عدت شهور ولا عدا الشعور

35

~يوم الثلاثاء~
ناصر بالسياره دق على بدر: انزلو يلا انا تحت
ثواني ونزلو العيال ومعهم علب الماء
ناصر حذف جواله على بدر: شف وين بيت الشيخ
مشعل: وينك اليوم مختفي ماشفناك
ناصر بهدو: كنت بالشركه اخلص اشغال الاسبوع اللي فات
بدر بتركيز: ناصر لف يمين ونلقى بيته عنده شجره كبيره وهو واقف على الباب
ناصر ابتسم: الله يجزاه خير يوم كلمته قال بيقرا علينا بدون فلوس
مشعل بحماس: ناصر عادي ناجله بعدين شفت فيه مكان جديد وابي اروح له
ناصر باختصار: لا
بدر دفه: خير وش النفسيه ذي قلنا راح لأهله يغير جو وتجدد نفسيته مب يصير منفس
تنهد: خليها على الله  بس
مشعل بكلام سريع: عادي عادي تكلم وفضفض بترتاح
رفع حواجبه: الله اكبر اتجهنا للفضفضه عقب ماكنا نرفض نتكلم!
مشعل ضحك: ايه وش على بالك
بدر لف عليه:  طيب الله يحفظك لا تتكلم بسرعه انلحس مخي وانا افكك الحروف
ناصر عقد حواجبه:بدر يا فاهي الحي اللي دخلناه كل بيوتهم عندها اشجار وين نروح تاكد
بدر رفع نظره للطريق ورجع يناظر بالجوال: خذ السيد هذا ومع اول تقاطع لف يسار ثم سيده ونلقاه
ناصر: طيب وراك ماقلت لي كذا
بدر: فهيت بجوالك شوي
ناصر بتهديد: ياويلك يا بدير لو تفر بجوالي
بدر: قدني لفيت بالملاحظات و الصور
قاطعهم مشعل اللي شرق فجاه وبدا يكح بقوه ووجهه مال للون البنفسجي
وقف ناصر بنص الطريق بدون اهتمام للسيارات اللي صدمت فيه نزلو راعين السيارات وتجمعو على شباك ناصر يضربونه فتح الباب بسرعه وفتح باب مشعل وسحبه
بدر صرخ عليهم: وحد منكم يطلب الاسعاف ونجم
بعدو الرجال شوي عن مشعل تقديرا لوضعه
جاء يركض ويبعد الناس عن طريقه ومعه شنطة الاسعافات الاوليه جلس جنب ناصر وسحب مشعل منه وبسرعه بديهه بدا يسال ناصر و بدر: المريض عنده امراض رئه؟ ربو او غيرها؟
بدر: معه خدش بالرئه اليسرى بس خفيف
عقد حواجبه وطلع اسطوانة اكسجين: الشرقات تجيه دايم؟ ولا اول مره
ناصر: اول مره
بدر: مب اول مره بس مايصير معه كذا
ماجد: اول مره اشوف واحد فيه شرقه ويغمى عليه
ماعليكم هو الحين بخير لكن انقلوه الى اقرب مستشفى عشان تتطمنون عليه اكثر وتعرفون وش فيه بالضبط
ناصر سلم عليه: الله يجزاك خير و الحمدلله اللي ارسلك لنا تساعدنا
ماجد: ولو واجبي كـ دكتور وممرض خاص ومن حظكم اني طالع لبيت قريب من هنا ولا كان ماقدرنا ننقذه
بدر انحنى له ورفع معصمه وشهق: قلبه متوقف

~حمد~
لف على غُند: امي وش فيها ماغير تدخل وتطلع
غُند: بتروح لمنيره وبعدها المزرعه
حمد: وكل هالصراخ والعصبيه ليه؟
غُند تنهدت: مدري من امس وهي كذا ويوم كلمناها انا وفارس جلدتنا وحتى عمي سلطان ماسلم والحين تبينا نروح معها لمنيره الخسيسه
حمد: وراه؟ روحي معها وتعالي نطلع كلنا للمزرعه الجو اليوم حلو
غُند: ايه بس انا مابي اروح
حمد: غُند تستهبلين؟ انتي كل الديره معاديتهم؟ ماصارت حياه ذي
غُند قامت: ايه معاديتهم ولا اطيقهم ناس مايجيبون لك الا المرض ويحبون القيل والقال ويدورون الفضايح وكل واحد يبهرها من عنده الله ياخذ الديره ذي باللي فيها
حمد: هيه بنت وين رايحه خلاص ماراح تروحين
فارس جلس عنده: خلاص لا تحاول معها الحين بتشوفها لابسه عبايتها وطالعه غصب وترجع المغرب تتحلطم حفظتها انا خلاص
ثواني وطلعت غُند وهي تعدل نقابها بنرفزه

~عهد الاحبه~
دخل محمد بسرعه وهو يفتح باب المجالس وينادي ابوه
اشواق طلعت من المطبخ: محمد يامصروع اقصر حسك اهل عايض عندنا
ابتسم بقوه: تقولينها صادقه؟
اشواق دخلت المطبخ ولحقها محمد: ايه والله عندنا
محمد: اقول شواقه ضبطيني معاها ابي اشوفها لو من بعيد
طيرت عيونها: لا مافيه
محمد: هذا وانا جاي وحاسب لك الف حساب وكنت ابيك اول وحده تاخذ فره بسيارتي الجديده بس شكلي كنسلت 
مسكت يده: لا محمد خلاص بضبطك معاها بس خلك هنا ثواني
دخلت تركض تنادي مشاعل اللي ما عارضت بالعكس راحت لمحمد وهي اصلا مشتاقه له
محمد: يامرحبا باللي لعبت بقلبي
مشاعل: انا لعبت بقلبك! ظلمتني حرام عليك
محمد:ياشيخه انتي سرقتيه ولعبتي فيه بس حلالك… مالك بالطويله انا شريت سياره جديده وحلفت اول من يركبها انتي واشواق عشان كذا تجهزي مثل موعدنا دايم

~المكتب~
عبد العزيز: بيتم استجواب حاتم عن قضيه غسيل الأموال اول واخر شي بيتم استجوابه عن قضيه ابوك
سند: ليه اخر وحده قضيه ابوي !
رفع كتوفه بعدم معرفه: والله مدري بس يمكن تتغير الخطه فجاه جهز حالك
سند: الملفات كلها جاهزه والاقوال الجديده موجوده
عبد العزيز: المشكله اني باخذ اجازه قريب ولا ابي ذي القضيه تفوتني
رجع ظهره على الكرسي: وانا ودي اخذ اجازه من حياتي كامله
عبد العزيز بسرعه: استغفر ربك تراه يعتبر اعتراض على الاقدار
مسح على وجهه: استغفر الله بس وش اسوي تعبت ولا عاد فيني طاقه اكمل كل شي يضغطني امي بجهه واخواني بجهه والقضيه ذي بجهه ومشاعري الفتره ذي ضاربه ماعادني سند اللي تعرفوني
غمز: لا يكون تحب نعرف الحركات ذي ترا
سند برفض: لا الموضوع اكبر من انه حب انا مدري وش فيني ومتاكد انه مب حب اللي احس فيه
عبد العزيز: علينا اعترف بس مين ذي اللي لعبت فيك
حذفه بالقلم: ماهو حب افهم

~المستشفى ــ الشرقية~
بدر بتوتر: ماتحس انهم طولو علينا
طالع جواله بقلق: الا صار لنا اكثر من ثلاث ساعات 
بدر قام: بروح ادور الدكتور او اي احد اساله عن حاله
انفتح الباب وطلع الدكتور
ناصر فز: بشرنا يادكتور عن مشعل
الدكتور تنهد: والله مدري كيف اقولها لكم لكن المريض اللي داخل حالته غريبه ومايشكو من شي ابد حتى شيكنا على حلقه والغدد واموره بالسليم بنتركه عندنا اربع وعشرين ساعه ونشوف الفحوصات الباقيه ونحكم يطلع ولا يبقى
بدر: هو احيانا اذ كان نايم يشرق وينعسر عنه التنفس وبعدها يفك
الدكتور: طيب احنا شيكنا عليه بالكامل مافيه شي بنسوي اخر التحاليل بكره ونحكم عن اذنكم عندي مريض الحين
تنهد مشعل وجلس على الارض بحسره: قلت لك يابدر اللي في مشعل اكبر من انه تعب نفسي واللي صار اليوم اكد لي شكوكي
بدر: طيب وش الحل يوم بغينا نوديه كان بيموت  
انا مب مستعد اجرب مره ثانيه نفس الشعور واعيش بقلق
قام يمشى للغرفه: يهونها الله يهونها الله

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)
البارت هذا اهداء لاكثر انسانه تعبتها معي لانجازها الكبير جعلها الله من حفظت كتابه الكريم
لا تنسو النجمه والكومنت الحلو…