عدت شهور ولا عدا الشعور

5

~غُند~
نزلت من الشجره وراحت للمزرعه من وراء والمكان بدا يظلم وقفت تطالع الغرفه اللي ابوها كان بانيها قبل يموت بشهور هي صح ماتتذكره مره لكن فيه مواقف مستحيل تنساها او تغيب عن بالها

~2004~
نايف: غنوده جاهزه؟
غُند: ايه
نايف: طيب يلا طيري روحي شوفي اديم جاهزه ولا لا واذ بتروح معك امها
طلعت غُند بسعاده تركض اليوم اول يوم لها بالمدرسه
نايف طالع ميشا: على رايك ماغيرته؟
ميشا بعربيه متقنه: انا مابي اروح معها لان انت عارف الناس هناك مو متقبليني وانا ابي بنتي يتقبلونها لكن اذ رحت معها بيبعدون عنها
نايف: وتكسرين بخاطرها!
ميشا: وهذا اللي زاد حيرتي ابي اروح معها عشانها ومابي اروح عشان الناس
نايف: ومين اهم الناس!
ميشا: لا طبعا مايهموني
نايف: من الاخير ميشا بتروحين
ميشا: خلاص بروح عشانك وعشان غُند
جت غُند وهي تركض ووقفت على الباب: بابا يلا اديم وامها جاهزين
ميشا: انتضروني بجي معاكم
غُند بفرح: بتجين معنا؟
ميشا: اكيد

~بعد اسبوع من المدرسه~
جالسين على الارض ويتغدون لمه بسيطه تجمعهم وتقربهم لبعض مهما طال بعدهم
صاحت غُند بضجر: بابا البنات بالمدرسه يقولون لي ليه اللي تجي معك دايم شغاله بابا انا ماحبيتهم خلاص مابي اروح للمدرسه مره ثانيه
صــمــت ونايف وميشا يتبادلون النظرات وهم بحالة دهشه ما توقعو يوصل الوضع لهذي المرحله
جواهر:لا ياغُند لازم تروحين للمدرسه ولا تسمعين لكلامهم واصلا حرام عليهم اللي يقولونه
الجده: بتروحين ولا تسمعين لهم خلك مع اديم وغزيل
غُند: بس انا مابي اروح
سعد: احسن لاتروحين عشان بس انا اللي انجح واخذ الهدية من خالي نايف
نايف بحزم: بتروحين وهذا اخر كلام وخلاص انتهى النقاش كملي اكلك
قامت غُند وهي تضرب  خطواتها بقوه بالارض
سعد: غُند ليش زعلانه هالقد هم صادقين طيب
جواهر: عيب مايصلح انك تتكلم عن امها كذا ترضاها لي؟
سعد: لا واكسر اللي يقوله
جواهر: شفت حتى هي ماراح ترضى على امها وقوم اعتذر لخالك وعمتك يلا

~غُند~
دخلت المجلس وصادفت فارس طالع معصب ويسب
غُند: بسم لله هذا ليه معصب 
سعد: سلمي اول
تقدمت غُند لجواهر وحضنتها
غُند: وحشتيني ياامي
جواهر: حتى انتم بعد وحشتوني
وبعدت عنها وراحت لسعد
غُند: عندي لك شكوى عن نويصر واديموه
سحبها سعد لحضنه واعطى العيال ظهره: عمى يعميكم صدو بسرعه خير تطالعون
تميم: عادي ترا
غُند بهمس: ياخبل فكني لاتحرجني عندهم
سعد بصوت عالي: انا ما اشوف انه شي يحرج اخ حاضن اخته
غُند: سعد بس
سعد ضحك: طيب على راحتك
جود: ماتوقعتها منك ياغُند انك تشتكين على عيالي وانتي طول الوقت معهم ولا بعد عند سعد اللي مايهش ولا ينش
سعد: اجل شكلك للحين تحسبيني مسالم مثل قبل
فالح: لا ياخالتي هذا جني ما اصدق انه نفسه سعد اللي كنا نتجمع عليه وناخذ حلاوه ومايسوي شي لنا
سعد: وقتها لك الله ياسعد بس الحين اختلف وضعي وجيت اليوم انتقم منكم واحد واحد الا اقول وين سند؟
راشد وغُند بوقت واحد: تعبان وطالعو بعض وصدو بسرعه سعد: ايش معنى توي اسمع حسك ياغنيده يوم سالت عنه
غُند: يعع من تفكيرك يامريض