عدت شهور ولا عدا الشعور

32

~عصر يوم جديد ــ لمت اخوه~
سلطان: ابي افهم شي واحد بس مين اللي قدر يقنع جواهر تدخل البيت
جواهر: والله اني بالعافيه قدرت ادخله وفي كل حين اتذكر جثة نايف وهي مرميه على الارض وكيف هم عذبوه ولا اقدر اتحمل وانهارت تبكي
حضنها حمد على جنب: يرضيك كذا ذكرتها واحنا اللي حاولنا نطلعها من ذا الحزن … خلاص ياجواهر هو راح للي ارحم منا ادري انه صعب عليك لكن تراك قطعتي شوط كبير تحملي على نفسك ولا تعذبينه وهو بقبره
سلطان: ماقصدت افتح جروحك كان مجرد سؤال
حمد: لا عاد تسال
جواهر مسحت دموعها: ياحبيبي ياحمد جعلني ما انحرم منك
سلطان طير عيونه : خير وانا
جواهر: انت عندك جود رح لها
عم الصمت ثواني وطاحت عينه بعين حمد وصد بقهر
جواهر: ناقصنا بس عبد المحسن والله انه واحشني حيل
سلطان: المشكله اني كم مره ادق عليه واقول له يجي وكل مره يقول بعدين
جواهر بتردد: اصدمك؟ عبد المحسن مريض وصار له كم سنه يتعالج وان شاء لله باقي له كم مرحله ويتعالج
سلطان بصدمه: لا حول ولاقوة الا بالله وراه ماقالنا كان نساعده اقلها بالتكاليف او حتى يكون عندنا خبر ونشمله بدعائنا
جواهر: ما حب انه يقول لكم ويشوف نظرت الشفقة بعيونكم حتى انا عرفت صدفه
حمد: كيف عرفتي؟
جواهر: طلعت مره مع جارتي السودانيه ولما رجعت…

~لندن ــ قبل ثلاث سنوات~
جواهر قبل تدخل:لا تنسين ياسماح طلعتنا بكره
سماح: اكيد ما بنسى
دخلت جواهر وهي تكره بيتها بذا الوقت يكون فاضي عليها فارس يكون بالمدرسه وسعد بالجامعه وجابر بشغله سمعت صوت بالغرفه عقدت حواجبها: مين هنا بذا الوقت دخلت المطبخ بسرعه واخذت اقرب عصا وفتحت باب الغرفه بقوه طاحت منها العصا بصدمه وتقدمت لجابر برعب: جابر وش فيك تبكي احد من اهلي مات؟! امي صار لها شي
هزته بقوه: تكلم عمتي صار لها شي ولا عيالي تكلم
جابر دفن راسه بحضنها و من بين شهقاته : لا محد مات بس عبد المحسن طلع فيه سرطان وله سنتين يتعالج ولا قالي نسبه حياته قليله وانا خايف يموت له فتره كل ما اقول له تعال لبيتنا يرفض ويتحجج واليوم ادري انه مريض سرطان وعنده عمليه عشان يستاصلون الورم من راسه  ونسبه العمليه ضعيف
جواهر قامت بسرعه: وش تنتظر قم نروح له
جابر: ماباقي شي على رجعت العيال جهزي اغراضنا وانا بجيبهم
جواهر: الله يستر بس
راحو له ونجحت عملية عبد المحسن لكن الصدمه انه بعد سنتين رجع له الورم ورجع يتعالج كيماويّ وجابر حلف مايرجع للسعوديه الا مع عبد المحسن وعياله يمكن بعد اربع شهور يجون ويتعافى عبد المحسن
حمد: اذ بخاف بخاف من جواهر وعيالها  عندهم اسرار وتهور مايعلم فيه الا الله والدليل سعد جابني اول ماطلعت بدون محد يدري
سلطان: لا والله احنا فينا غباء محد فكر يسال وينه جابر
رفعت جوالها: الطيب عند طاريه
وقامت من عندهم تكلمه
ساد الصمت بينهم بدقايق وقطعه سلطان بسواله: عادك تحبها؟
عقد حجاجه: مين هي؟
سلطان: تفكر فيها اذ سهيت؟
حمد: سلطان بلا الغاز مين هي؟
سلطان بسخريه: جود يعني مين هي
حمد بصدمه: لا يكون معطل حياتك عشان سالفه قديمه
سلطان بقهر: ماهي قديمه انا كل ما اشوف الجود اتذكرها انا مقدر اتحمل اكثر من كذا
حمد بهدو: والله اني ماحبيتها وبعمري ماحبيتها ممكن مجرد اعجاب وانتهى  بمجرد تغافلي عنها وطوال الخمسه وعشرين سنه مافكرت فيها ونسيت اساسا اني كنت معجب لها فقط لا غير
شد شعره: تدري من لحظه مادريت ماطالعت بوجهها الا مرات تنعد على الاصابع واتهرب من البيت انا عرفت صدفه من كلامك للعيال باليلة زواجنا واخخخخ يالقهر وقتها بغيت اذبحها واللحين بذبح نفسي حملتها هم سنين ماهو بيدها
ربت على كتفه: قم وانا اخوك واعتذر منها وراضها ووضح لها سبب صدك عنها طول هالسنين الحين يمكن انها راحت مع امي لوحده من العجز رح انتضرها بالبيت لين تجي
سلطان:ماعمرها شكتني لاهلها ولا حتى لامي او لعيالها من سوء معاملتي وخلتم يحبوني وتتقرب مني كل ماجيت وانا بكل برود اصدها
حمد:ما يخالف قم اعتذر لها وصير ذرب وسفرها لبرا السعوديه…من تزوجتو سافرتم؟
سلطان بستهزاء:ماسفرتها الا مرتين وكرهتها بام ام السفر نكد زعل صراخ وكانت بوصل لضرب لكن ربك ستر  
حمد:تيسر لها يلا الله لنا وبعدين اول مره اشوف واحد يراضي العصر
سلطان قام: مافيني انتضر

~مكالمة~
ناصر: وكيف مشعل عسى مافصل عليك
بدر: مشعل؟ ههاي هذا جزات اللي يعطينا بلوك قدنا لفينا الشرقيه كامله وماسكين خط للبحرين
عدل جلسته: ابن سلطان بدوني ياكلاب بدوني وانا اللي هنا شايل همك من مشعل لا يفصل عليك طلعتو تلعبون علي وانا اشوف سعد ذاك اليوم يسولف لي عن سنابتكم واحسب مهلوس من الحراره واسلك له
بدر:مايسوى عاد ترا كلها طلعنا بدونك
ناصر:بلاي غبي مارجعتكم معي يوم جيت اربع ايام بالكثير واجيكم
بدر:لاجيت رد للشرقيه مب صوبنا
ناصر:بعدين غريبه مشعلوه تحرك من سريره
بدر:ياشيخ احنا قدنا فتحنا قناه باليوتيوب وحساب بالتيك من جنونه ولا بعد فيديوهاتنا صارت ترند بثلاث ايام بس
ناصر:قفل قفل وارسل لي حسابكم بوريه جدتي متلهفه على مشعل ولا هو وينه خليه يدق فيديو
بدر غطى مشعل طفى النور: نايم المسكين ولا ودي ازعجه الايام اللي راحت ماينام الا اربع ساعات او خمس
ناصر: تصدق امس وانا افكر فيه اكتشفت اننا ولا مره فكرنا نوديه لشيخ يقراء عليه يمكن انهم طاحت سيارتهم على مكان جن والضحيه مشعل
بدر: امسح الفكره ذي من بالك نجرب الطب مانفع معه احنا نقراء عليه ونشوف
ناصر: بأمان الله ولا تتهاونون بالصلاه
بدر بهمس: بأمان الكريم
مسك راسه: لا حول ولا قوة الا بالله الله يفرجها

~على العشاء~
الجده قبضته: تجلس على النعمه تحترمها مب تمسك الماخوذ ذا
فرك يده بالم: عوذ بالله ما اقوى قبضتك
الجده: حتى على قبضتي تحسدني
ناصر: لا يا يمه ما احسدك لكن هاك جوالي بوريك شي لك يومين تبين تشوفينه
الجده: يابري حالي ذا مشعل؟ نحفان شكلك مجوعه خله ياكل
ناصر: لا والله ان فلوسي ماتروح الا بالمطاعم عليه وماياكل وناكله احنا
الجده: اجل بخلي غُند تعلمك تسوي له اكله اللي يحبها وماياكلها الا من غُند
ناصر بهمس: حتى بمشعل غُند بعد وش ذي الحياه الصعبه
 سعد: يمه ترا غُند بتكمل دراستها بالرياض  وماتبي الا معاك تجين نترك الديره؟
الجده: لا والله بجلس هنا ولا لي طلعه للرياض عقب المرحوم
ناصر: ماشاء الله وش تخصصها؟
سعد: والله ماندري للان لكن قدمت لها على طب وتصميم وان شاءلله يقبلونها طب يعني تكمل حلم خالي حمد
حمد: لا يبن الحلال فكنا منه ما ودي يصير لها شي وتتعب نفسيتها صعب عليها وهي حساسه
ناصر: لانك ماتعرفها صح طول طفولتنا مابكت الا يمكن ست مرات
رفع حواجبه: ماشاء الله حاسبها
فارس: لانه ينتظرها تبكي عشان يحضنها لكن ماكنت اقصر معه اعطيه عضه تخليه يتحلم بالعضه يومين

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)
لا تنسون النجمه والكومنت الحلو …