AFTER THE MOVIE

Chapter 19: Confusion

"Oh! Saan ka pupunta?" Tanong nito ng makitang niligpit n'ya ang kinahihigaan at ang mga gamit n'ya.

"I'm going home."

"At 9 pm? Are you crazy? Probinsya 'to. Wala tayo sa city. Delikado sa daan, Miss Vanguardia. And for sure hindi papayag sina lola na umalis ka."

"Kaya nga ikaw nalang ang magpaalam para sa akin, Narda."

"Sa anong part hindi ko nalinaw na hindi tayo close para first name basis ang tawagan natin?"

"Saan din na part ang hindi mo naiintindihan sa sinabi kong I don't need your help anymore? I won't work for you na. Hahanap nalang ako ng ibang paraan para maisaayos ang dapat kong ayusin. I've had enough, Narda."

"Oh 'di quit! For all I care!"

Tinotoo nga n'ya ang sinabi. Iniwan n'ya ito sa kwarto at walang lingon likod na lumabas ng bahay dala ang mga gamit n'ya.

"Oh, ate Regina, saan ang punta mo? Shot ka muna dito." Yaya ni Ding na nadatnan n'yang ka jamming ng mga barkada nito sa may garden.

Inilapag muna n'ya ang mga gamit. Booze is what she really need right now. Nasistress s'ya kay Narda.

"Uuwi na, Ding. May masasakyan pa ba pabalik ng Manila?"

"Meron namang night bus, Ate Regina. Pwede kang mag abang d'yan sa kanto, Te. Pero baka pagalitan ka nina lola at ganitong oras ka talaga aalis. Tapos 'di ka pa nagpaalam."

Inisang-lagok lang n'ya ang puting likido na nasa basong inabot ni Ding sa kanya.

"Hmmm. Bubble gum flavored? Anong inumin 'to?"

"Lambanog 'yan, Ate Regina. 'Wag kang masyado magpalinlang sa sarap n'yan at baka tumumba ka nalang sa kinauupuan mo."

Nagkatawanan naman ang mga barkada ni Ding.

"Ipakilala mo naman kami d'yan sa chicks na bisita n'yo, Ding." Hirit ng isa na kanina pang nakatitig kay Regina.

"Mga ogag! Off limits 'yan. Asawa ng ate ko 'yan." Hirit pa ni Ding.

Naiiling na tumungga nalang s'ya ulit sa basong s'ya na ang nagsalin.

"Tss! Asawa? Ding, asa ka. Wala ngang kami n'yang ate mo tapos sasabihin mong asawa? Tindi ng imagination mo."

"D'yan din ang tuloy n'yo, te. Dadating ang panahon na malalaman din n'ya ang totoo."

"Iinom nalang natin 'yang delusion mo na 'yan, Ding. Oh tagay pa."

Walang pakundangan n'yang hinahayaan ang sariling malunod sa alak na nasa harapan.

"Uuwi ka pa, 'di ba? Tama na 'yan, Ate Regina. Baka 'di mo na kayanin at kung mapano ka pa sa daan. Mapagalitan pa ako ni lola at ni Ate."

Tama nga naman si Ding. Hindi dapat s'ya magpakalasing dahil uuwi pa s'ya. "Si lola oo, pero ate mo? Hanggang pangarap ko nalang s'ya, Ding."

Tumayo na s'ya at tama nga si Ding. Mapanlinlang ang nainom n'ya.

"Oh, Ate. Tinamaan ka na agad? Sabi sa'yo mapanlinlang ang inuming 'to. Pumasok ka nalang kaya ulit sa loob at matulog? Bukas ka nalang umalis." Agad naman itong tumayo para sana alalayan s'ya.

"I'm fine, Ding. Kaya ko 'to. Malapit lang naman ang kanto eh. 'Pag makasakay naman na ako ng bus pwede naman akong matulog sa byahe. Pakisabi nalang kina lolo't lola na salamat saka babalik nalang ulit ako dito."

"Sige, te. But make sure sa sunod mong balik, hawak mo na sa leeg 'yong ate ko ha?"

Natawa naman s'ya sa tinuran nito. "Magtino muna 'yang ate mo, Ding. Andaming chicks n'yan sa Manila. Baka mawalan na rin ng leeg 'yan sa dami ng babaeng sasakal d'yan." Biro pa n'ya.