عدت شهور ولا عدا الشعور

7

~الجده~
إلهام: صباح الخير
الكل: صباح النور
سعد: وين خويتك اللي معك
إلهام: بتجي بس بتغسل
سعد: طيب سند قم اجلس مو حلوه تجي تسدح بين الناس
الجده: هذا اللي بقى تعلمه السلوم
سند ضحك: كفو يمه
غُند: بس خلاص مابي اكل اكثر
جواهر: لا ما اكلتي شي افتحي فمك ولا يكثر
سعد: يمه ترا اغار وبعدين رجلها اللي منكسره مو يدها
الجده: كبر البغل وذا كلامك
سعد: وش انا مسوي عشان اشوف السخط ذا كله
الجده: ماخذ غُند ومكسرها وراه ما انتبهت لها وخليتها معك
سعد: ليه هي صغيره! كبيره وتشوف طريقها هي اللي طايحه مو انا اللي خليتها تطيح
وقام راح لغرفة سند
سعد: يلا بسرعه تاخرتو فارس وتميم مخلصين قدامي اشوف
تميم اخذ ابريق الشاهي: جاي جاي يلا
فارس: ابي شاهي
تميم: لا وخر بس
سعد: تراها قافله معي اسكتو بس قبل افجر فيكم
تميم: ايهه مره باين من عيونك الحمرا ذي كأنك متعاطي
فارس: اسكت ترا يذبحنا
تكى سعد مقابل غُند بحيث انه مايشوف تعابير سند
جواهر: مو وقت موضوعك ذا انا لما اشوف الوضع مناسب تكلمت انت مالك دخل
سعد: سكتت من ثلاث شهور لاني ماكنت هنا لكن الحين مستحيل ابقى ساكت بتكلم واللي يصير يصير
ناصر وفالح: سلام عليكم
الكل: وعليكم السلام
سعد: الكل هنا
إلهام: باقي اديم
اديم: جيت
قام سعد من مكانه وجلس قدام الجده ومسك يدها الكل عدل جلسته وانشد للكلام: ام عبد المحسن اول فرحك وبكرك عبد المحسن ربيتيه وتعبتي وبالنهايه راح يشتغل بالخارج ولك ست سنين مالمحته عينك بعدها جت نوره اللي ماتت بعمر العشر لانها مريضه قلب سنه سنتين ثلاث وجبتي سلطان ابو ناصر وجبتي جواهر والسنه اللي بعدها جبتي نايف نايف ابو غُند اللي مات محترق بضروف احنا نجهلها للحين وبعدها بثلاث سنين جبتي حمد الولد المتمرد بعينك اللي كان مشقيك وهاد حيلك وقتها لما جبتي حمد كان عمي حامد متوفي ومرته ماتت بعد ولادتها بحاتم اخذتيه بطيب نيه وطبطبتي عليه وارضعتيه مع حمد وصرتي تحبينه اكثر من عيالك وعادي عندك لو تشوفين حمد خطأ وهو الصح كبرو وعاشو تحت كنفك واحتاجو يطلعون بعثه عشان يحققون حلمهم مع اصحاب عمرهم مرت السنه الاولى بخير والثانيه بخير والثالثه بخير والسنه الرابعه قتل حمد محمد خويه ابو سند وفالح ونزل راسك بعد ماكان مرفوع ولطخ سمعت العايله اللي طول عمرها نظيفه لكن لا انا الحين قدامك عشان اقول لك عمي حمد بيطلع براءه قال المحامي شهر اذ ماطلع دليل قوي بيطلع براءه غير انه اصلا اختفت الجثه وهذا اكبر دليل يطلعه بس المحامي قال ننتظر شوي عشان نشيك على الوضع افرحي يام حمد حمد بيرجع لحضنك بعد ثلاثه وعشرين سنه
مشاعل: يعني كيف ياسعد مافي جثه
سعد: مدري انا كنت مع المحامي خطوه خطوه لكن هو قال مافيه جثه وهذا دليل براءه قوي اصلا هو كان نايم او منوم لان جسمه وقت التحليل كان فيه نسبه مخدر
سند: وفيه احتمال كبير ابو سند وفالح عايش؟
سعد: وليش لا بس يمكن واحد بالميه انه عايش
الجده: انت تقوله صادق حمد ولدي ماهو قاتل!
سعد: ايه صادق
الجده: وكنتي بتسكتين ياجواهر هذا شي ماينسكت عنه وتراي زعلانه منك
جواهر: بس يمه
قاطعتها الجده: وصمه لا تكلميني لين قلبي يرضى عنك روحي لا تشوفك عيني
قامت جواهر ودخلت غرفتها
سعد: يمه تكفين لا تقسين عليها وبعدين هي كانت تبي نتاكد اذ عمي بيطلع او لا ماتبي تعشمك وبـ الاخير مايطلع
الجده: ماهو سبب بعد عني بقوم قامت الجده وقامت بعدها مشاعل ولحقتها إلهام وجود
إلهام: يمه
مشاعل: بـــعـــدي عـــنـــي
وراحت للغرفه
إلهام: وش سويت لها انا
جود: عادي يمكن متوتره
الكل قام من بعد كلام سعد وبقى سند وغُند
سند: طايحه اجل
غُند: تتطنز حضرتك
سند بضحكه: انتي تمشي وعيونك فوق
غُند: اصلا ما اتذكر كيف طحت
سند: وين كنتي لما طحتي
غُند: عند السوبر ماركت الكبير
سند: لكن اتوقع الطيحه هناك ماتسوي الا تمزق اربطه لكن كسر! قويه ذي وان مره يصير فيه شعر او التواء بسيط
غُند:فطين وعرفت تكشف كذبتي
سند: وايش اللي حدك
غُند: اسباب شخصيه ومالك فيها
سند أرخى ظهره على المركى: حلووو عادي واقوم انا الحين واعلمهم وقتها ورينا كيف بترقعينها مع انها ماتترقع
غُند: تبي تعرف الساعه وحده اعلمك الحين ماني فايقه لك
سند: وحده اجل
غُند: وعند شجره الليمون
جاء ناصر وهو يطالع غُند بسخريه: ماشاءلله ايش رايكم اجيب لكم شي تشربونه عشان تكمل جلستكم
سند ابتسم: ايه اذ ماعليك امر ابي عصير ليمون وانتي غنود ايش حابه تشربين ولا تدرين مايحتاج جيب لها شاهي خل تتدفى
ناصر وقف يطالعه بجمود وناظر غُند: حتى كلامك ماكمل يوم واشوفك لاصقه بوجه سند او سند هو اللي لاصق بوجهك
غُند: احترم نفسك ناصر
ناصر: كنت مرتاح معها وش تبي انت ليش طلعت بحياتنا
غُند: فاهم غلط ترا
ناصر: بالله لا لا تكفين فهميني
تنهدت غُند: ناصر اسندني ابي اروح للحمام
ناصر: خلي اللي جالس معك يسندك
غُند: بس انا ابيك تسندني بسرعه يلا امسك يدي تعبت وانا رافعتها
بقل حيله مسك ناصر يدها ومشى معها خطوات وبعد عن سند وفكها
غُند: قلتلك فاهم غلط
ناصر: فهميني طيب مابي الشيطان يلعب بعقلي
غُند: ياخي كلكم قمتم وانا ماني قادره اسند نفسي واصلب طولي وهو جالس
ناصر بقهر: اوكي جالس بس مو معنتها يدقها سوالف وانتي بعد ليه تعطينه وجه
غُند بستفزاز: اعطي نفسي فرصه اتعرف عليه قبل يصير زوجي وابو عيالي
ناصر بصدمه: هاه ماسمعت عيدي عيدي كلامك
غُند بستمتاع: اقولك اعطي نفسي فرصه اتعرف عليه قبل يصير زوجي
ناصر بحسره: لا مو من جدك غُند اجل ليه تعلقيني فيك دامك بنهايه الطريق بتتركيني انا كنت جاي اعلمك ان عندي مقابله عمل يوم الاحد كنت بقولك هانت اصبري شهرين وتصيرين حرم الاستاذ ناصر وتفاجئت فيك صراحه لا لا ماتفاجئت انصدمت انجلطت انشلت حواسي ضحك بعدم استيعاب: مو مصدق انتي تصيرين لغيري لا هذا مستحيل
غُند بوناسه: صادق انك بتتوظف يعني اخيرا مابغينا
ناصر بوجع: مابغينا صح بس عقب ايش عقب ماكسرتي مجدافي وبتاخذين واحد ولد عز مو ياحسرتي عليك وياعزاك ياناصر راحت عليك حبيبة عمرك ولاعز الاخويا
مشى من عندها مرخي الاكتاف
مدت غُند عكازها وشدته وناظرها وبجمود: نعم
غُند ضحكت: هيهه امش كنت امزح معك والله عارفه ان مزحي ثقيل بس حبيت اتاكد ان مكانتي تغيرت او لا يارب ويارب تنقبل بالوظيفه
اتسعت ابتسامت ناصر: صدقققق تمزحيننن
غُند صدت عنه: ايه
ناصر بستعجال: اجل من الحين اقولكك اليوم لا لا بعد يومين يعني يوم الاحد اذ رجعت من المقابله بخطبك خلك مستعده  
غُند بخجل: لا لما تستقر بشغلك وقتها فكر تخطو الخطوه ذي
ناصر: غريبه عطيتيني وجه ولا بعد ماسكه يدي
غُند: الحاجه هي اللي سوت فيني كذا

~مشاعل~
جالسه على السرير وتطالع الارض حطت يدها على قلبها وبهمس: بسم لله مو معقوله انه باقي بقلبي مر اكثر من ثلاث وعشرين سنه على موته وبجنون: مستحيل الميت يرجع من الموت وبحسره: انجنيتي يامشاعل محمد مستحيل يكون لك اذ كان حي اصلا لو ما مات كان ماصرت زوجت حاتم بس فيه احتمال كبير ان حاتم كذاب وبتأكيد: ايهه هو كذاب انا بخليه يطلقني وادور محمد وارجع له لازم ارجع لمحمد

(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّــــلَأّةّ)