( Unicode )
" သီဟ car accident ဖြစ်လို့တဲ့ ၊ လမ်းဘေးက သစ်ပင်ကို ဝင်တိုက်တာ ၊ ဆေးစစ်ချက်အရ အရက်သောက်ထားတာမျိုးတော့ မရှိဘူးတဲ့ "
ဖုန်းထဲက တွေ့လိုက်ရသော သတင်းနှင့် ဓာတ်ပုံအချို့ကြောင့် သူငယ်ချင်းအတွက် အာကာစိတ်ပူသွားရသည်။ အရင်တစ်ခါ ဘုဏ်းဇေနှင့် ပြဿနာတက်ပြီးကတည်းက သီဟက သူတို့ကွန်ဒိုကို မလာသလို နေ့လယ်စာလည်း အတူလာမစားပေ။ သူရယ် ကောင်းယံရယ်နှင့်တော့ မေဂျာတူမို့ အတန်းထဲမှာ အမြဲဆုံဖြစ်ကြသည်။ ပြဿနာဖြစ်သည့်နေ့က အကြောင်းကိုတော့ မပြောဖြစ်ကြ။ ဘာပဲဖြစ်ဖြစ် သူငယ်ချင်းက သူငယ်ချင်းပဲ မဟုတ်လား ။
" သေပြီတဲ့လား "
" ဘုဏ်းဇေ "
သီဟအပေါ်ကို ဘုဏ်းဇေ စိတ်မပြေနိုင်သေးမှန်း ရှင်းသန့်သိသော်လည်း သည်လိုစကားမျိုးကိုတော့ မပြောစေချင်ပါ ။ အခုက သီဟအခြေအနေကို ရှင်းရှင်းလင်းလင်း မသိရသေးသဖြင့် သူကိုယ်တိုင်လည်း သီဟကိုစိုးရိမ်သည်။ ရောင်ရှိန်က သီဟ ဘယ်ဆေးရုံမှာလဲ စုံစမ်းနေပြီး အာကာနှင့်ကောင်းယံကလည်း သီဟဆီသွားဖို့ ပြင်ဆင်နေကြ၏ ။
" ဆေးရုံနေရာသိရပြီ ၊ အသက်အန္တာရာယ် မရှိပေမဲ့ ဒဏ်ရာကတော့ များတယ်လို့ပြောတယ် ၊ ခေါင်းလဲကွဲသွားသလို လက်လဲကျိုးသွားတယ်တဲ့ ၊ ငါတို့ အခုပဲ လိုက်သွားရအောင် "
" ငါမလိုက်ဘူးနော်် ၊ အဲဒီကောင် သေသေရှင်ရှင် စိတ်မဝင်စားဘူး ၊ ရှင်း... မင်းလဲ မလိုက်ရဘူး "
" ဘုဏ်းဇေ ...မင်း အဲလိုမပြောပါနဲ့ကွာ ၊ ပြီးခဲ့တာတွေလဲ ပြီးပါစေတော့ ၊ သူလဲ မင်းတို့နှစ်ယောက်ကို လိုက်နှောင့်ယှက်နေတာမှမဟုတ်တာ "
" ဘာနေနေ ငါ သူ့ကို ခွင့်မလွှတ်ဘူး "
ခေါက်ဆွဲပြုတ်ထားသည့်မီးဖိုကို ပိတ်ပြီး ဘုဏ်းဇေက ဧည့်ခန်းထဲသွားထိုင်နေသည်။ ဆေးရုံမလိုက်ဖို့ တကယ်ဆုံးဖြတ်ထားသည့်ပုံပင်။ ရှင်းသန့် ဘုဏ်းဇေပုံစံကိုကြည့်ပြီး ရောင်ရှိန်တို့သုံးယောက်ကို အရင်သွားခိုင်းလိုက်ရ၏ ။ သူကတော့ ဘုဏ်းဇေကို နားချရဦးမည်။ နှစ်သစ်ကူးအကြိုပွဲလေးကတော့ ပျက်သွားခဲ့ပြီ ။
YOU ARE READING
Forget-Me-Nots { Completed }
General FictionA Love Story ( Own Characters ) ဘုဏ်းဇေယျာကျော်xရှင်းသန့်တည်ကြည် " မင်းသားလေး...မင်း ငါ့အပေါ် သိပ်သဘောကောင်းတာပဲ၊ ငါ့မေမေကပြောတယ်၊ အသက်ကြီးလို့ လက်ထပ်တဲ့အရွယ်ရောက်ရင် ကိုယ့်အပေါ်ကောင်းတဲ့သူကိုမှ လက်ထပ်တဲ့၊ ငါကြီးရင် မင်းနဲ့လက်ထပ်မယ် " " ငါတို့က ယော...