عدت شهور ولا عدا الشعور

39

~سند~
دخل الحوش وشافها على نفس مكانها
سند مد يده: غُند … قومي معي امي حصه بخير ومافيها شي مدت يدها بدون ما تستوعب ان اللي قدامها سند فاجئهم دخول سلطان السريع: ماشاءالله ماشاءالله تصرفين اهلي للمزرعه عشان تختلين بولد محمد وانت ما عندك دم! ما اقول غير ان ليت ناصر موجود وشاف بعينه عشان يقتنع ان بنت الكافره اللي امها ماتركت احد ونامت معه بنتها تعيد نفس حركاتها وتلعب على الطرفين الحين تنطلق تجيب المملك وتملك عليها اليوم وخذها وانقلع ولا عاد نشوف وجهكم ولا اقول الحين انا ادق على المملك بنفسي واجيبه عشان اضمن انكم تطلعون منها مملكين وبخبث: عشان نمنع الرذيله ونقفل باب الشيطان بس قبلها ابي اوثق الحدث عشان ناصر يقتنع تماما

~ناصر ــ قبل يومين~
اتصلت على ناصر وبدون مقدمات: الوه ناصر ابوي يبكي
ناصر قام بفجعه: وش فيه وش تقولين انتي!
اديم: اقولك ابوي يبكي يبكي ماتفهم انت؟
ناصر: اديم مب وقت العبط وش السالفه
اديم: ناصر بتسمع كلامي؟
ناصر: اديم بدون اسئله عطيني الكلام من اخره
اديم: طيب بتسمع كلامي؟
ناصر: مب اكيد بس عطيني اللي عندك
اديم: ناصر انا ابيك تحافظ على قلبك واكيد اني ابي مصلحتك اخذت نفس عميق: انسى غُند ادري بيصعب عليك بس ابوي بيضغط عليك وماراح يخليك تاخذها وبيسمعها كلام ابشع من اللي اليوم بمراحل
ناصر بغضب: تستهبلين انتي؟ غُند من وعت على الدنيا وهي لي وانا لها ماحبيتها ولا عشقتها الا تعديت ذي المراحل ووصلت لمرحله كبيره من الحب لها وتجين بكل سهوله تبيني اتركها لا والله ماياخذها مني الا الموت بعيد الشر عنها وان شاء لله ان قالها الله زواجنا قريب وقريب حيل بعد
اديم بتوتر: ناصر استوعب معي وركز كل المؤشرات تبعدها عنك كم مره قلنا خلاص بيتم الموضوع ونهايتها يخرب كم مره هاه؟
ناصر: قبل غير وما كان معي وظيفه لكن الحين لا والله تغير كل شي ولو احارب الناس كلهم على حساب انها تكون معي انا راضي
اديم: انت لو سمعت كلام ابوي وشفت وجهها بعده كان تخليت عنها حتى لو تحبها
ناصر: وش قال ابوي؟
اديم بقهر: وش ماقال قطع قلبها واحرقه امها اليوم جت تبيها وصارت مشاده شوي ويوم طلعت جاء ابوي وقالت له جدتي قال انا لو طالبتها امها عند المحاكم انا اللي بوصل غُند بيدها لامها وهي كرد فعل استنكرت كلامه مو بس هي كلنا استنكرنا قام قال لا تحسبون اني ساكت كل ذي السنين اني راضي لا والله اني سكتت عشانها يتيمه وبذاك الوقت صغيره ولا اني راضي ان حتى بنتي تجلس معاها بنت الكافره
ناصر: اسالك بالله ابوي قالها؟
اديم: اي والله من الحين اقول لك طلعها من بالك
ضرب كفوفه بقل حيله: عز الله ضعنا وضاعت احلامنا
اديم جلست بحيره: بس اللي محيرني ليش يوم دخلنا شفت ابوي يبكي وهو مابقى كلمه تسم البدن الا وقالها معقوله عوره قلبه عليها؟
ناصر ضحك باستهزاء: مستحيل انا وانا ولده طردني من البيت بدون ما يرف له جفن وتبينه يعوره قلبه عليها!
اديم: طيب والحين وش اسوي؟
ناصر رجع انسدح: ولا شي خليها على ربك بس
اديم: لا والله انا ابي اروح للبنات ومستحيل ان يمر يومي بدونهم
ناصر: ماهم اكسجين ولا بتنتهي الحياه اذ جلستي اربع شهور بدونهم
طارت عيونها بصدمه: تبيني اجلس اربع شهور بدونهم؟ لا يارب انك تستهبل انت لو مشعل وبدر ماهم معك كان كل يومين وانت مرسبن عندنا عشانهم بس من حظك انهم جو عندك انا مقدر اتحمل وبطلع للبنات حتى لو انضرب بعدها
ناصر بخوف عليها: اديم لا بدون تهور لو انضربتي مافيه احد بيفكك من يد ابوي
اديم: لا تخاف علي معك اديم السلطان لو بغت شي جابته وبعدين شكلك نسيت مين كان يهربك عشان تروح تدق العود مع مشعل وبدر بدون محد يحس
ابتسم بلطف على ذكرياتهم ذيك الفتره: والنعم والله يا اخت ناصر وبنت سلطان
اديم: يلا مع السلامه طولت عليك انتبه لنفسك زين واسمع كلامي
ناصر: مع السلامه بس كلامك تخسين اسمعه غُند باخذها يعني باخذها لو تنطبق السماء على الارض
اديم: انا علمتك عاد المهم قفل قفل اكلت رصيدي بالسانك اللي مايسكت اعوذ بالله
ناصر قبل يقفل: حلال من يضربك

~2006 ــ المزرعة~
غُند بفرحه: الله هذا لي؟
جابر ابتسم: هذا لك والاسود حق مشعل والبني لناصر والابيض لاديم
غُند عقدت حواجبها: وسعد؟ ليش ماعنده!
ضحك على حبها لسعد وكيف دايم تتشارك اشيائها معه حتى لو شي بسيط: الا عنده وحتى فارس الصغير جبت له مهر صغير كبره
غُند: طيب وينه ما تشوف سعد حزين جالس هناك ما احب اشوفه كذا
جابر جلس على الفرشه يتقهوى: اخذيه وروحي معه لين هناك بتلقون الدنه فيها الاحصنه خليه ينزلها
جت جواهر تمشي بصمت وجلست جنب جابر بهدوء
جابر: حياك ياحبيبة قلبي كيفك اليوم
اكتفت تهز راسها بالايجاب
صب لها فنجال ومده لها
اخذته: العيال وين راحو
جابر: هناك بينزلون حصان سعد
نزلت فنجالها وقامت بسرعه: جابر مو منجدك
سحبها: اجلسي وارتاحي بنراقبهم من هنا ولو صار شي عبدو عندهم
جواهر: الله يستر عليهم
جابر: ايه ماقلتي لي كيف النفسيه
جواهر:الصراحه مابي اجلس هنا دقيقه وحده
جابر: الاجازه بتنتهي بعد شهر استمتعي بالاجواء الحلوه
جواهر: اي حلوه يرحم امك وانا من جيت هنا مقدرت انام من الكوابيس والاحلام
جابر: اكيد انك ماقلتي اذكارك ولا صليتي ركعتين قبل تنامين طبيعي بتجيك كوابيس
جواهر بدموع: انا اجلس طول ليلي انتظر نايف يجي يشكي لي واقراء عليه لين يرتاح باله ولا اطلع معه مشاوير خفيفه مثل دايم
جابر بجديه: جواهر …انتي لازم تقوين نفسك عشان تهتمين بامك وبنت نايف اللي حتى امها تركتها وصارت يتيمه انتي امها بالرضاعه اهتمي فيها واعطفي عليها
جواهر: مقدر والله كل ما اشوفها اتذكر نايف وغير ذلك عندها جود تهتم فيها
عدل جلسته: لا ياجواهر افهميني جود عندها عيالها بتهتم فيهم وتحاول تربيهم احسن تربيه وخصوصا ان سلطان هامل بيته ولا يجيه بالشهور وتبين تحملين زوجته مسؤليه ماهي مسوليتها! انا ابيك تجلسين هنا وانا اللي بطلع للندن
جواهر بتوتر: طبعا لا انا مدري كيف بتحمل الشهر الجاي وتبيني اجلس عندهم انت شكلك مو مستوعب كمية عدم الامان اللي احس فيه طول اليوم  لندن أّمن بكثير من هذا المكان
جابر: لندن امان! اللي قدر يوصل لنايف وهو بجلاجل مايصعب عليه يصل لك بالندن اللي كاتبه لك الله بيصير
جواهر بخوف: جابر لا تقول كذا انا هناك ارتاح لا تخليني اوسوس بعد
جابر ابتسم على منظر العيال وهم راكبين الاحصنه: وانا صادق لازم انك تقوين قلبك وتحاولين تتجاوزين المواقف المحزنه
جاهم سعد بحصانه: يبه علمني كيف اسوي مثل ناصر
قام: سهله حركته بس شد اللجام لك وحركه يمين ويسار
شهقت بقوه جواهر: سعد انتبه
مسكها جابر: انتي قليبك رهيف زود ولا يتحمل روحي داخل لعمتي …عشت ياسعد وربي انك كفو
سعد بطفوله: افا عليك بس اعجبك

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)
لا تنسون النجمه والكومنت الحلو …