عدت شهور ولا عدا الشعور

27

~منتصف الليل~
سند انسدح: ياخي ملل
ناصر: انسيك الملل؟
سند: ايه يرحم والديك
ناصر: يقوم الحين فارس ولا تميم يصلح لنا شاهي حبق ويلحقنا عند ونيت جدي اللي ورا بوريكم شي
قامو بحماس وارتفع صوت فارس وتميم بالنقاش
فارس: انا بسوي الشاهي وتعال معي عشان ماتشوف وش عند ناصر قبلي
تميم: ادخل لحالك ماراح اجي معك
ناصر بحده: وجع انت وياه ادخلو كلكم مع بعض ولا اسمع لكم صوت
فارس: طيب طيب
فالح راح يمشي بالظلام: ناصر يطلع منه شي! ماظن بس نجرب ليش لا
راشد: اصبر نجرب ليش تحكم
سعد: ياويلك ياناصر لو انه شي سخيف وربي لا اتوطاك
ناصر: ماهي بعيده عنك ولا راح استغرب اذ سويتها
فتح الباب وطلع العود: الحمدلله محد اخذه
صفرو العيال بحماس
ناصر بخوف: اسكت انت وياه
سند: حركات ياناصر والله وطلع منك شي
ناصر: افا عليك بس
فالح: كم لك تدق ولا علمتنا
ناصر: يمكن من ثاني ولا ثالث ثانوي والعود ذا معي شريته انا ومشعل وبدر وكل يوم ندق فيه لين صرنا حريفين لكن ربي مسلط علينا ابوي كل نهايه جلسه ينزل علينا بالعصا
سعد: اهم شي ان ابوك راح للبيت وهذا شي حلو مابي انجلد
فارس: احنا جينا لا يكون فاتنا شي
فالح: لا لا ماعليكم اجلسو بس
سند: ناصر اطربنا
مسك العود وجلس على الونيت وبدا

~حمد~
لف على الجهه الثانيه بضيق وسمع صوت عقد حواجبه: بسم الله الرحمن الرحيم لا يكون جنيه حمدان للحين تحوم بالديره تسحب بهدو من فراشه وقام للمغاسل اخذ المكنسه وطلعت عليه من بين المغاسل قطوة امه مرزوقه ضربها بالعصا: مرزوقه وش ذا خوفتيني
ما اعطت ضربته اهتمام وراحت تمشي لاخر الحوش وجلست فوق الجدار
حمد: دام مرزوقه طلعت على الجدار وتطالع الجهه الثانيه اكيد انها تشوف عرس جن ولا الصوت ذا وين يطلع بالديره فتح الباب و تركه مفتوح على اخر شي وراح يمشي للجهه الثانيه وهو يحصن نفسه ويسمي الف مره قرب وانقطع الصوت واعتلى صوت تصفير وضحك عيال اخوانه سند نفسه على الجدار وتنفس براحه رتب هيئته وابعد ملامح الخوف عن وجهه لكنه لمح ظل بنت بين البيوت استغفر ربه وتعوذ من الشيطان
ضرب بالشجره: ماشاء الله ناس تقيم الليل وناس شغاله بدق العود والاغاني انت ماتستحي على وجهك ماتراعي النايمين
ناصر ضحك بخوف: هد يابو حميد وتعال اسمر وتونس
حمد: فكني ناقص انا ذنوب بعد
سند: شدعوه ياعم تعال خذلك شاهي حبق والعود بنتركه
طالعه بتامل: انت سبحان اللي خلاك ولد محمد
سند: افا يعني ما اصلح ولد له؟
محمد جلس: لا ما اقصد كذا يوه انت لو شفت ابوك كل تهور العالم فيه مايحسب للخطوه الوحده حساب مجنون بشكل الله يسقي ايام كنت اغطي عليه عشان يقابل امك واول مره تقابلو فيها عند بيت نهجى والله ذكريات حلوه راحو اصحابها الله يرحمهم
الكل: امين
حمد: انتم شكلكم ماتعرفون قصة جنيه حمدان ولا كان ماجيتو تدقون العود بذا الوقت
فالح: شوف انا ما اعرفها كامله لكن احسها كذبه
صغر عيونه: واللي يقولك انه شافها قبل يجيكم
فزو تميم وفارس بخوف: كذاب
ضحك: لا والله اقولها لكم
سعد بفضول: ايه
حمد: حمدان كان انسان طيب وعلى نياته