عدت شهور ولا عدا الشعور

17

~الشرقية~
جلس: حياكم الله في بيتكم الثاني
بدر: الله يحييك
ناصر: بشروني عنكم وش مسوين
بدر: ابد الامور كلها على ماتحب
ناصر: وانت يامشعل مستعد للجلسه اليوم؟
وقف: انا كم مره اقول لكم مالكم شغل بحياتي لو اموت
سحب يده: اجلس انت اللي عطيتنا الضوء الاخضر خليناك كل ذي السنين لكن من اليوم وطالع ماعاد لك راي بحياتك بتتعالج بالطيب ولا بالغصب
نفضه عنه: عاجبتني حالتي وذكرياتي اللي انا فيها وبعدين مين قالك اني مريض انا بخير واهلي كلهم بخير
ناصر وقف: لا انت مانت بخير معيش نفسك باوهام اهلك ميتين الله يرحمهم انت تعيش الصدمه الى الان
هز راسه بجنون: لا لا لا اهلي عايشين ماماتو
بدر يهديه: ايه صح عايشين ماعليك من ناصر هو يمزح معك 
ناصر: طيب تعال معي نشوف عناد ينتظرك بالمحل
مشعل ضحك: صدق!
بدر: ايه يلا
مشعل بعجل: اجل وش تنتظرون بسرعه بـ نروح له عشان مايزعل بس هاه محد يعلمه ان حبيبته نجد تزوجت من زمان
ناصر: يلا بس انتظروني بجيب شغله واجيكم

~المزرعة~
غُند: كل من نفسك فارس طفشت منك مغير تسولف الاكل برد
فارس: اصبري اخر سالفه
غُند: راسي صدع بالع راديو انت مسكين تميم هو اللي بلع تقويمه مو انت ولا كان انا بخير
الجده: اعوذ بالله وانتي ماغير تتمنين لاخوك الشر قومي خلي سعد يوصلني بروح لام لافي عندها جمعه اليوم
غُند: يمه سعد مامعه سياره وبعدين يايمه بيصير مثل دايم بيضايقونك وبس
سند ابتسم: ماعليك منها ياجده انا اوصلك لهم
الجده: اجل قومي ياغُند وسوي قهوه باخذها معي
غُند: ابشري
فالح: تبون نطلع نتمشى ونغير جو
سند: محسن من جو المزرعة اهجد بس

~بالبيت المهجور~
دور مكان بعيد عن حس الناس مايبي اي شي يعكر صفو القضيه اللي ماسكها: قضيه بدون شهود!! وماكان فيه اي عقوبه ولا فيه فاعل والجثه مختفيه امممم فيه تلاعب بالوضع الضحيه ماتت قبل تصل المستشفى والمشتبهين كلهم كانو طالعين ماعادا واحد واثبتت برائته بعدين بسبب المنوم في البدايه كان فيه شك انه تعاطى كحول لكن بالتحليل الدقيق طلع جرعه منومه المشكله ان كل المشتبهين رجعو بنفس الوقت  شغل المقطع وكان يتامله: الفيديو كانه مصور من جوال ومقصوص وفيه تعديل عليه مايبيله الا ابو داحم هو اللي بيحله طلع جواله ودق
سند:سلام عليكم
عبدالرحمن: هلا وعليكم السلام
سند: اخبارك
عبدالرحمن: يسرك الحال
سند: ابو داحم اذ ماعليك امر ابيك بخدمه
عبدالرحمن: ابشر بي
سند: صار لي فتره اشتغل على قضية ابوي فيه دليل لكن انا احس ان الدليل وهمي وفيه فوتشوب ابي ارسل لك الفيديو وتطلعلي المقطع بالاصل واذ هو معدل ولا لا اخبرك جني بالاشياء ذي
عبدالرحمن: افا عليك بس ان كانك تبي اطلع لك الفيديو من جذوره لازم الكاميرا اللي كانت مصوره فيها
سند: والله ماهي عندي حاليا تنفع الذاكره بس
عبدالرحمن: ايه تنفع وينك فيه بجيك عشان اطلعه لك
سند: ببيت حمدان بس لحد يشوفك وانت داخل
عبدالرحمن بصدمه: بسم الله الرحمن الرحيم ليش رايح هناك وانت عارف البيت وش فيه ووش سالفته معليش مابي اجيك هنا بجيك ببيت خالتك
سند: اجل تعال بالمزرعه منها نتعلل هناك وتشوف شغلك