عدت شهور ولا عدا الشعور

8

~راشد~
سعد: وكذا نكون ضربنا عصفورين بحجر واحد
راشد: متأكد انت إنّا بنفلح فيها
سعد: افكورس ومافيها شك حتى بس يمكن لما نوسع الشغل نحتاج ايدي عامله
راشد: الصك والايصال معك
سعد: افا عليك معي
راشد: اجل على بركة الله
سعد: الكل بدون استثناء بيشتغل
راشد قام: بقوم اشوف امي
سعد اجلسه: اقول اجلس بس خلها تختلي بنفسها كافي انك لاصق بوجهها طول السنه ياخي فك عنها شوي خلها تتنفس
راشد: اجل بناخذ شورك
سعد: يووه نسيت اهم شي
راشد: وش بعد؟
سعد: لازم تكون الورشه معها ورقه توثيق من البلديه واتوقع الورقه ذي مع جدتي
راشد: اييه اجل اغسل يدك عطتك ياها ام عبد المحسن
سعد: وانشهد

~فارس~
فارس: اقول تميم تعرف تسوق
تميم: ايه وعندي رخصه بس ماعندي سياره
فارس: منك لله يافقير بس يلا معليه تعال نروح وناخذ سياره سعد
تميم: طيب ناخذها وين نروح
فارس: اي مكان بس اطلع من القريه ذي
تميم: مو من المستوى لكن باخذك لمكان حلوو بيعجبك
فارس: يلا بس غير بجامتك وتعال انتضرك بالسياره
تميم: لا مرتاح فيها وبعدين يعني طالع منها انت حتى انت لابس بجامه خلنا نطلع كذا ومر خذ ترمس الشاهي خابر لي واحد يسوي شاهي على الجمر احسن من حق غُند
فارس: طيب يلا

~الجده~
الجده: وانا قلت لكم لا
سعد: ليه منها نشتغل ومنها نقضّي وقتنا وبعدين انا متكفل بكل شي بس احتاج الورقه اللي معك
رفعت الجده عصاها: ياولد ماتفهم قلت لا
راشد: طيب ليش مو انتي كنتي تقولين اشتغلو هذا احنا بنشتغل
الجده: شف ان ماقمتم من وجهي لاخلي عصاتي تعلم بظهوركم
سعد: طيب هدي لايرتفع الضغط عندك
الجده: قم عني وقطع كلامها رنين جوال سعد
راشد: ردد وسكته دوخنا
سعد: هذا فارس اكيد بيقول شي سخيف ماراح ارد
راشد: اجل هاته انا ارد عنك...هلا...ايه انا سعد... اخوه...نـــــعـــم وش تــــقــــول...طيب وين...دقايق واحنا عندكم...لا لا لا ماراح نوصل بسرعه...وش عمليته؟...تكفى تصرف طيب ...بعيد مكاني يمكن ساعه واجي ...طيب طيب مشكور ماتقصر وقفل الجوال وطالع سعد: يوم انك معطي اخوك السياره وانت عارف انه مايعرف يسوق ليه مارحت معه ليه تخلي تميم يروح معه تميم بحياته ماحرك السياره ولا لمسها
سعد بقلق: مين اللي بيسوي عمليه؟
راشد تنهد: كلهم بس اتوقع ان فارس اخطر قم يلا سرعه
الجده: خذوني معاكم
سعد: لا يايمه خليك هنا وبعدين احنا نجي
الجده: انت مابي اسمع صوتك وخذني له
راشد: ماعليك منه انا اخذك لهم بس يلا بسرعه البسي عـ بال ما اجيب السياره

~قبل وقت~
فارس: وهو كذا يعني
تميم: ايه للحين مايحب سند وفالح اذ شافهم يقلب على امي
فارس: ايههه اذكــــ وبتر كلمته بصراخ: تـــــمـــــيــــــم انـــتـــبــه
لف تميم السياره بقوه وانكسر الدركسون طالعه فارس بفجعه وصدم بشاحنه بعد وقت تجمعت السيارات عليهم
: لاحول ولاقوة الابالله
: دقو على الاسعاف
: ما اتوقع يلحق عليهم
: يارجال السياره تسرب زيت خلونا نسحبهم ونحاول نطلعهم
: ماراح اخاطر بروحي واساعد احد وراي بيت وعيال