သန်းကြွယ်ခြေလှမ်း (လင်းဖန်)
အခန်း(၁၃) မြောင် ~ နင်ရှုံးသွားပြီ
"ကျွန်တော့်ကို လာမြှောက်နေတာပဲဗျာ။ ခင်ဗျားတို့နှစ်ယောက်က အိမ်ငှားဖို့လားဗျ" လင်းဖန်က ပြုံးကာ သက်လတ်ပိုင်းအရွယ် အမျိုးသားနှင့် အမျိုးသမီးတို့ကို ကြည့်လိုက်သည်။ ကျောက်ပင်ချီက အသက် ၄၀ ဝန်းကျင် ရှိလောက်မည်ဟု ထင်ရပြီး အမျိုးသမီးကတော့ ငယ်သည့်ပုံပေါက်သည်။
"ကြွေပန်းဥယျာဥ်မှာ ကျွန်တော်ငှားဖို့ အိမ်တစ်လုံးတော့ရှိတယ်။ ဒါက ကျွန်တော့်ရဲ့ ပိုင်ဆိုင်မှုစာချုပ်နဲ့ မှတ်ပုံတင်ပါ။ စစ်ကြည့်လို့ရပါတယ်" လင်းဖန်က သူ့မှတ်ပုံတင်ကို ထုတ်ပြရင်း ပြောလိုက်ပါသည်။
သူက ဖြစ်ကတတ်ဆန်းနိုင်သော လူမဟုတ်ပါ။ အဓိက အချက်က မှောင်ခါနီးနေပြီဖြစ်ပြီး လင်းဖန်က စားသောက်ဆိုင်ကိုလည်း ပြန်ရဦးမည်ဖြစ်သည်။ ရှားဝမ်ချွေ့က သူ့ကိုစောင့်နေလိမ့်မည်။
ရှားဝမ်ချွေ့က စူပါစတားတစ်ယောက်ဖြစ်ပြီး အရမ်းလည်း လှ၏။ စားသောက်ဆိုင်ထဲမှာ သူမကို တစ်ယောက်တည်း ထားခဲ့ရမှာ စိုးရိမ်မိပါသည်။
"ဟုတ်ပါပြီ" ကျောက်ပင်ချီက စစ်ကြည့်လိုက်ပြီး ပိုင်ရှင်က လင်းဖန်ဖြစ်ကြောင်း အတည်ပြုလိုက်ပါသည်။
"ငါတို့ကို အိမ်လိုက်ပြပေးလို့ရမလား။ အိမ်ငှားခ အကြောင်းလည်း ပြောလို့ရတာပေါ့" ကျောက်ပင်ချီက တောင်းဆိုလိုက်ပါသည်။
"ကိစ္စမရှိပါဘူး" လင်းဖန်က ကျောက်ပင်ချီ၏ ဆိုလိုရင်းကို နားလည်ပြီး သူတို့နှစ်ယောက်ကို အိမ်ထဲခေါ်လာခဲ့ပါသည်။
လင်းဖန်၏ အိမ်က ၁၀၀ စတုရန်း မီတာ ရှိ၏။ အရမ်းကြီးတော့ မကြီးသော်လည်း အပြင်အဆင်များက အတော်လေး ကောင်းမွန်သည်။ အိပ်ခန်း ၃ခန်းနှင့် ဧည့်ခန်းတစ်ခန်း ပါသည်။ မီးဖိုချောင်နှင့် အိမ်သာလည်း ပါ၏။
ထို့အပြင် သူတို့ ချက်ချင်း ဝင်နေနိုင်သည်။ ပရိဘောဂ မှန်သမျှက နောက်ဆုံးထွက် မော်ဒယ်များ ဖြစ်ကြပါသည်။
သေချာစွာ လျှောက်ကြည့်ပြီးသွားသောအခါ ကျောက်ပင်ချီနှင့် ကုန်းယန်တို့ အလွန်ကျေနပ်သွားကြပါသည်။
أنت تقرأ
သန်းကြွယ်ခြေလှမ်း (လင်းဖန်)
الأكشنစာစဉ်မိတ်ဆက် လင်းဖန်သည် နတ်ဘုရားအဆင့် အလွန်ချမ်းသာကြွယ်ဝသော ဘဝလမ်းကြောင်းပေါ်သို့ ပို့ဆောင်ပေးသည့် အကောင့်ဝင်ခြင်းစနစ်ကို ရရှိခဲ့သည်။ သူသည် အချက်အပြုတ်ပညာရပ်ကို ကျွမ်းကျင်သည်၊ ဆေးဖက်ဆိုင်ရာ ပညာရပ်ကို တစ်ဖက်ကမ်းခတ် ကျွမ်းကျင်သူ၊ သီချင်းနတ်ဘုရား၊ နာမ...
