وش اسوي فيه هذا
راشد: لا تسوي فيه شي انتي بس ارتاحي لايرتفع السكر عندك ولف على افنان: وانتي اختي تقدرون تبدون بالشغل
افنان: بعد اذنك وين مكان جلسة الحريم
راشد: روحو من وراء النخل يمين بتلقون الفرشات هناك هذا هو المكان
افنان: يعطيك العافيه اخوي
راشد: يعافيك 
مشت افنان وفريقها معاها
جوري: غريبين الناس ذول ولدهم طالبنا بدون مايدرون
افنان ضحكت: واضح انه مجننهم وان الجده ماتتحمل
رويدا: احمدي ربك ان الولد اللي مع الجده طلع لنا من العدم ولا كان انضربتي
افنان: صراحه تحمست اشوفه احسه كيوت
جوري: لا يرحم امك لاتتحمسين تطقك الجده معهم اعقلي
رويدا: مزرعتهم كبيره وحلوه واختيارهم لليوم موفق شوفو كيف الجو يجنن
افنان: اشتغلي بس نبي ننجز

~المطار~
اخذ نفس عميق وكتمه: كنت اتمنى ارجع هنا بافضل حال
جيك: سيدي ان السياره بانتضارك
حمد: جيك انا ممتن لك بالشكر انت وسعد
جيك: لا داعي للشكر فقد كان واجبي فقط
حمد: وجهتنا التاليه ماذا؟
جيك: لا اعلم قد اخبرني سعد ان نتجه لفندق *** وانا بالطبع لم اتي هنا بحياتي ولا مره هل بامكانك ان تدلنا عليه
حمد: للاسف لا لم اقبل على السعوديه منذ زمن ولا اذكر اسم فندق بهذا الاسم
جيك: لا تقلق سنبحث عن اجره تقودنا له
حمد مسح على وجهه بارتباك يحس  انه خطى خطوه كبيره عليه بالحيل خايف من شعور امه له وخايف من الحياه اللي بعد السجن خايف من نظرات الناس له خايف يتوه بعالم ماهو عالمه خايف يلقى الصد من اهله ويرجع خايب الرجاء
سحبه جيك: هيا فل تصعد
حمد تنهد: بسم لله السلام عليكم
ريان: عليكم السلام وين وجهتكم
حمد: لفندق*** تعرفه؟
ريان: و مين مايعرفه هذا اكبر فندق موجود هنا ومايدخله الا رجال الاعمال
غمض عيونه بقوه: لاحول ولاقوة الابالله من سعد وجنونه كم تكلفت الجناح هناك؟
ريان استغرب: حاجز فيه وماتعرف؟!
ولا شكلك من رجال الاعمال اللي يدفعون ومايهتمون كم المبلغ
حمد: عفوا قصدك رجل بلا اعمال انا ماني من رجال الاعمال انا جاني جناح هديه هناك
ريان: المهم ياطويل العمر والسلامه الجناح هنا تكلفته من تسعه واربعين الف الى ميه الف عاد على حسب الايام اللي انت ماخذ فيه وبعدين قلت لي انك رجل بلا اعمال وانت ماشاء الله معك بوديقارد
حمد: اصدمك؟ انا انسان الحياه كوتني من اعز واقرب الناس طول الثلاثه وعشرين سنه وانا مسجون برا السعوديه بتهمه الشروع بالقتل
ريان بخوف: اعوذ بالله من الشيطان الرجيم
حمد ضحك: لاتخاف طلعت براءه انا ماقتلت احد كل اللي صار اني كنت نايم صحيت لقيت بيدي السكين وخويي طايح قدامي واصوات الشرطه بكل مكان اخذوني وانا مفجوع ربطو يدي واخذوني لزنزانه فيها كل سفاحين ومجرمين لندن الاكل ناخذه بالويل ومضاربات السجناء ماتنتهي وجلد الحراس كل يوم وياويلك تطلب منهم حتى لو ماء اهلي نكروني وتخلو عني لين كبر ولد اختي ودرس قانون وقدر يثبت براءتي واني بريئ من كلامهم وهذا هو المجنون حاجز لي افخم فندق والله يستر من اللي مسويه لي هناك
ريان: واللي وراي وش يبي معك
حمد: ابد خويه وهو اللي كان ماسك القضيه معه والحين ممكن تقولي مين انت؟
ريان: انسان سلبو منه راحته وحياته عشان الفلوس ولاني ماني كفو عشان كذا انا هنا قدامك اشتغل عشان اثبت لعمي اني معي فلوس واقدر اهتم بامي واختي اخذ امي واختي وانا ولد الاثنعش سنه ومن وقتها وانا احاول اثبت نفسي له
حمد: وابوك وينه؟
ريان: ابوي؟ ما اعرف ذي الكلمه من طلعت على الدنيا ذي اصلا حتى عمي اختفى مدري وين ارضه سكت شوي ثم كمل: هذا احنا وصلنا
حمد: كم الحساب؟
ريان: ثلاث ميه وخمسين
حمد: انزل معانا وتغد وريح
ريان: لا
حمد باصرار: والله لاتنزل معانا
ريان: يارجال ليش تحلف
حمد: انزل يلا
نزل: الشكوى لله
حمد: جيك اتصل بسعد اود الحديث معه
جيك: لحسن حظك انه على الخط معي
حمد: شغلي معك ياحيوان اذ شفتك
ضحك: عشان الفندق؟ هذا ارخص شي اسويه لك وسويت لك هوايل ثانيه يمكن تعصب عشانها شاري لك سياره على الساعه خمس تكون موجوده
حمد ابتسم دخل ورمى شنطته على الكنب وجلس بسترخاء: المهم تراي اذ جيت بجيب معي خويي
سعد بصدمه: من وين لك خويي
حمد بسخريه: ابد طقيت البطاقه وطلع لي المهم اني بجيبه معي كذا ولا كذا
سعد تدارك نفسه: اجل افتحو الباب للخياط بياخذ قياسكم عشان يطلع لكم ثياب
حمد: لازم؟ احس اني ناسي كيف البس الثوب
سعد: تتعود تتعود يلا مع السلامه
ريان: احس اني بصدمه بحياتي مافكرت ادخل اماكن اغنياء
حمد ضحك: وانا معك لف على جيك: جيك بما انك واقف افتح الباب للخياط
فتح جيك الباب: مرحبا انت الخياط؟ تفضل للداخل
ضرب جبهته: لايكون سعد يبيني اطلع ثياب للاجنبي هذا لاني بذبحه
رجع يبتسم له: اهلا دخل حس بالراحه يوم شاف حمد وريان: السلام عليكم
حمد، ريان: عليكم السلام
بندر: يلا مين فيكم حمد
طالعه حمد: انا
بندر: اوقف لو سمحت وجرب الثوب هذا سحبه حمد ودخل يديه بالثوب وانحشر: تستهبل علي معطيني مقاس حتى ريان مايلبسه
بندر بورطه: ماعليه فيه مقاسات ثانيه
حمد اخذ الثوب اللي كان بيلبسه ومده: ريان قم جرب هذا
ريان بلعثمه: لا مابي مو انت قلت بس انزل اتغدى معك
حمد: بتتغدى معي وبتروح للعزيمه معي انا وانت نتشارك نفس القدر كلنا منبوذين وعشان كذا بتروح جربه وانت ساكت
ريان: طيب
حمد: شايف جاء على ريان بالتكه عطني واحد ثاني
بندر: اتفضل هذا اكبر شي عندي
حمد: جيك الا تود ان تاخذ
جيك: لا لان شكلي سوف يصبح مضحك للغايه سبق لي وان جربته مع سعد انا حقا لا اريد اعاده التجربه
حمد: من الواضح ان سعد سخر منك
جيك: لم يتوقف عن السخريه وحسب نشر صوري بالجامعه وعلى موقعه الشخصي كان اسبوعا مليئ بالاحراج
حمد: واضح ان سعد مغربله وصابر ولد الناس
بندر: هذا كبك والعطور وباقي المستلزمات
حمد: مشكور ماتقصر
بندر من عند الباب: بس بنبهك على شي قبل اطلع احلق شنبك هذا وشعرك لاتطير عقول الناس تقل طالع من تحت القبر وسكر الباب بقوه
حمد مسح على شواربه: شكلي مثل مايقول؟
ريان هز راسه بخوف: الحقيقه ايه

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)