ဘေးနားရှိ ကျိုးဝမ်ကျင်းသည် အမည်မသိသတ္တဝါရဲ့အသားများကို ကောက်ယူပြီး မြိန်ရေရှက်ရေစားကာ စစ်ဟွိုင်ရှီးကို စကားပြောနေခဲ့သည်။
" သိပ်မကြာခင်တုန်းက ဖေးကျောက်ကျိုး ရဲ့ အစာအိမ်နဲ့ အူလမ်းကြောင်းမှာ ဘာဖြစ်သွားမှန်း မသိပါဘူး.. ငါ သူနဲ့ အတူစားဖို့ ထွက်လာတိုင်း သူ အစာစားချင်စိတ် ပျောက်သွားနေတာကြာပြီ.. အခြေခံအားဖြင့် ငါက ငါ့ရဲ့ တူချောင်းတွေကို အကြိမ် အနည်းငယ်လောက် မလှုပ်လိုက်ရဘူး..ဒီလောက်အရသာရှိတဲ့ အစားအစာတွေကို ဖြုန်းတီး ပစ်လိုက်တာပဲ!"
စစ်ဟွိုင်ရှီးကတော့ စိတ်ပူနေမိသည်..
"ဖေးကော ဒီလိုဖြစ်တာ ကြာပြီလား.."
"မင်း အလုပ်အရမ်းရှုပ်နေရင် ထမင်းစားဖို့ မေ့သွားတတ်တယ် အဲ့ကျ ဗိုက်နာတာတွေ ဖြစ်တတ်တယ်လေ.. သူ သက်သာသွားမှာပါ..."
စစ်ဟွိုင်ရှီး သည် ဖေးကျောက်ကျိုးက သန့်စင်ခန်းသွားတာ ကြာနေတာကြောင့် ပြဿနာရှိနေမှာကို စိုးရိမ်သဖြင့် သူနောက်သို့ လိုက်သွားခဲ့သည်။
ရေချိုးခန်းထဲမဝင်ခင်မှာ ညည်းတွားသံတွေကြားလိုက်ရပြီး စစ်ဟွိုင်ရှီး ဟာ ဖေးကျောက်ကျိုးက တစ်ခုခုမှားနေပြီလို့ စိုးရိမ်စိတ်တွေနဲ့ ပြေးဝင်လာခဲ့တယ်။
သူဝင်လိုက်သည်နှင့် ဖေးကျောက်ကျိုး သည် ဖြူဖျော့နေပြီး နဖူးတွင် ချွေးများ ထွက်နေသည်ကို တွေ့လိုက်ရကာ မျက်မှောင်ကြုတ်နေသော မျက်ခုံးများက သူ့ အား မသက်မသာ ဖြစ်နေသည်ကို ပြောပြနေခဲ့တယ်။ ပါးစပ်ကို လက်ဖဝါးဖြင့် အုပ်ထားပေ့မယ့်လည်း အန်ချင်စိတ်ကို ဘယ်လို ရပ်တန့်နိုင်ပါ့မလဲ။
"ဖေးကော.. သွားရအောင်..မင်းကို ဆေးရုံလိုက်ပို့ပေးမယ်..."
"မဟုတ်ဘူး..ငါဗိုက်နာနေတာပါ.. ခဏပဲ"
"ဒါပေမယ့် ကောကို့ စိတ်ပူတယ်လေ..."
စစ်ဟွိုင်ရှီး က သူ့ကို ခေါင်းမာမာနဲ့ ကြည့်နေတယ်၊ သူ့အတွက် စိုးရိမ်ပူပန်မှုတွေ ပြည့်နှက်နေတဲ့ မျက်လုံးတွေက ဖေးကျောက်ကျိုး ရဲ့ နှလုံးသားကို အနည်းငယ် ထိမိသွားတယ်။
YOU ARE READING
ဗီလိန်Alphaကြီးမှာကိုယ်ဝန်ရှိနေပြီတဲ့ (MM Translation )
Romanceစစ်ဟွိုင်ရှီး သည် နောက်ဆုံးသောနေ့ရက်များတွင် ဖုတ်ကောင်များကို တိုက်ခိုက်ရန် ငြီးငွေ့နေသောကြောင့် သူဖတ်ရန် ဝတ္ထုတစ်ပုဒ်ကို ကောက်ယူခဲ့သည်။ ဤဝတ္ထုကို "Interstellar Heartthrob" ဟုခေါ်ပြီး စစ်ဟွိုင်ရှီး က ငြိမ်းချမ်းတဲ့ခေတ်မှာ သိပ္ပံစိတ်ကူးယဉ် တစ်မျိုး လ...
