عدت شهور ولا عدا الشعور

11

~مشاعل~
شهقت من حالة تميم الاسلاك منتشره بالمكان ومغطيه صدره العاري وصوت مخطط القلب مالي المكان
سند ثبتها قبل تطيح: يمه الحمدلله انه بخير
مشاعل بكت بحرقه: انت ماتشوف حاله كيف
سند زفر بقوه: الا ماهي الا كم يوم ويرجع لك تميم المجنون ويجننك معه وترجعين تهاوشينه مثل كل يوم ويسمع لك الاسطوانه قبل تقولينها
مشاعل: راضيه بس خله يرجع لي ماراح ارده عن شي
سند: اجل قولي له تراه يسمعك بس مو قادر يتكلم لان حلقه تجرح من التقويم لما بلعه
تحسست بيدها راس تميم
همست بهدوء: يلا ياحبيب امك ماتبي تصحى وتملئ المكان بحسك؟ اصحى عشان نرجع للبيت انا خلاص صدقت كلام ابوك ام جلاجل ماتجيب الا المصايب ماعاد نرجع للمكان هذا

~جواهر~
مشت ضايعه بالاسياب وعينها تدور غرفه فارس شافت امها جالسه وماعندها احد اسرعت لها وحضنتها بقوه من خوفها
الجده: بسم لله ترا فارس اللي صار له حادث مو انا
جواهر: بس ناصر قال انتي معهم خفت اني اخسرك بعد ماقررت اني اجلس عندك للابد ولا عاد ارجع للندن
تهلل وجه الجده بفرح: تقولينه صادقه ماعاد لك روحه لديار الغرب
جواهر: ايه خلاص النفس طابت منهم
الجده: اكيد انه سعيدان اللي مكذب وذابحني قبل يومي وين يروح من عصاتي بس ادخلي لولدك وشوفيه تراه متوجعً قوه
جواهر: تميم ولد مشاعل وش صار له؟
الجده: يوه اثرني نسيت اروح اشوفه هاك جوالي دقي على احد يوديني له
جواهر:وفارس ليه ماصحى
الجده:كان صاحي مير ان عصاتي هجدته مره ثانيه
جواهر: يمه لايكون ضربتيه
الجده:ضربته ضربه ماهي كايده بس ديار الغرب خلته دلوع

~غُند~
صدت: مالي دخل قلت لك برافق معه يعني برافق معه
شد شعره بعصبيه: ماتفهمين فارس يبي له واحد متعافي يقدر عليه ماراح تقدرين عليه وانتي برجل وحده وضعيفه
غُند: لا اقدر عليه
سعد: لا تجنينيني وتطلعيني من طوري انا بالعافيه بالع راشد من الصبح والحين انتي
غُند: بجلس عنده وماعلي منك
قام: بكيفك مالي دخل فيك لاتدقين بعدين تبين ترجعين لاني من الحين اقول لك بقفل جوالي ولا راح ارد
غُند: يكون احسن

~ناصر~
ناصر: واللي كان يسوق مين؟
مشعل: تميم
بدر: عقلي وقف يوم شفت سيارة سعد كان له ساعتين او اكثر طالع من عندي
ناصر: والناس متجمهرين محد فكر يساعد؟
بدر: هي وقفت على الناس بس حتى الخبل ذا جته الحاله بغى يذبحنا
مشعل:وانا ايش يدريني انه سعد وبعدين حتى لو انه سعد او غيره ماراح اتدخل واساعد
ناصر: الله يلوم اللي يلومك وبدر ماقصده يعيب على حالتك بس حاول تتعالج
مشعل: مابي انا تعقدت زياده اليوم ولا راح افكر اني اتعالج
ناصر: انا بكون معك بس انت فك نفسك من هالعقده ولو شوي
مشعل: يوووه قلت لك مابي
ناصر: لاقي شي بالارض عشان وانت تتكلم تطالع فيها
مشعل: الدم اللي على ملابس بدر مسبب لي دوخه
قام بدر بسرعه: اسف والله اسف نسيت بروح ابدل واجيب لك ملابس عشان تبدل حتى انت عليك دم
مشعل بصوت مهزوز: ليش علمتني ماكنت داري عنه
تقدم ناصر بعصبيه ورفع راس مشعل: انت تحتاج انك تتعالج هذي ماهي حاله انت مريض استوعب يعني ايش مريض اذ انت ماتبي تعالج نفسك انا بسعى لعلاجك بلحق عليك قبل تهلك نفسك وتتفاقم حالتك وقتها بتحتاج علاج سريري اسمع كلامي وخلنا نروح انا وانت جلستين كل شهر واذ ما ارتحت بتركك بكيفك
ماقدر يكمل كلامه بسبب اغماء مشعل اللي كان يضغط على نفسه من البدايه رفعه ناصر وطالعه بوهقه: كان لازم اضغط عليك انا اسف جلسه على كراسي الانتضار وراح يدور ممرض ينقله للغرفه

~راشد~
راشد: هذي المره الرابعه ومارد
فالح: دق مره ثانيه
سند: لا انا بدق عليه من جوالي
مشاعل: مو لازم اذ رجعنا نعلمه
سند: لا صعبه ولده طايح بالمستشفى وهو اخر من يعلم هذا هو رد: الوه …مابي منك شي بس بقول لك ان تميم صار له حادث اليوم الصبح …لا الحمدلله بخير… مقدر اخليه يكلمك نايم…لا اخوي ماراح يجي لمستشفاك ولا راح يحتاجك …اقول توكل بس مانبي نشوفك وبالاخص امي وقفل
مشاعل: ليش قلت كذا واحنا بعد اسبوع راجعين ترا كذا يخلينا مثل قبل برا البيت
سند: قبل كان يقدر الحين اتحداه  ورجعه ماراح نرجع لين اخلص من شي ببالي بتشكريني كثير عليه
فالح: يمه تبين ترجعين تنذلين كل يوم منه ترا احنا ساكتين كله عشانك ننتضر اشاره منك عشان نذبحه
مشاعل: بس انا مابي اجلس بالمكان ذا هنا كله مشاكل
راشد: استغفرالله ايش التشاؤم هذا يامي بس عشان تميم صار له حادث هذا كله ربي كاتبه لنا  
سند قام: ماراح نطلع من هنا لما تخلص الاجازه ويلا ياراشد وفالح خذو امي وروحو للمزرعه جلستكم هنا ماتفيد بشي انا بكون مع تميم
مشاعل: المفروض اني انا اللي اقرر لاني امك مو انت
سند جلس وابتسم: لكن المره ذي غير حبيت اكسر ذي القاعده واقرر انا لمصلحة الجميع
مشاعل: طيب علمنا ايش وراك باين بعيونك كلام كثير
سند شتت نظره: ماوراي الا كل خير ان شاء الله
راشد قام: واضح يلا يمه خلينا نروح
سند: راشد عطني مفتاح سيارتك ارجع معهم بالجمس
راشد: امسك بس هاه انتبه عليها لايجيها حتى الخدش
سند دفه: والله لو انها تميم

~جواهر~
جواهر: وانت منجدك بتتركها مع فارس وهي حتى نفسها ماتنفعها
سعد: يا امي لو ماتفاهمت معاها كان ما قلت لك شوفيها
جواهر: وينها اصلا من يوم جينا ماشفتها
سعد: مدري تركتها بالدور اللي تحت
جواهر: خبل انت تارك اختك العاجزه بمكان عام لو صار لها شي ولا اختفت وقتها بأيش تنفعني ما كفايه اخوك المنسدح بالغرفه تبي تكملها باختك صاحي انت!
سعد: ما يسوى ترا يمه كل اللي سويته تركتها
جواهر: لا بالله اصلا من زمان كنت شاكه بعقلك والحين تأكدت تاركها وتقول مايسوى بتجلطني انت
الجده طلعت من غرفة تميم: ياسعد يلا مشينا وش تحتري انت وامك
جواهر: تلوميني يمه يوم اقول لك عيالي مافيهم عقل بيجننوني ويطيرون عقلي تخيلي سعد تارك غُند تحت لحالها ويقول عادي
الجده: ياويلي صاحي انت صاحي؟ احد يترك ام لسان لحالها هذي لو ننزل ونلقى هالامن قاشينها مانستغرب تصف لك بلد بثواني من طول لسانها
سعد بحلطمه: استاهل مين قالي اتركها هناك اصلا توبه ماعاد اعيدها واتركها لحالها
الجده: قدامي يلا نروح لوخيتك

(لَأّتٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)