عدت شهور ولا عدا الشعور

15

~فالح~
أجواء المزرعه صارت تخنقه بدون توامه بحياتهم ماتفرقو اكثر من يوم طلع يتمشى بالديره ويسترجع ذكرياته القديمه فيها كانو يجون للديره بالخفى واذ عرف زوج امهم يخليهم ينامون بالحوش ومايدخلهم الا لما امهم تذل نفسها عنده حس بقهر فضيع على حالهم ذيك الايام سمع واحد يناديه من بعيد
بدر: فالححح
لف فالح له: هلا بدر وش بغيت
بدر لف لمشعل: نتسابق لين عند فالح واللي يخسر كـ
ماكمل كلامه لان مشعل راح يركض قبله
بدر: لا كذا غش مايعتبر
فالح حط يديه على راسه: يافضحي فضحاه كبار ماتشوفون العرب كيف تتطلع علينا ذلحين
مشعل يحاول ينظم نفسه: مالي شغل الطلعه عليك يابدر
فالح: على وين
مشعل بسرعه: بدر عازمني وعازمك لحالنا طالعين كشته
فالح: وش دراك ان الخاطر كان مكشات لحالي
بدر: افا وراه لحالك
فالح: العضيد ماهو حولي والخلق ضايق يبي له كشته معتبر اسامر فيها النجوم والقمر
مشعل: عاد من حظك اليوم اربع طعش مافيه نجوم
بدر: ابد علي الطلعه ولك مني ترجع وانت مروق 

~جواهر~
دخلت بسرعه وصرخت: جينا وجبنا معانا مفاجأة
دخل سعد يدف كرسي فارس
الجده: ياهلا بولدي حمدالله على السلامة
فارس طالع سعد واشر على الجده: الدكتور قال لاتخلوني اشوفها خلها تروح
الجده: تعقب ببيتي وتقول كذا
فارس: امزح امزح ياجده لاتشدينها
جود: الحمدلله على السلامه
فارس: الله يسلمك
غُند: هاه وش صار على رجلك
فارس: الحمدلله مافيها شي بس كانت متخدره
جواهر: وش انتي قايله له من دخلت عنده وهو عقله طاير
غُند: هو قال مايحس برجله قلت يمكن شلل
الجده: اعوذ بالله فالك ماقبلناه
راشد: ليش امي مارجعت معكم
سعد: سند قال فيه علاج مدري جهاز لازم يجيبه لتميم وراح لرياض من قبل امس بالليل وهو ماشي جاء للمزرعه واخذ اغراض وكلم امك وراح 

~بالبر~
مشعل: الجو يفتح النفس
انسدح فالح يطالع السماء: مره
بدر: ايه عطنا اخر الاخبار
فالح: ابد ماش جديد غير ان فيه شي سند يدور حوله ولا اني داري وشهو
بدر: شفته يوم كنت بالمستشفى جالس على الارض وحوله اوراق كثيره ويكتب ويمزع ورق
مشعل: والله غريب الانسان ذا
بدر: صح زين اني تذكرت ناصر حجز لك موعد بالمستشفى موعدك بعد يومين جالسه وحده كل اسبوع مافيه مجال للرفض لان المسكين دافع دم قلبه عشان يعالجك ويساعدك
مشعل بنرفزه: قايل لكم مابي اتعالج لو اني افهم حمار فهم
فالح: جزاته يبيك تصير طبيعي
مشعل: انا مابي اتعالج من الحاله ذي لانها الشي الوحيد اللي بقيت اتذكره من اهلي
بدر: قم استخير وعطنا رايك قم يلا
قام مشعل: بس هاه اذ ما ارتحت خلوني بكيفي
بدر بتسليك: ايهه الكلام ذا قله لناصر عشان ينتفك
فالح وهو مثبت عيونه على مشعل اللي كبر يستخير: مشعل عاش شي لو عاشه واحد منا يمكن مات من حسرته بنفس الدقيقة لكنه تحمل وصبر صح ان ماعندي اب لكن امي وخالي تركي ماخلوني اعيش الشعور ولا لحضه كل شي كانو يسونه لي هو حتى عم زي الناس ماعنده ومن يوم ماتو اهله ماراح لخواله ولا اتوقع بيستقبلونه بالاحضان بعد غيبته المده ذي كلها
بدر: اصلا ماخذه ماخذه الله لايعوق بشر حتى لو يحدني استخدم اساليب ماتنفع
فالح: لا نتكلم معه من ناحيه عقلانيه اما اساليب الحيوانات تخدره وتاخذه ماهي طريقه اصلا هو اذ صحى اكيد بيزعل
بدر: والطريقه؟
فالح: هداوه واسلوب تضبط
بدر: نشوف يابو اسلوب انت
جلس بينهم بعد ماخلص صلاه
فالح: هاه وش حسيت
مشعل تنهد: استخرت وارتحت
بدر نط بوجهه: ينصر دينك ياشيخ
مشعل: ولد اهجد ترا اللي بيتعالج انا مو انت
فالح بنذاله: لو تدري بس وش كان بيسوي فيك بدر كان بيـ
قاطعه بدر بوهقه: ذا كذاب محد يصدقه
مشعل: كنت بتسوي فيني نفس قبل صح
بدر: هاه
مشعل: كنت بتسويها صح
بدر توتر: لا بس فالح يحب يكهرب الجو شوي وبعدين مين يبي يرجع ذيك السنتين اللي بالزور رضيت عنا

~المقابله~
جلس ناصر على الكرسي بتوتر
سلطان: ناصر بن سلطان الـ*** درست ادارة اعمال وجاي اليوم تقدم بشركتي لكن يا استاذ ناصر انا احس انك قد مريت علي مب غريب علي
شحب وجه ناصر: هاه ايه ذا شسمه كنت تسكن عندنا هناك بالديره ام جلاجل
ضحك سلطان: ايه ذكرتك ماشاء الله جاي تتوظف عندي مع ان ماضيي معك ماهو بزين لكن اعتبر من الحين انك مدير اعمالي لان صار لي فتره طويله ادور واحد ثقه
ناصر بذهول: مو كأن المنصب كبير علي يعني زي ما انت عارف
قاطعه سلطان: لا كبير ولا شي بالعكس احسه مناسبك لكن ابيك تكون قد ثقتي فيك ولا تخيب ظني وبالنسبه للدوام تقدر من بكرا تباشر شغلك خل حمزه يعرفك على الشركه واطباع الشغل هنا

~سياف~
هزه: سند يلا نش
سند حط يده على عيونه: كم الساعه
سياف: ما باقي على صلاة العصر شي
فز سند: كل ذا الوقت نايم ولا صحيتني وراي شغل ماخلصته اففف منك
سياف: انا شكو صحيتك بس انت اللي ماصحيت
سند سكر باب الحمام: بس خلاص ياكثر بربرتك
سياف: ترا الملف رجعته المستشفى كان مسموح لي يوم واحد طبعته وحطيته على الجدار هناك
سند بصوت عالي: رد على جوالي وخل منك منفعه مو تسمعه وتطنش
سياف: هلا رشود
راشد: امم سياف؟!
سياف: ايه علامكم ناسيني
راشد: لا حشى مانسيناك وينه سند
سياف: توه ينش
راشد: لا ياسياف خربت اخوي على طول
سياف: اخوك يحسب اني امك اتحمله هو ونومه الثقيل
راشد: هو لقى الجهاز اللي كان رايح عشانه؟
سياف: هاه اصلا هو ماجاء الا بالليل وسحبها نومه لين الحين
راشد: قله يستعجل لان تميم كل ماله يتعب زياده ولا ادري ايش نهاية حالته
عقد حواجبه: تميم فيه شي؟
راشد قام بعد ما صار كل الانظار عليه: صار عليه هو وفارس حادث وانكسر خشمه وبلع تقويمه وحالته ماتطمن لكن فارس ماعليه بس كسور ورضات
سياف: بطلب لكم دكتور مختص يشوف حالتهم ويفحصهم من جديد
راشد: والله تسوي خير لان تميم صك اسبوع وشوي ماصحى والدكتور اللي هنا قال اذ كمل اسبوعين يمكن غيبوبه
سياف: طيب ارسل لي التقرير حقه وانا بدور له واحد ثقه
راشد: استعجل اخاف يروح منا
قفل سياف الجوال والتفت لسند: اخوك بالمستشفى ياعديم الاحساس ومسوي حادث وانت هنا تفتح اشياء قديمه مالها معنى والقانون مقفلها ولا بعد تكذب على اهلك انك جاي تجيب له جهاز كذبتك باينه ياغبي وش المستشفى ذا اللي مافيه اجهزه
سند: اللي بيد ربي بيصير انا مابيدي شي قدر ومكتوب له ان عاش الله يطول بعمره وان مات الله يرحمه ويغفر له
سياف صفق نفسه: لا مستحيل انت ادمي وتحس اخوك ترا من لحمك ودمك اصغر اخ لك والله لو انه شخص ماتعرفه ماتقول عنه كذا
سند: اذ خلصت كلامك الحقني تحت انتضرك

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)