သန်းကြွယ်ခြေလှမ်း (လင်းဖန်)

Ch-103+104+105

လင်းဖန် 103+104+105

အခန်း(၁၀၃) ဝေ့ပေါ်ရဲ့ထိပ်တန်းရေပန်းစားအကြောင်းအရာထပ်ဖြစ်လာပြီး ဖျော်ဖြေရေးလောက တုန်လှုပ်သွားခြင်း

လင်းဖန် မသိလိုက်ခင်မှာပင် ဂျွိုင်းမီဒီယာက ဘဝရဲ့ပျော်ရွှင်မှုနဲ့ ပြိုင်ဆိုင်ခြင်းအား ရပ်တန့်လိုက်ပါသည်။

ဂျွိုင်းမီဒီယာ၏ စီအီးအိုကတောင် လင်းဖန်၏ သရုပ်ဆောင်စွမ်းရည်များက ကောင်းမွန်ကြောင်း ဝန်ခံရသည်။ ထို့အပြင် လင်းဖန်၏ ရုပ်ရည်ကော ဇာတ်ညွှန်းများကော အားလုံး ထိပ်တန်းအဆင့်များ ဖြစ်ကြသည်။ သေသေချာချာ စဥ်းစားပြီးနောက် ကျောက်လွေ့က လင်းဖန်ကို တောင်းပန်ဖို့ ဆုံးဖြတ်လိုက်ပါသည်။ သူ့မှာ နောက်ပိုင်း အခွင့်အရေးရလာပါက လင်းဖန်နဲ့ အတူတူ အလုပ်လုပ်နိုင်ပါလိမ့်မည်။

ဖျော်ဖြေရေးလောကထဲတွင် ရာသက်ပန် ရန်သူဆိုတာ မရှိပါ။ ရာသက်ပန်မိတ်ဆွေဆိုတာသာ ရှိပါသည်။

ယွဲ့ဟွာနှင့် တိုက်ခိုက်မှုက အသုံးမဝင်တာကို မြင်လိုက်ရပြီးနောက် ဂျွိုင်းမီဒီယာက ၎င်းတို့၏ နည်းလမ်းကို အမြန်ပြောင်းလိုက်ပါသည်။

အဓိက အချက်က လင်းဖန်မှာ ကုမ္ပဏီတိုင်းက ခေါ်နိုင်သော တန်ဖိုးမျိုး ရှိနေသောကြောင့် ဖြစ်သည်။

ဘဝရဲ့ပျော်ရွှင်မှုကို ၂ ရက်ဆက်တိုက် ထုတ်လွှင့်ပြသနေပြီး တရုတ်နိုင်ငံတစ်ခုလုံးကို ပွက်လောရိုက်သွားစေခဲ့သည်။

ဒီရုပ်သံဒရမ်မာက အလွန်ရေပန်းစားနေ၏။

ခေါင်းဆောင်မင်းသား လင်းဖန်နှင့် ခေါင်းဆောင်မင်းသမီး ရှားဝမ်ချွေ့တို့ အကုန်လုံးလည်း လုံးဝကို နာမည်ကြီးနေကြသည်။

အကြင်နာပေးခန်းမရိုက်ဖူးသော ရှားဝမ်ချွေ့လည်း ဒီဒရမ်မာကြောင့် ပရိသတ်များ၏ ထောက်ခံမှုကို ပိုရခဲ့ပါသည်။

ထို့အပြင် ဒါက ရှားဝမ်ချွေ့၏ ပထမဆုံး အချစ်ရေးဇာတ်ဝင်ခန်းဖြစ်သည်။ အလွန်ကောင်းမွန်စွာ သရုပ်ဆောင်ထားပါသည်။ မုန်းတီးရေးသမားများ ရှားဝမ်ချွေ့ကို တစ်ဖတ်သတ် ဝေဖန်လို့ မရတော့ပေ။