عدت شهور ولا عدا الشعور

9

~الدكتور~
الدكتور: سوينا اللي علينا والمريض حالته كانت صعبه تنهد: عظم الله اجركم
راشد: مستحيل وش تقول انت
سعد: نقدر نشوفه
الدكتور: طبعا بس بسرعه عشان تخلصون الاجراءات ويتم الدفن
دخل سعد وراشد وجلست الجده على الارض بقل حيله: لا حول ولا قوة إلا بالله الله يعوضك يامشاعل الله يعوض شبابه بالجنة
بدر: اذكري الله ياخالة
الجده: لا إله إلا الله
بدر: قومي معي ياخالة واجلسي على الكراسي ننتظرهم مو زين لك جلستك على الارض كذا

~راشد~
راشد تقدم والدنيا مظلمه بعينه يحس برجفه تسري بعروقه انفتح الباب ودخلو راشد وسعد الغرفة بارده وريحتها تعج بالمنظفات تجولت عيون راشد بالغرفه عيونه على السرير تقدم له بسرعه والدموع اخذت مجراها على خده رفع الغطى الابيض عن وجهه وخر ساجد شكر لله مشى سعد للسرير وهو حاس الدنيا ماتشيله: الحمدلله الحمدلله وخر ساجد هو الثاني
سعد حضن راشد: الحمدلله ياراشد طلع مو تميم ولا فارس قم ياخوك خلنا ندور تميم بخير هو اكيد سند سعد راشد على كتفه وطلع بعد ما غطى الجثه
الجده: لا إله إلا الله اذكر ربك ياراشد والعوض من الله
بكى راشد: طلع مو تميم
مشعل فز: لا يكون فارس انا يوم رفعته حسيت اني ذبحته و
قاطعه سعد: ولا هو فارس واحد مانعرفه الدكتور شافنا واقفين هنا قال اكيد اهله
بدر: الحمدلله
تبعه الجميع بالحمدلله
طلع زيد من غرفة العمليات
بدر: زيد بشر كيف فارس
زيد: فقد دم كثير وعنده كسور بالكتف والاصابع وكسر بالرجل  وثمان غرز باجزاء مختلفه بجسمه كل غرزه فيه اكثر من سبع غرز 
الجده رفعت عصاتها: يهب ياوجهك تتبلون على عيالي الدختور اللي قبلك ذبح تميم وانت مكسر الضعيف اللي عندك ماتخافون الله انتم ذبحتوهم ياسعد ادخل خذ اخوك وتميم بنطلع هالدخاتره مايعرفون شي باخذهم لام سليم تعالجهم احسن
ضحك زيد: الله يهديك ياخاله صرت انا اللي مكسرهم احنا احسن من ام سليم وبعدين ما تثقين فيني
الجده: من انت اصلا عشان احط عيالي عندك ومأتمنتك عليهم
زيد حط يده على كتف بدر: بناخيك لذي الدرجه متغير وناسيني
الجده: تكذب علي تحسبني وغد عندك يلا وش تنتظر ياسعد هات اخوك مشينا
زيد: استهدي بالله بخليكم تشوفونه بس بعد مايطلع تميم من العمليه
راشد بقلق: ليش طول ماطلع
زيد: يسون له عمليه تجميل بخشمه لانه انكسر وبعدين تميم انكسر تقويمه وبلعه واضطرينا نشيله
الجده: وش تقول انت
مشعل: اجلسي ياخاله خليه منك كذاب ذا تعالي نجلس بعيد عنه

~بعد ساعتين~
انفتح الباب ودخلو
سعد حضن فارس على خفيف: تختبر غلاتك عندي ماتدري انك غالي وتسوى عيوني
فارس صرخ: يــــدي بشويش علي وغمض عيونه: الحمدلله باقي حي وفتح عيونه بقوه: تميم وينه محد رد عليه فارس برعب: لايكون مات…ليش ساكتين ردو علي
مشعل: لا حي وبس يطلع من العمليات نطلعكم جناح خاص
الجده بحنية: ياوليدي تحس بشي يوجعك
فارس: ايه راسي ويدي ورجولي قاطعه بدر بضحكه: بس بس كأنك ماصدقت احد يسأل عليك
فارس: اسكت بس مو كل يوم ام عبد المحسن تسأل عني وتخاف علي من الموت
الجده: يلا عاد حدك على ولدي
فارس: سعد تكفى صور اللحظات ذي خلني اقهر ناس
الجده مسحت دموعها: ارتاح الحين ونام عشان اذ جتك امك تشوفك بعافيه
فارس بحب: بس يايمه مسحي دموعك ماعاش من يبكيك حتى لو انا
الجده ضربته بالعصا: تتفاول على نفسك بالموت بدال ماتحمد ربك اللي طلعك من الموت تروح تدعي على نفسك بالموت
فراس: اححححح كتفيي ياربيي مقدر اتحمل
الجده بخوف: تعورت
سعد بقلق: فارس متوجع مره؟
فارس مغمض بقوه: ايه
ضغط الزر وجاء الدكتور المناوب
الدكتور: خير إن شاءلله فيه حاقه؟
سعد: فارس متوجع من يده
الدكتور: قرا ايه يافارس مأنا مديك مسكن ابل ساعه مايصحش اديك مسكن ثاني
فارس: عطني اي زفت اهم شي ما احس فيه
الدكتور: لاه مايصحش دا انت عايزني اموتك افضل تتالم لغايه ماتسكن من نفسها
مشعل: يادكتور عطه شي يخفف عليه ولا تكثر كلام
الدكتور: ايه اللي حصل وسايبك تتألم كده دا حتى المسكن مفعوله مابطلش
راشد: جدتي ضاربته ارتحت
الدكتور: ليه ياحجه تضربي عيل صغير مسكين ما كفايه ان ايده مكسوره هان عليك يعني
فارس بالم: يادكتور عطني بسرعه
الدكتور: امري لله باديك منوم لغايه ماتحسش تقدم الدكتور له واخذ ايده وحقنها بالمنوم وحط بلاستر عليها: لا تتعبو فارس وبالراحه عليه ياحجه كفايه تضربي والوصفه بتاعته مايشوففش وش الحجه دي طول تعبه
الجده: يادفع البلا ناوي تمنعني من ولدي
الدكتور: لاه بس دا انتي تقننتي خالص اهتز الجهاز معلن عن حاله اخر: انا بخرج دلوقتي ولو فيه اي شي حاس بيه فارس اندهولي
الجده بحنيه تمسح على راس فارس: بسم لله عليك وبدت تقرا عليه بعض من القرآن
مشعل: يلا نطلع ونخليه يرتاح وننظر تميم وتدقون على الاهل

~المزرعة~
فالح وناصر وسند جالسين ياكلون والوضع عندهم سوالف
ناصر: مدري تذكرونه او لا
فالح: ما اتذكره مره
سند: ولا انا
ناصر: كان من يومه حق مضاربات
فالح: هو ابو عصا
ناصر: ايه قد صفقك وبغى يفقع عينك
سند: ذكرته اصلا اختفى اخر شي شفته يمكن اول متوسط
فالح: لا شفناه بعدها يوم كسرنا البطيخ حقهم
سند: اما طلعت تقصد ذا احسبه واحد ثاني
ناصر:هو نفسه اللي انا بتوظف عنده
فالح:اما عاد وبتروح له مقابلات وحركات هذا المفروض مايقابلك على طول يمسكك الباب
ناصر: حطمت معنوياتي بتوظف ابي اتزوج خلاص اخاف تطير مني غُند
سند: ماهي تحبك اضمن ماراح تطير منك
ناصر: المشكله هنا انها ماراح ترضى فيني وانا حافي منتف
سند بهمس:فالح تفكر باللي افكر فيه
ضحك فالح: ايه
ناصر: خير وش
سند: بتقدم لها واكيد بتقبل فيني لان عندي وظيفه وراتبي*** بالشهر واشتري لها بيت ملك وسواق وخدمات هي بس تأشر ويجيها طيران بس خل يهدى الوضع شوي اصلا لو ماخرب علي سعد كان اليوم خطبتها الصدمه كانت باينه بوجه ناصر هو عارف لو ان سند خطب غُند بتوافق وبدون ماتفكر حتى وسند اصلا مو ناقصه شي جمال واسلوب ووظيفه وكفايه انه ولد عز وانا ياناصر ماعندي شي من اللي عنده صحى من صدمته على صوت غُند عند باب المطبخ حذف الملعقه وقام يغسل
غُند: ناصر تعال ابيك
سند باستهبال: خلك ياناصر بطلع لها انا واعتبرها نظره شرعيه
زادت عصبيه ناصر ومشى بدون يقفل الماء
فالح: حرام عليك الحين يسوي شي بالمسكينه
سند بجديه: سويت كذا عشان يتحرك ويخطبها اذ جلس كذا بيفلها وماراح يتزوجها ويمكن يتركها ويمل منها اذ هو صدق جاد ويبيها يتحرك واذ كان مايبيها ماراح تهمه هذا اذ ماكانت تسليه لازم يحدد موقفه الحين
فالح: واحنا ايش دخلنا فيهم
سند: صح مالنا دخل بس خلاص لازم يتحرك الى متى يعلق البنت كذا ما ارضها على اختي واكيد ماراح ارضها لبنت الناس

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)