သန်းကြွယ်ခြေလှမ်း (လင်းဖန်)
အခန်း(၂၈) သူ နင့်ကို သဘောကျနေတာ
လင်းဖန်ထွက်သွားပြီးနောက် ကျန်ခဲ့သည့် လုံခြုံရေး အစောင့်နှစ်ယောက် ကြောင်သွားကြပါသည်။
လင်းဖန်က ပိုက်ဆံကြောင့်မဟုတ်ဘဲ လူတစ်ယောက်ကြောင့် စားသောက်ဆိုင်ကို ဖွင့်နေတာတဲ့လား။
မဟုတ်မှလွဲရော ကောင်မလေး ချောချောလေး တစ်ယောက်များလား။
...
ကားတစ်စီးထဲတွင်။
ရှားဝမ်ချွေ့နှင့် တခြား ကောင်မလေးတစ်ယောက် အတူတူ ထိုင်နေကြပါသည်။
"အစ်မဝမ်ချွေ့ နင်ပြောတဲ့ စားသောက်ဆိုင်က တကယ်အရသာရှိတာလား။" ကောင်မလေးက မေးလိုက်သည်။
"ဒါပေါ့" ရှားဝမ်ချွေ့က ခေါင်းငြိမ့်လိုက်ပါသည်။
"ဟီးဟီး ဒါဆိုရင်တော့ ငါမျှော်နေပြီ။ စားသောက်ဆိုင် ပိုင်ရှင်က ခပ်ချောချော ကောင်လေး မဟုတ်ဘူးလား။" ကောင်မလေးက မျက်တောင်ခတ်လိုက်ပါသည်။
"ရှောင်းယွီ ငါတို့က သွားစားမှာနော်" ရှားဝမ်ချွေ့က ရှက်သွေးဖြာကာ ပြောလိုက်ပါသည်။
"သိပါတယ် ငါသိပါတယ်။ နင်က နင့်ချစ်သူလေးကို သွားတွေ့မလို့မလား" ကောင်မလေးက ပြောလိုက်သည်။
"မြောင် မြောင် နင်ကမှ နင့်ချစ်သူလေးကို သွားတွေ့မယ့်လူ" ရှားဝမ်ချွေ့က သရော်လိုက်ပါသည်။
"ဟင်း ငါမသိဘူး မထင်နဲ့နော်။ ခုတလော အဲ့ဒီ စားသောက်ဆိုင်လေးကို နင်ခဏခဏ သွားနေတာ။ အရသာရှိတဲ့ ဟင်းနံ့တွေကို အဝေးကြီးကနေတောင် ငါရတယ်" ကောင်မလေးက သူမ၏ ခေါင်းကို ချစ်ဖို့ ကောင်းစွာ ရှေ့တိုးလိုက်ပါသည်။
"ငါတို့အစ်မဝမ်ချွေ့ကို ဒီလောက်ထိ ဆွဲဆောင်နိုင်တယ်ဆိုတော့ သူက ဘယ်လောက်တောင် ချောလိုက်မလဲ" ကောင်မလေးက ချိုမြိန်စွာ ပြုံးလိုက်ပြီး အနည်းငယ် ချစ်ဖို့ ကောင်းနေပါသည်။
"ရှောင်းယွီ ငါနင့်ကို ကုတ်မိတာ့မယ်" ရှားဝမ်ချွေ့က ရှောင်းယွီ၏ လက်ကောက်ဝတ်ကို ကုတ်လိုက်ပါသည်။
YOU ARE READING
သန်းကြွယ်ခြေလှမ်း (လင်းဖန်)
Actionစာစဉ်မိတ်ဆက် လင်းဖန်သည် နတ်ဘုရားအဆင့် အလွန်ချမ်းသာကြွယ်ဝသော ဘဝလမ်းကြောင်းပေါ်သို့ ပို့ဆောင်ပေးသည့် အကောင့်ဝင်ခြင်းစနစ်ကို ရရှိခဲ့သည်။ သူသည် အချက်အပြုတ်ပညာရပ်ကို ကျွမ်းကျင်သည်၊ ဆေးဖက်ဆိုင်ရာ ပညာရပ်ကို တစ်ဖက်ကမ်းခတ် ကျွမ်းကျင်သူ၊ သီချင်းနတ်ဘုရား၊ နာမ...
