~غُند~
اديم: يمه تخيلي بس يطلع ابو اخوانك حي
إلهام: اتوقع وقتها امي بتترك ابوي ويمكن ترجع له
غُند: مستحيل ترجع له الرجال اكيد عنده كرامة وماراح يرجع ياخذ امك
إلهام: وش قصدك ياغُند
غُند: يعني امك ماراح يكون فيها عقل لو فكرة ترجع لزوجها السابق وبعدين اتوقع الرجال عايف امك ويشوفها خاينه وبعدين ليش ماتكون خالة مشاعل متفقه مع ابوك عشان تفتك من محمد وبكذا تكون امك مريضه وشكلها اصلا خرفت
اديم: ما اسمح لك ياغُند تتكلمين عن خالتي كذا
غُند: توقعاتي ذي واذ صدقت توقعاتي زوجوني عبدو(عامل المزرعه)
إلهام: والله شكل اللي خرف انتي ياغُند مو امي
غُند: عاد مو مشكلتي اذ قاطعها الجوال: هلا…خير وانا ايش دخلني دق عليه وكلمه…عادي دق على عيال محمد وثبتت عينها بعين الهام اللي صدت عنها…كيف اروح له ورجلي كذا…طيب بروح له واذ لقيته بدق عليك…طيب طيب لاتنافخ …وينك اصلا …الله وذا الشغل …رايحتله الحين اسمع وانت جاي جيب معك قفل الجوال بوجهها: وجع طالعة البنات: رايحه لناصر وراجعه افهمك يامتخلفة
غُند بحلطمه: بالعافيه امشي ويبيني ادور ناصر طلت بالمجلس: ماهو هنا وين راح ذا افففف سمعت اصوات بالمطبخ وراحت له شدها كلام سند: بتقدم لها واكيد بقبل فيني لان عندي وظيفه وراتب ***بالشهر واشتري لها بيت ملك وسواق وخدمات هي بس تأشر ويجيها طيران بس خل يهدى الوضع شوي اصلا لو ماخرب علي سعد كان اليوم خطبتها
غُند بصدمه: انهبل هذا والله يذبحه ناصر ومحد هنا يفكه
غُند: ناصر تعال ابيك
ناصر طلع: نعم
مدت له الجوال: خذ سعد داق على جوالك ومارديت ودق علي يبيك
ناصر اخذه: خلاص روحي
غُند: لا خلص مكالمه ابي جوالي
ناصر طالعها بقوه وشدد على مخارج حروفه: روحي اذ خلصت اجيبه لك
غُند: بسم لله ايش سويت لك عشان تعصب علي كذا
ناصر طالعها ساكت
غُند ابتسمت: انا سمعت كلام سند واعتقد هو اللي عصب فيك
قاطعها ناصر: وطبعا بتوافقين عليه لانه ولد عز وراتبه عالي ومو ناقصه ولا حاجه
غُند: لا طبعا برفضه بس انت خلك سريع وتعالي لو انك عارف عقلية ام عبد المحسن والله ماترده ولا راح تاخذ برايي شي
ناصر تنفس براحه: مو حلالي ولا كان خميتك
غُند: دق على سعد ولا يكثر
رن الجوال
ناصر: الطيب عند ذكره هلا سعد…خير عسى ماشر…لاحول ولاقوة الا بالله …طيب هالحين باخذ الاهل وجاي …جدتي معك…وش موديها …انتبه على الضغط عندها لاينزل ترا علاجها فوتته لها نص ساعه
غُند بقلق: وش صار؟
ناصر: تميم وفارس مسوين حادث وراشد وسعد وجدتي لهم ثلاث ساعات مدري اربع هناك
غُند بكت: صار عليهم شي
ناصر: بخير ان شاء الله والحين باخذكم لهم بس لا يدرون الحين عشان مانفجعهم وقفلي الغرف
غُند: ورجلي!
ناصر: خلاص انا اقول لعبدو وانتي روحي قولي للبنات بنطلع ودخل للمطبخ: يلا قومو بنطلع نتمشى
سند: ايش الطاري
ناصر: مدري سعد قاله وجدتي معاهم
فالح: احد يطلع الحين!
ناصر: لا يكثر وقم مالي خلقك
سند: لازم يعني
ناصر اعطاه نظره: قم يلا
قام سند: فالح شيل الاكل بعدك انا بروح ابدل ملابسي
مسكه ناصر: لا ورني…ملابسك زينه مايحتاج
سند: لا باخذ شاور واغير
ناصر: مو فاضين للعبك سند امش قدامي يلا اركب الجمس واحنا جايينك
فالح: يلا سند خلنا نروح ولا تأخر ناصر
YOU ARE READING
عدت شهور ولا عدا الشعور
Random:لاحول ولاقوة الابالله : دقو على الاسعاف : ما اتوقع يلحق عليهم : يارجال السياره تسرب زيت خلونا نسحبهم ونحاول نطلعهم : ماراح اخاطر بروحي واساعد احد وراي بيت وعيال ~ : سوينا اللي علينا والمريض حالته كانت صعبه تنهد: عظم الله اجركم : مستحيل وش تقو...
