عدت شهور ولا عدا الشعور

2

~بالسيارة~
راشد: إلهام ترا مفروض تشكريني لان انا اللي اقنعت امي نروح لخالتي 
إلهام: اسكت بس لو انا اللي قايله لامي نروح لخالتي كان رفضت بس سبحان الله
راشد: ياشيخه تعلمي الفن مني وخذي خبره
وصلو الى القريه وكان بستقبالهم ناصر سلم على خالته ودخل مع راشد المجلس
وبعد تبادل الاخبار بين الحريم دق الباب
اديم:حياك ياجده تفضلي
الجده: ياقولي يمه ولا اسكتي
اديم: معليش يمه نسيت وينها غُند ماجت معك
الجده: وهذا هو همك وانا احسبك تهلين بي من شوقك لي طلعت ذي علومك
اديم: يمهه بتطولين وانتي واقفه مو زين لرجولك عطيني يدك اسندك
الجده: وخري عني عادني بصحتي واعرف امشي
دخلت الجده وسلمت على مشاعل وجود وبدؤ ياخذون اخبار بعض

~غُند~
خلصت من تحضير الغدا وجهزته وتجهزت هي كمان طالعت الساعه لو هي وحده ونص بسسس اليوم بتنام على جلد الجده طلعت مسرعه ودخلت بيت ام اديم ونزلت غطاء وجهها وجلست على الارض تحاول تتنفس رفعت نظرها وانصدمتت

~راشد~
عند العيال في المجلس
راشد: يوههه نسيت جوالي بالسياره بجيبه واجي
ناصر: يارجال اجلس لاحق على الجوال بعدين الحين خلنا ناخذ علومك
راشد: لا احتاجه يمكن يدقون العيال
ناصر: اجلس بس
بالمقابل سند وفالح وتميم كانو جايين بسيارة سند وقف السياره ونزل سند اول شي وبقى فالح وتميم ينزلون الاغراض دخل سند لان الباب كان مطرف وانصدم من البنت اللي قباله فيها شي غريب صد بسرعه ورجع للسياره وهو يطالع الارض فكره مغزو بالبنت اللي شافها

~غُند~
انصدمت وهي تشوف الباب يفتح ويدخل رجال ماعرفت تتصرف بس بسرعه رجع الرجال وسكر معه الباب ضلت صافنه بمكانها تحس فيه شي غريب ومشاعر غريبه عليها داهمتها صحت من افكارها لما طق الباب وطلع ناصر من المجلس وشاف غُند صافنه بالارض: اجل جيتي غصب تغطي وادخلي قبل افتح للرجال
صدت غُند وهي تعدل غطاها: برجع للبيت اجيب الغدا الباقي
ناصر: طيب بس ابعدي خلي العيال يدخلون دخلو وسلمو وطلعت غُند وجابت الغدا الباقي

~البيت~
دقت الباب غُند وفتحت لها اديم ودخلت معها الصحون وقفت غُند تعدل نفسها وتضبط اللي خرب
اديم: وجهك منصفق ليهه؟
غُند: اسكتي بس مابي اتذكر
اديم: نويصر مسوي شي لك؟
غُند: لا بعدين اقولك
اديم: مو تسحبين
غُند: طيب خلينا ندخل
دخلت وسلمت على الكل وجلست جنب الجده
الجده بهمس: عساك جبتي غدا الضيوف
غُند: ايه جبته وحطيت صحنين بعد
الجده: اجل شوفي خالتك ام ناصر تحصلينها بالمطبخ ساعديها
راحت غُند لام ناصر تساعدها
ام ناصر: ايش الرضا هذا غُند طابخه لنا عسى ماتعبتي
غُند: شدعوه ياخالتي لا تعب ولا شي واصلا الحمدلله انه صار لنصيبكم ولا لناس جعلها ماتذوق غير السم
ام ناصر بضيق: كالعاده؟ 
غُند: ايه بس المره ذي غير اخر مره يطبون البيت ولا عاد لهم رجعه
ام ناصر: اجل ربي نصرك عليهم المره ذي
غُند: ايه الحمدلله
اخذت غُند الصحن للحريم وام ناصر طلعت للمجلس تسلم على العيال ورجعت لهم
راشد: اوووه من زمان عن اكل خالتي
ناصر: بس المره ذي مو امي اللي مسويته
فالح: لا تقول انها اختكك
ناصر: لاا
راشد: مين اجل ماذكر عندك غير خالتي واديم
ناصر: ذا طبخ بنت عمي نايف الله يرحمه
تميم: افففف الطعم ولا اروع
فالح: اجل شكلي باخذها
ناصر: اقوووول يمدحون الاكل وانت ساكت
راشد بضحكه: شكلك غرقت نويصر
فالح: اصلا باين عليه
طول الجلسه وسند ساكت وياكل بهدؤ مو من عادته
ناصر: سند يحكم ولف عليه سند شكلي باين اني احب
وسند لسى سرحان دفه راشد عشان ينتبه بس هو قام وراح يغسل
تميم: من رجع لنا قبل ندخل وهو ساكت اكيد فيه شي
ناصر: هاه
فالح: يوم جينا الباب كان مطرف وهو دخل قبلنا وطلع وهو صافن وساكت
قام ناصر بسرعه يلحقه لما تذكر ان حتى غُند كانت بالحوش ونفس وضع سند

~المجلس الداخلي~
مشاعل: متحسنه بطبخك ياجود
ام ناصر: ايه الله يسلمك بس مو انا اللي سويته لكم غُند هي اللي سوته
مشاعل: ماشاء الله فنانه اجل وانا اقول ياحسره جود عرفت تطبخ اخير واخرتها طلعتي مضبطه نفسك
ام ناصر: لا والله اصلا تفاجأت انها طابخه لنا ماقول الا الله يوفقك ياغُند ويعوضك
غُند ببتسامه: امين
مشاعل: اجل ياغُند ابيك تاخذين إلهام وتعلمينها صح
إلهام: بس انا اعرف
غُند: عادي زياده خبره

~المغاسل~
كان سند يغسل وجهه اكثر من مره يبي يصحصح ورفع يده لدقنه ويطالع انعكاسه على المرايه فيه شي غريب بالموضوع شي خلاه يدقق بملامح وجهه مايدري كيف يتصرف مع شعور

~ناصر~
قام بسرعه وهو يدعي اللي بباله خطا وان ولا شي صح فتح الباب وشاف سند صافن يطالع انعكاس وجهه بالمرايه ناصر: سند فيك شي؟ 
سند: طالع وجهي ياناصر وشوف فيه شي غريب
ناصر: لا ليه
سند: مدري مدري
ناصر: وش شفت ياسند وش خلاك كذا
سند: ايش تقصد ياناصر
ناصر: ايش اللي خلاك ترجع لتميم وفالح وانت كذا صافن
تم سند يطالع ناصر لدقايق وبعدها تنهد: ماشفت شي
ناصر: اخر مره ايش شفت ياسند
سند: ماهو شي ياناصر ماهو شي
ناصر: الا شي ليه ياسند علمني ليه ماقلت لي الصدق
سند: والصدق ايش ياناصر
ناصر وهو يبعد بضيق: انك شفت غُند بالحوش
سند: وغُند هذي مين
ناصر: هي بنت عمي نايف ناسيها!
سند: وايش بالنسبه لك؟
ناصر: اختي وبس
سند: ناصر فيهه شي غريب فيها جذبني لها شي خلاني ابي احميها وابعدها عن الدنيا مو فاهم شعوري هذا
ناصر: ابعد عنها ياسند ولا تفكر فيها وشعورك هذا لا تتعمق فيه
سند: ياناصر احسها تنتمي لي
ناصر: لا تفكر اكثر طنش الاحساس ذا وفلها دام فكّم زوج امك
سند: لاتذكرني
نتصر: عاده على طبعه؟
سند: فكني من سيرته ورح تغدا

~العيال~
تميم: شكلنا ورطنا سند
فالح: شكله شايف اخت ناصر
راشد: مدري بس واضح انه مهموم
فالح: عاد يوم كنا بالسياره كان مبسوط ومتحمس
راشد: افففف بقوم اشوفهم
ناصر من بعيد: ليكون خلصتو عني الاكل
تميم:سند فيك شي؟
فالح: حاس بتعب تبي اخذك للمستشفى
سند بضحكه: افف اول مره ادري انكم تحبوني لو دريت كان من قبل سجيت عنكم
تميم: ياشينك
فالح: لايفوتك طلع اللي مسوي الغدا حبيبه ناصر ماتشوف الضحكه شاقه من اذن لاذن
سند: اها وانا احسبك جاي خايف علي بس طلعت السالفه كذا يانويصر
ناصر: اجل تحسب بخاف عليك
سند: مو من زينها كأنها وجه سرور راعي البقاله
ناصر: حدك عاد
تميم: احححح طلعت شايفها يالبزر ليش ماقلت لنا؟ 
ناصر: هيههه الوضع مو عزيمه انت وهو

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّـــلَأّةّ)