Unicode
"မျက်လုံးကပန်းသီးဆိုင်ကိုပဲကြည့်မနေနဲ့ ဟိုနေ့ကဝယ်ထားတာအများကြီးကျန်သေးတယ်"
အသီးတန်းဘက်ရောက်လာထဲကနေအခုအချိန်ထိ ပန်းသီးဆိုင်တွေကိုပဲဝေ့ဝဲကြည့်နေသည့် ဇမ်းကြောင့် ညွှန်းဟန့်လိုက်မိ၏။ညွှန်းစကားကိုကြားတော့ ဇမ်းကညွှန်းဘက်ကိုလှည့်လာရင်းပြီတီတီပြုံးကာ
"အခုနောက်ပိုင်း အသီးတန်းဘက်ရောက်တာနဲ့ ပန်းသီးစိမ်းဘဲဝယ်ချင်နေတော့တာ ဘယ်လိုလုပ်ရမလဲ"
"ဘယ်လိုမှမလုပ်နဲ့ အဲ့ဝယ်ချင်စိတ်ကိုအောင့်ထား"
"ပန်းသီးဝယ်ချင်စိတ်ကိုအောင့်ထားလို့ရပေမယ့် ခင်ဗျားကိုနမ်းချင်တဲ့စိတ်ကတော့အောင့်ထားလို့မရဘူးနော်"
လူနား,နားကိုကပ်ပြောလာတဲ့ ဇမ်းစကားကြောင့် ညွှန်းကြက်သီးတွေဖြန်းခနဲထသွားရင်း နားရွက်ဖျားကနေစ ပါးပြင်အထိ နွေးဖျသွားတာခံစားမိ၏။ဘေးကိုကြည့်လိုက်တော့ သူတို့နှစ်ယောက်ကို ဂရုတစိုက်ကြည့်နေတဲ့ရှင်းကြောင့် ညွှန်းရှက်ရှက်နဲ့ ဇမ်းကျောပြင်ကို လက်ဝါးနဲ့မိတ်ဆတ်ပေးလိုက်မိတော့၏။
"ဖြန်း!"
"ဟ့!"
"မင်းဘယ်လိုဖြစ်နေတာလဲ ဘေးမှာသူများတွေနဲ့"
သူ့လူရှက်မျက်နှာရဲရဲလေးနဲ့ရန်ထောင်လာတော့ ဇမ်းအသည်းယားမိသွားကာ သူနဲ့ခပ်ခွာခွာလျှောက်နေတဲ့ သူ့လူကိုခါးကနေစွေ့ခနဲဖက်ကာ သူ့ရင်ခွင်ထဲဆွဲသွင်းပစ်လိုက်၏။ထုံးစံအတိုင်း ငြိမ်ငြိမ်မနေဘဲ သူ့ကိုတွန်းထိုးလုပ်နေသည့် သူ့လူကို ဇမ်းပိုတိုးဖက်ထားလိုက်ရင်း ရင်ခွင်ထဲကနေမကျေမနပ်ဖြစ်နေသည့် သူ့လူကိုငုံ့မိုးကြည့်လိုက်ကာ....၊
"ဘာဖြစ်လဲ သူများ,များပေါ့....၊ကိုယ့်ယောကျ်ားကိုနမ်းချင်တယ်ပြောတာဘာဖြစ်လို့လဲ"
"မင်း...ပြောလေကဲလေပါလားဇမ်း"
"အဲ့တာဆို မကဲတော့အောင်တစ်ခါနမ်း"
"သေလိုက်"
ဇမ်းရွတ်နောက်နောက်တွေပြောနေတာမို့ ညွှန်းသူ့ရင်ဘတ်ကြီးကို ခပ်နာနာထုပစ်ကာ ရင်ခွင်ထဲကနေထွက်ပစ်လိုက်၏။ပြီးတော့ မကြည်,ကြည့်နဲ့ကြည့်ပစ်လိုက်မိသည်။
YOU ARE READING
You are My Bone
Romanceလူတိုင်းပါးစပ်ဖျားမှ ဇမ်းဆိုတဲ့ကောင်က အပေအတေကောင်လို့သမုတ်လဲ သူတို့သတ်မှတ်ချက်အတိုင်းသွားပါစေ.....ကိုယ့်ထမင်းကိုယ်စားပြီး သူများစကားတွေကိုထိုင်ခံစားနေဖို့ အဲ့လောက်ထိ ကျုပ်မှာအချိန်တွေအားလပ်မနေဘူး! ____________ လူတိုင္းပါးစပ္ဖ်ားမွ ဇမ္းဆိုတဲ့ေကာင္က အ...
