"သက္က "
"အေး"
"မနေ့ကကလေးတွေအစမ်းဖြေထားတဲ့အဖြေလွှာတွေဘယ်နားထားလိုက်လဲ"
"ညာဘက်အစွန်းကစားပွဲပေါ်မှာရှိတယ် "
"ဘာလို့အဲ့ဒီ့မှာသွားတင်ထားတာလဲ လေတိုက်လို့လွင့်ကုန်ရင်နင့်ကိုအုပ်ကြီးထောင်းလိမ့်မယ်"
သူငယ်ချင်းမလဲ့လဲ့နိုင်၏စကားကိုအာရုံမပြုနိုင်..စိတ်တို့မှာစောစောစီးစီးဟာသတွေလုပ်ပြခဲ့သည့်လူဆီသာရောက်နေခဲ့ရပြီး လဲ့လဲ့နိုင်၏မျက်စောင်းကြီးမှာလည်းသူ့ထံသို့ဒိုင်းခနဲ..
!ဖြောင်း..!
"အ့..ဘာလုပ်တာလဲ"
"ရိုက်လိုက်တာလေ"
"အေး ဘာလို့ရိုက်တာလဲလို့"
"နင်နွားပွဲစားလုပ်နေလို့ရိုက်လိုက်တာ..ငါကတော့အရူးမကြီးလိုပဲစကားတွေပြောလို့ နင်ကသွားကြီးဖြီးပြီးထိုင်နေတာလေ "
"အော်...ဟဲဟဲ "
သူ့ကိုယ်သူဒီလောက်အထိဖြစ်သွားလိမ့်မယ်လို့မထင်မိဘူး အကျိုးအကြောင်းတစ်စုံတစ်ရာမရှိပါပဲ ရွှေချိုးဆိုသည့်လူအားသဘောကျနေမိသည်။
"ငါတော်တော်ရုပ်ပျက်သွားလား"
"သက္ကဇော်..နင်ဂေါက်များသွားသလားဟယ်"
"အမ်..ဘာ..ဘာဖြစ်လို့လဲဟ"
"နင့်ပုံစံနင်ပြန်ကြည့်လေ ကိုယ့်ကိုယ်ကိုယ်လည်းပြန်မေးအုံး ငါခွန်းသက္ကဇော်မှဟုတ်ရဲ့လားလို့"
သက္ကနှာခေါင်းရှုံ့လိုက်တယ်။ဒါကိုမြင်လိုက်ရတဲ့လဲ့လဲ့နိုင်မှာနားထင်အားဖိကိုင်ရင်း..
"ဟုတ်ပါတယ် တစ်ကယ်ကိုဂေါက်နေပါပြီ ဆယ်တန်းတုန်းကစာပြီးရင်းစာ စာပြီးရင်းစာခဲ့ရတော့အခုမှဦးနှောက်ကိုထိတာနေမှာ..ကျွတ်ကျွတ်..ငါ့သူငယ်ချင်းလေးသနားလိုက်တာ.."
"လဲ့လဲ့နိုင်.."
"ဘာလဲ "
ဆရာဆရာမနားနေခန်းထဲနှစ်ယောက်တည်းရှိ၍သာတော်တော့၏။ဘယ်လိုပဲဖြစ်ဖြစ်သက္ကပုံမှန်မဟုတ်တာကိုတော့သူမအတည်ပြုလိုက်ပါပြီ..
YOU ARE READING
~မေတ္တာလုံ၍နွေးစေချင်~(On going)
Romance~မေတ္တာတွေဟာမခြုံခင်ကတည်းက လုံနေခဲ့ပြီးသား...~ 23.2.2023
