عدت شهور ولا عدا الشعور

26

~سلطان~
دق الباب وتنهد من التوتر اللي فيه
فتح له فارس: يهلا والله انت خالي سلطان؟
سلطان: ايه
سحبه فارس: حياك ياخال حياك تو ينور بيت ام عبد المحسن بيفرحون فيك عيالك ادخل
وقف بنص الحوش: سلام عليكم
الجده: ياويل حالي وش صابك
حضنها سلطان: ماعليك يمه انا بخير حادث بسيط والحمدلله انا بخير
لف على حمد وهوى قلبه بالارض
مسك قلبه: بسم الله الرحمن بسم الله الرحمن الرحيم لا إله إلا الله انت نايف ولا صابني خرف سبحانك تحيي الموتى
حمد: نايف الله يرحمه ميت واللي تشوفه قدامك حمد اخوك اللي انسجن ظلم
حضنه سلطان بقوه وبكى: الحمدلله والله ماخليت شي الا سويته لكن اعذرني وانا اخوك ماقدرت اطلعك
حمد: عاذرك والحمدلله ان جواهر خلفت رجال ينشد به الظهر وهو اللي طلعني
سلطان لف لسعد: كيف قدرت تطلعه؟
سعد: اجلس ياخال وارتاح وبعدين نعلمك السالفه
الجده:يا اديم جيبي فطور ابوك
فز سلطان: لا يمه الله يهديك وين تجيبه والمكان كله عيال
الجده: اجل قم ادخل داخل لزوجتك وبنتك
ضحك فارس بهمس: هو لو يدري ان بنته كانت جالسه بمكانه قبل شوي وناصر لاصق بغُند يمكن يذبح الكل وينجن علينا
دقه تميم: طيب اسكت ولا تتكلم عشان مايذبحنا
الجده: الا ياناصر وينه مشعل له فتره ماشفته ولا حتى دق علي
ناصر بضيق: مشعل تعبان وجاء عندي هناك ولا عاد يبي يرجع للديره
الجده بخوف: عسى اللي فيه ماهو كايد
ناصر: لا ماعليك ان شاء الله يتحسن
الجده: انتبه له لا يمسه من الدنيا شي
سند: الله لنا بس
سعد ضربه: انت اخر واحد يتكلم جدتي ماتحب احد كثر ماتحبك انت وغُند تشوفكم شي ثاني عاد كيف انا كل ماشافتني اكلتني تراب
الجده: والله انك نصاب احبكم و كلكم عندي واحد
فارس: طيب يايمه ودي ارجع للمزرعه احس المكان هناك واحشني
الجده: ابد اطلع من هنا وقت ماتبي و رح ورا بيت مرزوق وامش شوي ومن ورا مزرعه ابو كايد ثم مزرعتنا
فارس بملل: مابي لحالي

~مجهول~
اشر له بيده بمعنى الفلوس
تافف: بعدين اكتب لك شيك
: لا لو سمحت ماراح اتقدم خطوه واحد بدون الفلوس وخصوصا بشي مثل ذا
: انت كذا بتعطلنا وتخرب علينا الفرصه نطلع من هنا اعطيك الفلوس
: تبيه جثه ولا حي
ضحك بخبث: لا جيبه لي حي والباقي انا اتصرف فيه

~2007 ــ ١٤٢٨ــ بيت ام عبد المحسن~
ميشا طلعت من المطبخ ومعاها الغدا: جواهر ماشفتي نايف؟
جواهر: لا والله اخر مره شفته قبل ثلاث ايام اصلا نايف ماعاد ينشاف من يوم ماحط له غرفه بالمزرعه اكيد انه هناك وبيجي اذ خلص
جلست بخوف: لا ذي المره انا قلبي خايف عليه اخاف صابه حاجه
جواهر: ياشيخه اكلي وان شاء الله ماصار شي
رفعت صوتها: غُند سعد مشعل تعالو يلا جاء الغدا
ركضت: سبقتك يعني انا اللي راح ياخذني بابا معاه اليوم
سعد بكى: لا حتى انا ابي اروح معاكم
مشعل:اسكت اسكت نقدر نخدعها ونروح ونتركها 
جواهر: اللي مايتغدا ماراح يروح انا بطلع انشر الغسيل واجي
ميشا تكلمت قبل تطلع جواهر: ترا عمتي تقول اذ خلصتو تعالو لخيمه مزنه وصيته
جواهر وقفت قدام تفتح الباب: لا ياربي مابي ماني ناقصه غثى كفايه علي جابر وفارس الصغير
ميشا: مابيدنا نسوي شي ولف على العيال: ايه ياعيال وش سويتم ومع مين لعبتم اليوم
غُند تاففت: ماكان فيه احد اليوم الا سلطان بس يدور كل الاطفال راحو يلعبون عند البقاله وبابا قد قالنا مانروح هناك
سعد: اصلا بس رحنا عند محل ابوي وجلسنا عنده ننتظر ورجعنا خالي نايف وين راح
ميشا: عنده شغل وبيرجع ان شاء الله قريب
غُند: طيب مين اللي راح يودي مشعل لموعده
قاطعهم صوت صراخ جواهر
ميشا: بسم الله
قامو بسرعه وهم يركضون
رجفت جواهر …شهقاتها…وصراخها…ودموعها …والمكان اللي كانت تطالعه…كان هذا كفيل يخليهم مايعرفون يتصرفون وينسون ايش المفروض انهم يسوون
قربت جواهر من جثة نايف
صرخت عليها ميشا بقوه: لا لا تلمسينه مانعرفه الحين ندق على الشرطه وينتهي الوضع
صاحت جواهر بكل صوتها: مــيــشــا هذا نايف هذا اخوي الا الا نايف احرقوه واحرقو قلبي معه
ميشا قربت وجلست على الارض جنب جواهر توسعت عيونها من الورقه اللي كانت عنده: الكل في ذا البيت راح يلحقون نايف 
سعد غُند مشعل مصدومين من المنظر تحركت غُند: مافيه غير عمي سلطان بيساعدنا وراحت ركض
سعد صفق مشعل: مشعل انت تسمعني
جحظت عيونه بقوه وانعدم النفس عنده صار يضرب براسه بالباب
صرخ برعب: يـــمــه ساعدوني بسرعه
قامت بتعثر وحاولت تمسك مشعل: سعد البخاخ بسرعه لا يموت
ركض بسرعه وجاب بخاخ مشعل
حطت البخاخ بفمه: مشعل اهدى خذ معي نفس يلا وطلع نفس
انفتح الباب بقوه ودخل سلطان وجابر اللي كان معه يتقهون وانفجعو من غُند وهي تقول لهم الخبر
جابر حاول يرفع جواهر المنهاره: لا إله إلا الله هدي ياجواهر يمكن مب نايف
جواهر: تعلمني باخوي! هذا نايف وانا متاكده
سلطان: اهدي واشرحي لنا وش صار بالضبط
رفعت يدها برجفه: طلعت بانشر الملابس ويوم خلصت سمعت صوت وشفت شي اسود طايح يوم قربت لو انه نايف بكت: حذفه واحد ماشفت وجهه بس شفت هيئته كان واقف على السور وراح يوم شافني
حضنها سلطان: خلاص ياروح اخوك هدي هدي الحين نطلب الشرطه والاسعاف ونشوف هو نايف ولا لا
قرب من الباب ورفع صوته: يا ام غُند هدي وامسكي الورعان ولا احد يطلع
اخذتهم ميشا بسرعه للغرفه: مشعل حبيبي يلا لازم تاكل لك لو لقمه عشان علاجك
اخذ مشعل منها الملعقه وغصب نفسه ياكل عشان مايتعب
سعد برعب: امي ليش تبكي بقوه كذا!
قامت واخذت جلالها: مافيها شي انا شاء الله انا بشوف غُند وين راحت واجي وانتم تغدو يلا
طلعت وشافت جابر جالس على عتبة الباب وجواهر طايحه بحضنه وتبكي وهو يمسح على راسها وسلطان واقف عند الباب: يبو ناصر غُند وين راحت؟
سلطان: ارسلتها للجود وعيالها جابر شيل جواهر و دخلها الشرطه جت

~بعد اسبوع ــ مجلس الرجال~
جواهر بكت: ياجابر تكفى المكان ذا صار يخنقني حتى النوم بالزور يجيني ابي نطلع من هنا
جابر: نطلع وين نروح
جواهر: معك بالبعثه ولا عاد برجع هنا ثاني والله اني تعبت كل شي صار يضيق بي
جابر: ترا اذ رحنا هناك خلاص مالك رجعه الا اذ خلصت
جواهر: وربي راضيه لو ماعاد ارجع ويكون احسن
جابر: اجل بعد ثلاث ايام نطلع خوذي كل شي لك هنا

~بعد شهرين~
صحت الصبح من حلم مزعج قامت بهدو وفتحت الباب دخلت الحمام وغسلت طلعت تدور امها لانها مالقتها على الفراش وهي اللي بدت تعتاد على فقدها عقدت حواجبها لما مالقت امها وجلست على باب الحوش وتكلمت بحزن مايليق على اطفال سنها: اول شي مات جدو غنام بعدين مات بابا وسعد راح وتركني والحين محد معي بالبيت حتى ماما وجده!
جاء من وراها وجلس جنبها: وش تسوين؟
لفت له: مشعل انا وانت صرنا مثل بعض ماصار عندنا عائله كلهم راحو وتركونا
مشعل رفع كتوفه بعدم اهتمام: انا خلاص صار عادي عندي اهم شي ان جده موجوده خلاص الباقين كذابين ولا واحد بقى كلهم اختفو
غُند: جده تقول امك هجت يعني كيف
مشعل: يعني خلاص راحت
انفتح الباب بقوه ودخل ناصر بازعاج: يلا يلا قومو معي جدتي هناك ببيتنا
وبتجلسون اسبوع عندنا بنلعب كل الالعاب ونسهر وكل شي يلا كل واحد يدخل ياخذ ملابسه وبطانيته اللي يحبها ونروح سوا

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)
جيتكم ببارت جديد وكله احداث لكن زعلتوني منكم صراحه البارت اللي راح مالقيت عليه اي تفاعل ولا حتى نجمه! لدرجه ذي يعني تضركم اللي يفتحون البارت ويقراون بصمت بدون كومنت حلو ولا نجمه طيب قدرو تعب الكاتبه لو شوي يعني لازم بكل مره اقول تفاعلو مافيه غير ابرار وحتى ابرار اختفت البارت اللي راح