လင်းဖန် 165+166
အခန်း(၁၆၅) နောက်ထပ်နည်းနည်းလောက်ဆို သူ့ကောင်မလေးဖြစ်ပြီ
သူ့ရှေ့က ကောင်မလေးကို ကြည့်ရင်း လင်းဖန် မက်မောသွားမိသည်။
သူသဘောကျသည့် ကောင်မလေးက သူ့ကိုဦးဆောင်ပြီး နမ်းသွားသည်။
ဘယ်ယောက်ျားမဆို ဘာလုပ်ရမလဲဆိုတာ သိလောက်ပါသည်။
သူ သဘောကျသည့် ကောင်မလေးကို ပိုးပန်းချင်ပါက သူ့ဘက်လည်း ပိုပြီး တက်ကြွရမည်ဖြစ်သည်။
ကောင်မလေးဘက်က ဦးဆောင်တာကိုသာ စောင့်နေပါက ငှက်ပျောတုံး ဖက်ပြီး သေသွားနိုင်ပါသည်။
လင်းဖန်က ရှားဝမ်ချွေ့ကို ရိုမက်တစ်ဆန်သည့် နေရာတစ်ခုမှာ ဖွင့်ပြောချင်ခဲ့ခြင်း ဖြစ်သည်။
သို့သော်လည်း အခြေအနေတွေက ဒီအဆင့်ထိတောင် ရောက်နေပါပြီ။ လင်းဖန် တကယ် ခံနိုင်ရည် မရှိတော့ပါ။
သူ့နှလုံးသားထဲ ဆန္ဒများ ပေါက်ဖွားလာသည်။ လင်းဖန် ရှားဝမ်ချွေ့ကို ရင်ခွင်ထဲထည့်ကာ ဖက်ထားပြီး သူ့ကောင်မလေးဖြစ်ကြောင်း ဝေ့ပေါ် ပေါ်မှာ အားလုံးကို ကြေညာလိုက်ချင်မိပါသည်။
ထိုအချိန်ကျလျှင် သူနဲ့ ရှားဝမ်ချွေ့တို့၏ သတင်းဆိုးများ ရှိလာမှာ မဟုတ်တော့ပါ။
"လင်းဖန် နင်ငါ့ကို ဘာပြောချင်လို့လဲ" ရှားဝမ်ချွေ့က လင်းဖန်ကို သူမ၏ လှပသော မျက်လုံးလေးများဖြင့် ကြည့်လိုက်သည်။ သူမ လက်ကို ခါးနောက်ပစ်ထာားပြီး ခေါင်းကို အနည်းငယ်ငုံ့ထားပါသည်။
"ငါနားထောင်နေတယ်လေ" ရှားဝမ်ချွေ့က နူးညံ့စွာ ပြောလိုက်ပါသည်။ သူမ ပါးပြင်များ ပိုနီလာ၏။
"ငါ..." လင်းဖန်က ရှားဝမ်ချွေ့၏ မျှော်လင့်စောင့်စားနေသော မျက်လုံးများကိုကြည့်လိုက်သည်။
ဒီလိုအချိန်မျိုးမှာ ယောက်ျားတစ်ယောက်အနေနဲ့ ဘာကို ကြောက်ဖို့ လိုဦးမှာလဲ။
ထိုစကားလုံးများကို သူ့မအား တိုက်ရိုက်ဖွင့်ပြောရမည်။
ထို့နောက် သူမက သူ့ကောင်မလေး ဖြစ်လာပါတော့မည်။
YOU ARE READING
သန်းကြွယ်ခြေလှမ်း (လင်းဖန်)
Actionစာစဉ်မိတ်ဆက် လင်းဖန်သည် နတ်ဘုရားအဆင့် အလွန်ချမ်းသာကြွယ်ဝသော ဘဝလမ်းကြောင်းပေါ်သို့ ပို့ဆောင်ပေးသည့် အကောင့်ဝင်ခြင်းစနစ်ကို ရရှိခဲ့သည်။ သူသည် အချက်အပြုတ်ပညာရပ်ကို ကျွမ်းကျင်သည်၊ ဆေးဖက်ဆိုင်ရာ ပညာရပ်ကို တစ်ဖက်ကမ်းခတ် ကျွမ်းကျင်သူ၊ သီချင်းနတ်ဘုရား၊ နာမ...