عدت شهور ولا عدا الشعور

18

~المزرعة~
غُند بهمس لسعد: دبر حالك بسياره ورح جيب لنا صواني حلا ام سعيد قبل اسبوعين يوم رحنا جمعتهم كانت جايبه صواني فخمه وتدق جدتي بالحكى مع ان جدتي اذ عزمتهم مايقصر نويصر يجيب لنا بدون مانقول له بعطيك ثلاث الاف جيب شي عليه الكلام وان احتجت بدبل لك المبلغ
طالعها بطرف عين: من وين لك فلوس ولا بعد تدبلين
غمزت له: سر
سعد: بتقولين ولا كيف؟
غُند: مالك داخل
سعد: غُند لاتنوينها عناد عقد حواجبه لما شاف جواله يدق نط بسرعه: عن اذنكم
فارس ضحك: ذي البدايات
الجده: وراه قام تقل مقروص
فارس:مدري عنه

~سعد-المكالمه~
سعد: جيك الم اقل لك اذ كنت بالسعوديه لا تتصل بي
جيك: معذره ولكن الامر طارئ جلسه المحكمه قد قدمت والسيد حمد قد حكم عليه براءه
سعد: هذي دعابه؟  الجلسه كانت بعد ثلاث اشهر كيف لهم تقديمها بالسهوله هذي
جيك: ليس لدي ادنى فكره عن سبب التقديم بالامس اتصلو اخبروني ان احضر للمحكمه بالصباح الباكر
سعد: سوف اتي اليك في اسرع وقت
جيك: الم تسمعني منذ البدايه؟ قد ذكرت ان السيد حمد قد خرج براءه وهو الان يجلس امامي
سعد: دعه يحدثني
مد جيك الجوال لحمد: لاتقلق انه سعد يريد ان يحادثك
حمد بلهفه: الو سعد
سعد من فرط شعوره ضحك: ههههههههه اخخ ياخال لو تدري شقد سويت لحتى تطلع كل اللي يخطر ببالك سويته درست قانون عشانك دفعت اللي وراي ودوني عشان اوكل لك محامين شاطرين وانضحك علي كثير وخسرت كثير كله عشان اخليك ترجع لحضن جدتي اخخخ لو تشوف فرحت ام عبد المحسن يوم عرفت انك بتطلع ارجع اليوم الحين رح جهز اغراضك وجيك بيدلك على طيارتنا ابيك الليل تكون موجود بحدود الساعه تسعه تكون بيننا اصلا يمديك الحين عندنا الساعه سبع الصبح على الساعه وحده الظهر وانت بالسعوديه ترتاح لين الليل وبوقت العزيمه تدخل علينا ابي كل ام جلاجل تدري ان حمد رجع وبدون اعتراض تراني مشتاق لك مره
ابتسم حمد: الله يخليك لي ياسعد ويجزاء جواهر الف خير على تربيتها لك وعلى وقفتكم معي على ان كان اسمي قاتل اخذتك العجله وقمت تدخل بمواضيع كثيره بغض النظر عن كل اللي قلته عزيمتكم عشان ايش؟
سعد: عشان سلامت فارس وتميم
صار عليهم حادث والحمد لله اللي نجاهم منه
حمد انقبض قلبه: وكيفه الحين تأذا مره
سعد: لا كسور ورضوض هذا ماينخاف عليه قطو بسبع ارواح يلا عاد ماراح اطول عليك وادخل بتفاصيل كثيره وانت بتكون حاضر بيننا بالليل
حمد: المسكين جيك بندفعه رصيد مكالمتنا
سعد: ادفعها له ولا يهمك بس انت بلغه انكم تجون بالطياره اليوم والحين جهزو اغراضكم وتوكلو على الله وخله يجي معك
حمد: طيب طيب بامان الله
سعد قفل : استودعتهم الله
طالع اللي حوله ثواني الكون كله مايسع فرحته سجد لله شكر وهو يلهج بالحمد : الحمدلله الحمدلله الحمدلله الحمدلله
ركض لهم: اليوم يايمه مو بس تعزمين عجز الديره لا اعزمي كبار وصغار رجال وحريم اليوم مزرعتنا بترجع فيها الحياه والناس داخله وطالعه مثل ايام خالي نايف يوم كان يعزمهم
الجده: انت انخبلت؟
سعد ضحك: الله يسامحك يايمه مانخبلت وبس انجنيت احس الارض ماتشيلني من الفرحه وانتم ياعيال شدو معي الهمه نبي نفرش الزل ونحط المساند بنسوي جلسه كبيره من هنا الى هناك لكل رجال ام جلاجل و بالمزرعه من وراء بنحطها جلسه للحريم والعشاء ماراح نطبخه بجيب طباخ يسويه لنا
الجده: لا عز الله الولد ماباقي فيه عقل انت وش بلاك تحكى
سعد: بلاي كل خير ابيكم اليوم يالحريم تطغن بزينكن على كل حريم ام جلاجل وانتي يام عبد المحسن البسي كل ذهباتك وتزيني اليوم غير الكل ينفذ اللي قلته بالحرف الواحد ياغُند لو بغيتم تنزلون تشترون لكن ثياب يلا عجلو
غُند: فيه احد تجيه الفرصه ويرفض ايه بنروح
اديم دقتها: روحي لحالك فشله اروح معه
غُند: بلا كلام فاضي بنروح كلنا نشتري ونطفره عشانه امس مخوفنا ولا بالاساس عندي ملابس وش كثرها بس كذا لعانه فيه هو ووجهه يحسب نفسه مسوي كريم هذا اذ مادفعته قرض ما اكون غُند
اديم: اعوذ بالله منك الله يعين اخوي على كيدك اللي يخوف
سعد اجل سند عطني سيارتك باخذ البنات وننزل لسوق ومنها بعد بشتري زل ومساند اذ دقيت عليكم افتحو البوابه للدنه اللي بتجيبهم
سند: ابد خذ بس حافظ عليها
سعد: ابد برجعها لك بنزينها فل وبغسلها لك بالمغسله
جواهر: انت علامك كذا
سعد: ولا شي

~تقديم الوقت~
غُند: سعد باخذه بس تراه غالي
سعد: الغالي يفداكم
إلهام: بنات لايكون متعاطي شي لان انا بصراحه بديت اخاف منه صار كانه ابوي اذ تعاطى
غُند لفت لها: ايـــش! ابوك يتعاطى
إلهام ارتبكت:لا ولا شي
انقذها سعد: يلا اخلصو عشان نروح لسوق الذهب قبل يقفل
اديم: يلا غُند كلنا خلصنا باقي انتي
غُند: خلاص خلصت بس بحاسب
سعد اخذهم منها: اليوم انتم ماراح تشتغلون كل اللي عليكم تكشخون وبس
غُند: ممكن اسال؟ بس تجاوبني بصدق وبدون لف ودوران
سعد: ايه عادي اسالي
غُند: الفساتين اللي اخذتها من قبل شوي لمين؟ لايكون متزوج بدون ماندري وبتجيبها عندنا هي وامها واختها
ضحك: ايش التفكير هذا جبتها لامي وام ناصر وام سند وباقي بس جلابيه لام عبد المحسن ابي وحده فخمه بس مالقيت لها جبت وحده بس مدري ماحسيتها فخمه
غُند: ابي اشوفها
سعد: طيب يلا اركبي السياره
غُند ركبت: خلينا نشوف ذوقك
سعد: اديم ممكن تمدين يدك وراء وتعطينا الكيس الازرق
اديم بهمس: تفضل
سعد طلع الجلابيه: هاه ايش رايكم
غُند: حرام عليك كل هذا وماهي فخمه الا اللي بعده
سعد: وانتم يابنات
اديم: حلوه بس جدتي بترضى تلبسها؟
إلهام: بتصكك بعصاها وبتشوف يمكن يرجع عقلك لك
سعد: ماعلينا من ذا كله اللحين بننزل لسوق الذهب والكل بدون استثنى بيشتري خاتم واساور وسلسال
اديم بعتراض: كذا كثرنا عليك
سعد: انا قايل لكم اليوم مفتوح توني قبل شوي كاسب ثلاث قضايا ومستلم الراتب يعني وش اكثر من كذا ولا وحده تفتح فمها وتتكلم اختارو وبس يلا انزلو انا بكلم راشد واجي
دق على راشد: اللو راشد افتح البوابه الزل وصلت حطوها زي ماقلت لكم وخلو عبدو وجمال يساعدونكم عشانهم كثار واذ تعبتم خلو جمال ينادي اخوياه وانا بعدين ادفع لاخوياه العقود ركبوها لاتنسون
راشد: طيب طيب بس انت بشويش على نفسك عشان ماتنفجر من الحماس
سعد: بصدمكم بعد جايب قهوجيين عشان مانتعب
راشد: لاعاد كذا انهبلت وش بيقلون عنا الناس كذا
سعد: جدتي انت؟ ماغير تفكر بالناس كذا ولاكذا الناس متكلمه خليهم ان تكلمو يتكلمون مره وحده
راشد: والله انت غريب
سعد: سكر سكر ماني فاضي لك
راشد: ايه بس فاضي حق الاوامر
سكر منه: هاه وش اخترتم
غُند: خلصنا ودفعتهم 
سعد عصب: ليه العناد ياغُند ليه
غُند: مصدق نفسك اني بدفع انا حالفه ادفعك قرض
ارتاح: اووه الحمدلله لو كان صدق كنت مستعد افرش بالمحل الله هذي حقت مين؟
غُند: حقت اديم
سعد: مره حلوين يلا اخذتم لجدتي وامي وامهاتكم
غُند: ايه هذا هم
سعد: ترا هاه جايب لكم انا قهوجيات وجايب لكم ضيافه وكل شي قبل نص ساعه وصلو للمزرعه وادعو ان ام عبد المحسن ماطردتهم
اديم: انجنيت رسمي انت 

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)