عدت شهور ولا عدا الشعور

14

~بعد ثلاث ايام~
فارس: يمه اصابع رجلي ماحس فيهم
غُند: يارب انك تمزح كيف ماتحس فيهم
فارس: حتى شوفي مقدر احركهم
غُند بلعت ريقها: فارس شكلك انشليت
فارس بصدمه: هاه
غُند: قلت يمكن اصبر نشوف الدكتور وش يقول طالعت الساعه المعلقه بالجدار: باقي ربع ساعه ويصير موعدك ارتاح لاتتوتر يمكن رجلك متخدره لك ثلاث ايام ماتحركت من مكانك
فارس: طيب …ايش اخر اخبار تميم
غُند بحزن: لو تشوف حالته تقول انه ماهو حي امس يوم كنت عنده قام بس كانه دايخ ونكلمه طالع فينا ونام الدكتور يقول احتمال يدخل غيبوبه للان ماقالو عنه شي اكيد  
فارس: يالله ساعديني ابي اشوفه
غُند: اقول اهجد ثقيل تراك
فارس: بس انا ابي اروح لتميم
غُند: تراك كبير لاتزعجني وتقعد تحن فوق راسي قلت لك اجلس يعني اجلس بعد مايشوفك الدكتور بتجي امي جواهر وسعد وتجلس معك امي لان انا خلاص طقت روحي من المستشفى وريحته
فارس: عاد استعدي لاقوى عذاب نفسي بالتاريخ
غُند: لااا لاتذكرني عذاب من كل صوب
فارس: بتستلمك ام عبد المحسن رايح جاي ولاهي فاكتك
غُند: ورا ماتسكت انت وكشتك

~سند~
سند: ايه مالقيته هنا
مشاعل: اكيد ولا قاعد تلعب
سند: انا لو بلقاه بريح نفسي وماله داعي المشاوير ذي كلها
مشاعل: معقوله مستشفى وش كبره وسمعه وشغل ودنيا وحركات ماتلاقي عنده العلاج ذا
سند: ايه وش فيك شاكه بزياده!
مشاعل: ابد تبي الصدق ولا ولد عمه
سند: لا اكيد الصدق
مشاعل: ماني مرتاحه لروحتك ذي
سند ضحك بتسليك: يمه الله يهديك وش الكلام ذا طول عمري وانتي شاكه بطلعاتي
مشاعل: الله يستر من وجهك
سند يغير الموضوع: الا يمه تذكرين خويي سياف الاماراتي جاه توظيف بمستشفى الـ*** صح هو نفسه اللي جبتيني فيه؟
مشاعل: ايه زين انك قلت لي بدق على امه ابارك لها

~تقديم الوقت~
سند: السلام عليكم
سياف: هلا هلا وعليكم السلام وينك غاط فيه يالقاطع
سند: مشاغل ياخوك المهم جهز نفسك يوم بالكثير وانا عندك
سياف: ياي ويايب لي مصيبه وياك
سند: لا لا معليك
سياف: عيل شلي يابك
سند: جابني ياطويل العمر والسلامه شي كايد وابيك تساعدني بواسطاتك يعني بما ان المستشفى اللي انت به ولدت انا فيه ابيك ترجع للملفات ونراجع كم شي سوا
سياف: شنو ياللي تبي تعرفه بالضبط
سند: انت بس ابيك تطلع لي الملف بأقل من اربعه وعشرين ساعه اذ جيت ابي الملف جاهز وانت عاد دبرها
سياف: تتغشمر حضرتك تبيني ادور لك ملف بين ملاين الملفات
سند: ماهي بمشكله  ياسياف دور واذ مالقيت ممكن انك تكلم المدير
سياف: سند افهم الموضوع ماهو بالسهوله هذي توي متوظف تبي تطردني انت
سند: دبر حالك ابيه ضروري

~الجده~
صدت عن غُند: بعدي عني مانتي اردى من امك اللي مخبيه عني واللي كذابه
غُند: يمه ماكذبت هم اللي لفو رجلي وقالو مكسوره
الجده: وانتي ماتونسين بالالم
غُند: الصدق لا ماحسيت فيه ابد
الجده: الله يجزي سند خير لو عليك امدا رجلك مبتوره
ناصر بحلطمه: سبحان الله سند يدايم رجل المهمات الصعبه اللي بس تخص غُند وش يبي ذا
راشد: تكلمني!
ناصر على صوته: ابد سلامتكم بعد ساعه ماشي باذن لله عشان المقابله وادعولي بالتوفيق
جود: ماتقدر تاجلها يامك بعد اسبوع لين يطلع فارس ونشوف وش بيصير على تميم
ناصر: لا والله الرجال الله يجزاه خير اجلها لي مايقارب اسبوع عيب علي والله اني اطلبه مره ثانيه ياجلها اسبوع زياده هذا بعد اذ مامسكني الباب
الجده: الله يوفقك ويرزقك من واسع فضله
ناصر: امين استاذنكم عاد بروح اجهز شنطتي وامشي
جود: خذ اختك تساعدك
ناصر: لا ابد خلها ترتاح اخت ناصر

~بعد يوم-منتصف الليل~
سند: هاه وش صار على الملف
سياف: شدعوه دبرته لك
سند: طلعه خلني امخمخ عليه
سياف خذفه على الطاوله: امسك
طلع سند دفتره و اوراق:ليلنا طويل طلع كرت: هنا كان تاريخ زواج امي وابوي وكان بالديره وبحوش جدتي وطلع ورقه ثانيه: وهنا اول سفره لهم كانت للهند اخذو فيها اسبوعين وبعدها اخذها لروما وماطول فيها ثم بعدها ميلانو جلسو حول عشر ايام بس ورجعو عشان ابوي بيطلع بعثه طلع ظرف بني متوسط الحجم: هذي اول رساله بينهم قبل حتى يتزوجون قصيده وامي ردت عليه بـ لا عاد ترسل ولا علمت عليك ابوك وخاف ابوي من جدي لانه كان اذ ضرب ضرب وهنا كان اول مكتوب بينهم لما سافر و هذي الصوره لما رجع باول اجازه له وهنا صور لطلعاته كلها خلال بعثته وهذي مذكرة ابوي اللي كانت معه من قبل ياخذ امي وبذي الصوره لما امي راحت له وهنا لما عرفو عن حمل امي وكان ابوي باقي له اقل من سنه وبالملف اللي انت جبته موجود كل فحوصاتها كامله كمل عنه سياف: وبتاريخ ١٤١٨/٤/١٨ الساعه ٢:٠٠ اخر الليل صارت معجزه غريبه وولدت مشاعل اربع توأم وكانت حاله نادره وفجعت كل الكادر الطبي لانها كانت تحسب انها حامل بتوام بنت وولد بس انفجعت انهم اربع وباليلتها رجع محمد للسعوديه وشهد ذاك الموقف المهيب كان ياذن باذن كل طفل تجيبه له الممرضه وهو مو مصدق انهم اربع
سند: لا فيه غلط بالموضوع من وين طلع التوام الرابع كلنا ندري ان امي جابت ثلاثه انا وفالح ودينا ماتت من حادث
سياف: غير صحيح الموجود عندي هنا اربعه
سند: فيه حلقه هنا ضايعه
سياف: طيب خلني اكمل بعدها بثلاث ايام رجع محمد وبنفس الليله انقتل من حمد اللي يقال انه كان سكران والعياذ بالله منه مدري محرض عليه 
سند كمل بحماس: وبعدها باربع شهور خطب حاتم امي بحجه انها وصيه ابوي ولو فكرنا فيها شوي حاتم قال وقت الاستجواب ان له اسبوع طالع من الشقه رايح لخوي له بولايه ثانيه وجواد كان رايح يسلم مشروع ماكان فيه غير حمد اللي كان نايم بس ايش اللي يخلي حمد يصحى من النوم و يذبح محمد
سياف: احتمال وارد واحد من الثلاثه كذاب ولكن طاحت براس حمد بما ان المحامي على حسب كلامك قال انه بيطلع براءه
سند: مادخلت عقلي كيف ابوي اعطى وصيته لحاتم وهو كان برا الشقه
سياف: يقولون انه كان راجع وشاف حمد وهو يقتله وصوره بعدها قدم بلاغ عن الجريمه
سند: فيه تلاعب بالوضع
سياف: لو قصدك على حاتم وانك شاك فيه اجل كيف هو مسلم لسلطات المقطع كامل
فرك سند جبهته: اخخ خلاص مقدر افكر اكثر صدعت
سياف اخذ اوراق ووقف وبدا يرتبها قدامه على الجدار: ١٤١٥/٣/٣ تاريخ زواجهم و١٤١٨/٤/١٨ تاريخ جيتكم على الدنيا و١٤١٨/٤/٢١ قُتل محمد على يد حمد وهنا بحط كل الصور والرسايل بمأكن مختلفه وخلف كل صوره ورساله تاريخها وهنا بحط اوراق من مذكرة ابوك
سند: لا لاتقطع من اوراقها خلها باخذها عندي
سياف: فيه اشياء ضايعه عشان تكتمل الحلقه
سند قام: ماقصرت ياذيبان تعبتك معي
سياف: افا عليك بس اخوان احنا

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)